Latest News
ਮਸਾਲਿਆਂ ਦੇ ਬਾਦਸ਼ਾਹ ਨਹੀਂ ਰਹੇ

Published on 03 Dec, 2020 10:55 AM.


ਨਵੀਂ ਦਿੱਲੀ : ਮਸਾਲਿਆਂ ਦੇ ਬਾਦਸ਼ਾਹ ਤੇ ਐਮ ਡੀ ਐਚ ਦੇ ਮਾਲਕ ਮਹਾਸ਼ਾ ਧਰਮਪਾਲ ਗੁਲਾਟੀ ਦਾ ਵੀਰਵਾਰ 97 ਸਾਲ ਦੀ ਉਮਰ ਵਿਚ ਦਿਹਾਂਤ ਹੋ ਗਿਆ। ਗੁਲਾਟੀ, ਜਿਨ੍ਹਾ ਨੂੰ ਪਿਛਲੇ ਸਾਲ ਪਦਮ ਭੂਸ਼ਣ ਐਵਾਰਡ ਨਾਲ ਨਿਵਾਜਿਆ ਗਿਆ ਸੀ, ਨੇ ਮਾਤਾ ਚੰਨਣ ਦੇਵੀ ਹਸਪਤਾਲ ਵਿਚ ਆਖਰੀ ਸਾਹ ਲਏ। ਉਹ ਕੋਰੋਨਾ ਤੋਂ ਠੀਕ ਹੋ ਗਏ ਸਨ ਅਤੇ ਉਨ੍ਹਾ ਦਾ ਕੋਰੋਨਾ ਕਾਰਨ ਪੈਦਾ ਹੋਣ ਵਾਲੀਆਂ ਸਮੱਸਿਆਵਾਂ ਦਾ ਇਲਾਜ ਚਲ ਰਿਹਾ ਸੀ। ਉਨ੍ਹਾ ਦੀ ਮੌਤ ਦਿਲ ਦੀ ਧੜਕਣ ਬੰਦ ਨਾਲ ਹੋਈ। ਸਿਆਲਕੋਟ ਵਿਚ 27 ਮਾਰਚ 1923 ਨੂੰ ਪੈਦਾ ਹੋਏ ਧਰਮਪਾਲ ਨੂੰ ਪੰਜਵੀਂ ਤੋਂ ਪਹਿਲਾਂ ਹੀ ਪੜ੍ਹਾਈ ਛੱਡਣੀ ਪਈ ਸੀ। ਰੌਲਿਆਂ ਤੋਂ ਬਾਅਦ ਭਾਰਤ ਆ ਕੇ ਉਨ੍ਹਾ ਇਥੇ ਮਸਾਲਿਆਂ ਦੀ ਹੱਟੀ ਖੋਲ੍ਹੀ ਅਤੇ ਫਿਰ ਕੰਮ ਏਨਾ ਵਧਾਇਆ ਕਿ ਦੁਨੀਆ ਵਿਚ ਉਨ੍ਹਾ ਦੇ ਮਸਾਲਿਆਂ ਦੀਆਂ ਧੁੰਮਾਂ ਪੈ ਗਈਆਂ।

188 Views

Reader Reviews

Please take a moment to review your experience with us. Your feedback not only help us, it helps other potential readers.


Before you post a review, please login first. Login
e-Paper