Latest News
ਉਲੰਪਿਕ ਟੈਸਟ ਮੁਕਾਬਲਾ : ਭਾਰਤੀ ਮਹਿਲਾ ਹਾਕੀ ਟੀਮ ਨੇ ਜਾਪਾਨ ਨੂੰ 2-1 ਨਾਲ ਹਰਾਇਆ

Published on 17 Aug, 2019 10:42 AM.


ਟੋਕੀਓ (ਨਵਾਂ ਜ਼ਮਾਨਾ ਸਰਵਿਸ)
ਭਾਰਤੀ ਮਹਿਲਾ ਹਾਕੀ ਟੀਮ ਨੇ ਸ਼ਨੀਵਾਰ ਨੂੰ ਇੱਥੇ ਮੇਜ਼ਬਾਨ ਜਾਪਾਨ 'ਤੇ 2-1 ਦੀ ਜਿੱਤ ਨਾਲ ਉਲੰਪਿਕ ਪ੍ਰੀਖਣ ਮੁਕਾਬਲੇ 'ਚ ਆਪਣਾ ਅਭਿਆਨ ਸ਼ੁਰੂ ਕੀਤਾ। ਭਾਰਤ ਨੇ ਪੈਨਾਲਟੀ ਕਾਰਨਰ ਮਾਹਰ ਗੁਰਜੀਤ ਕੌਰ ਦੀ ਮਦਦ ਨਾਲ ਨੌਵੇਂ ਹੀ ਮਿੰਟ 'ਚ ਬੜ੍ਹਤ ਬਣਾ ਲਈ, ਪਰ ਮੇਜ਼ਬਾਨ ਟੀਮ ਨੇ 16ਵੇਂ ਮਿੰਟ 'ਚ ਅਕੀ ਮਿਤਸੁਹਾਸੀ ਦੇ ਮੈਦਾਨੀ ਗੋਲ ਨਾਲ 1-1 ਨਾਲ ਬਰਾਬਰੀ ਹਾਸਲ ਕੀਤੀ। ਹਾਲਾਂਕਿ ਗੁਰਜੀਤ ਨੇ ਫਿਰ 35ਵੇਂ ਮਿੰਟ 'ਚ ਪੈਨਲਟੀ ਕਾਰਨਰ ਨਾਲ ਗੋਲ ਕਰਕੇ ਆਪਣੀ ਟੀਮ ਨੂੰ 2-1 ਨਾਲ ਅੱਗੇ ਕਰ ਦਿੱਤਾ, ਜੋ ਆਖਰੀ ਫੈਸਲਾ ਰਿਹਾ।
ਭਾਰਤੀ ਟੀਮ ਨੇ ਹਮਲਾਵਰ ਸ਼ੁਰੂਆਤ ਕੀਤੀ ਅਤੇ ਪਹਿਲੇ 10 ਮਿੰਟ 'ਚ ਹੀ ਉਸ ਨੂੰ ਕੁਝ ਮੌਕੇ ਮਿਲ ਗਏ। ਦੋਵੇਂ ਟੀਮਾਂ ਉਲੰਪਿਕ ਖੇਡਾਂ ਦੇ ਦਿਸ਼ਾ-ਨਿਰਦੇਸ਼ਾਂ ਅਨੁਸਾਰ 16 ਖਿਡਾਰੀਆਂ ਦੇ ਨਾਲ ਖੇਡ ਰਹੀਆਂ ਸਨ। ਦੋਵਾਂ ਨੇ ਸਮੇਂ 'ਤੇ ਪੂਰੇ ਮੈਚ ਦੌਰਾਨ ਖਿਡਾਰੀਆਂ ਨੂੰ ਅੰਦਰ-ਬਾਹਰ ਕੀਤਾ। ਜਾਪਾਨ ਨੂੰ ਸਥਾਨਾਪੰਨਾ ਖਿਡਾਰੀ ਦਾ ਲਾਭ ਹੋਇਆ ਅਤੇ 29 ਸਾਲ ਦੀ ਮਿਤਸੁਹਾਸੀ ਨੇ ਟੀਮ ਨੂੰ ਬਰਾਬਰੀ ਦਿਵਾਈ।
ਭਾਰਤੀ ਟੀਮ ਜ਼ਿਆਦਾ ਹਮਲੇ ਬੋਲ ਰਹੀ ਸੀ, ਹਾਲਾਂਕਿ ਦੋਵੇਂ ਟੀਮਾਂ ਇੱਕ-ਦੂਜੇ ਦੀ ਰਣਨੀਤੀ ਨੂੰ ਚੰਗੀ ਤਰ੍ਹਾਂ ਸਮਝ ਰਹੀਆਂ ਸਨ, ਕਿਉਂਕਿ ਦੋਵੇਂ ਪਿਛਲੇ ਦੋ ਸਾਲਾਂ ਤੋਂ ਆਪਸ 'ਚ ਕਾਫ਼ੀ ਵਾਰ ਖੇਡ ਚੁੱਕੀਆਂ ਹਨ। ਹਾਫ਼ ਟਾਈਮ ਤੱਕ ਸਕੋਰ 1-1 ਰਿਹਾ। ਤੀਜੇ ਕੁਆਟਰ 'ਚ ਭਾਰਤੀ ਟੀਮ ਨੇ ਸ਼ੁਰੂ 'ਚ ਦਬਦਬਾ ਬਣਾਇਆ ਅਤੇ 35ਵੇਂ ਮਿੰਟ 'ਚ ਇੱਕ ਹੋਰ ਪੈਨਲਟੀ ਕਾਰਨਰ ਹਾਸਲ ਕੀਤਾ। 23 ਸਾਲਾ ਗੁਰਜੀਤ ਨੇ ਇਸ ਮੌਕੇ ਦਾ ਲਾਭ ਲੈ ਕੇ ਗੋਲ ਕਰ ਦਿੱਤਾ।

109 Views

Reader Reviews

Please take a moment to review your experience with us. Your feedback not only help us, it helps other potential readers.


Before you post a review, please login first. Login
e-Paper