Latest News
ਰਾਮੂਵਾਲੀਆ ਪੰਜਾਬ ਦੀ ਸਿਆਸਤ 'ਚ ਮੁੜ ਪਰਤੇ

Published on 19 Jul, 2018 11:53 AM.


ਲੁਧਿਆਣਾ (ਉੱਤਮ ਕੁਮਾਰ ਰਾਠੌਰ)
ਰਾਜਨੀਤੀ 'ਚ ਉਪਰ-ਥੱਲੇ ਕੀਤੇ ਬਿਨਾਂ ਕੋਈ ਐੱਮ ਐੱਲ ਏ- ਐੱਮ ਪੀ ਦੀ ਚੋਣ ਲੜੇ ਸਿਆਸਤ ਦੇ ਕਈ ਅਹਿਮ ਅਹੁਦਿਆਂ 'ਤੇ ਰਹਿਣ ਅਤੇ ਮੰਤਰੀ ਬਣਨ ਵਾਲੇ ਸਾਬਕਾ ਕੈਬਨਿਟ ਮੰਤਰੀ ਉਤਰ ਪ੍ਰਦੇਸ਼ ਤੇ ਪੰਜਾਬ ਦੇ ਵੱਡੇ ਆਗੂ ਬਲਵੰਤ ਸਿੰਘ ਰਾਮੂਵਾਲੀਆ ਲੋਕ ਸਭਾ ਚੋਣਾਂ ਤੋਂ ਪਹਿਲਾਂ ਪੰਜਾਬ ਦੀ ਸਿਆਸਤ 'ਚ ਮੁੜ ਪਰਤ ਆਏ ਹਨ।
ਉਨ੍ਹਾ ਅੱਜ ਲੁਧਿਆਣਾ 'ਚ ਇੱਕ ਪ੍ਰੋਗਰਾਮ ਵੇਲੇ ਆਪਣੀ ਪੁਰਾਣੀ ਲੋਕ ਭਲਾਈ ਪਾਰਟੀ ਦੀ ਮੁੜ ਉਸਾਰੀ ਦੀ ਘੋਸ਼ਣਾ ਕਰਦਿਆਂ ਕਿਹਾ ਕਿ ਇਹ ਇਕ ਗੈਰ-ਸਿਆਸੀ ਮੰਚ ਹੈ ਅਤੇ ਸਮਾਜਵਾਦੀ ਸੁਪਰੀਮੋ ਨਾਲ ਗੱਲ ਕਰਕੇ ਸਿਆਸੀ ਰੂਪ ਦੇਣਗੇ। ਇੱਥੇ ਜ਼ਿਕਰਯੋਗ ਹੈ ਕਿ ਰਾਮੂਵਾਲੀਆ ਨੇ 1997 'ਚ ਪੰਜਾਬ ਵਿੱਚ ਲੋਕ ਭਲਾਈ ਪਾਰਟੀ ਦੇ ਨਾਂਅ ਹੇਠ ਆਪਣੀ ਪਾਰਟੀ ਖੜੀ ਕੀਤੀ ਸੀ ਅਤੇ ਨਵੰਬਰ 2011 'ਚ ਇਸ ਨੂੰ ਭੰਗ ਕਰਕੇ ਅਕਾਲੀ ਦਲ ਵਿੱਚ ਸ਼ਾਮਲ ਹੋ ਗਏ, 2007 'ਚ ਪਾਰਟੀ ਨੇ ਵਿਧਾਨ ਸਭਾ ਚੋਣਾਂ ਵਿੱਚ ਆਪਣੇ ਉਮੀਦਵਾਰ ਖੜੇ ਕਰਕੇ ਚੋਣ ਲੜੀ ਸੀ, ਪਰ ਇਕ ਵੀ ਸੀਟ ਹਾਸਲ ਨਾ ਕਰ ਸਕੇ। ਇੱਥੋਂ ਤੱਕ ਕਿ ਲੁਧਿਆਣਾ ਲੋਕ ਸਭਾ ਸੀਟ ਤੋਂ ਵੀ ਚੋਣਾਂ ਵਿੱਚ ਕਿਸਮਤ ਅਜ਼ਮਾਇਸ਼ ਕੀਤੀ, ਪਰ ਇੱਥੇ ਵੀ ਕੋਈ ਖਾਸ ਪ੍ਰਾਪਤੀ ਹਾਸਲ ਨਾ ਹੋਈ।ਵੱਡੀ ਗੱਲ ਇਹ ਹੈ ਕਿ ਲੋਕ ਭਲਾਈ ਪਾਰਟੀ ਦੀ ਮੁੜ ਉਸਾਰੀ ਦੇ ਐਲਾਨ ਸਮੇਂ ਰਾਮੂਵਾਲੀਆ ਨੇ ਪੰਜਾਬ ਦੇ ਸਭ ਤੋਂ ਵੱਡੇ ਮਸਲੇ ਨਸ਼ੇ ਦੀ ਸਮੱਸਿਆ 'ਤੇ ਬੇਬਾਕੀ ਨਾਲ ਗੱਲ ਕੀਤੀ।
ਰਾਮੂਵਾਲੀਆ ਇਸ ਵੇਲੇ ਯੂ ਪੀ ਵਿਧਾਨ ਪ੍ਰੀਸ਼ਦ ਦੇ ਮੈਂਬਰ ਹਨ। ਇਥੇ ਉਨ੍ਹਾਂ ਦਾ ਕਾਰਜਕਾਲ 2022 ਤੱਕ ਦਾ ਹੈ। ਉਹ ਯੂ ਪੀ ਦੀ ਅਖਿਲੇਸ਼ ਸਰਕਾਰ 'ਚ 2015 ਤੋਂ 2017 ਤੱਕ ਕੈਬਨਿਟ ਮੰਤਰੀ ਵੀ ਰਹੇ ਅਤੇ ਸਮਾਜਵਾਦੀ ਪਾਰਟੀ ਦੇ ਵਰਕਿੰਗ ਕਮੇਟੀ ਮੈਂਬਰ ਵੀ ਹਨ।

1137 Views

Reader Reviews

Please take a moment to review your experience with us. Your feedback not only help us, it helps other potential readers.


Before you post a review, please login first. Login
e-Paper