ਰਾਸ਼ਟਰੀ

ਡੀਜ਼ਲ ਦੀ ਕੀਮਤ 'ਚ ਕਮੀ ਦੀ ਤਿਆਰੀ

ਭਾਰਤ ਵੱਲੋਂ ਪਿਛਲੇ 8 ਸਾਲਾਂ ਵਿੱਚ ਪਹਿਲੀ ਵਾਰ ਡੀਜ਼ਲ ਦੀ ਕੀਮਤ ਵਿੱਚ ਕਮੀ ਬਾਰੇ ਵਿਚਾਰ ਕੀਤਾ ਜਾ ਰਿਹਾ ਹੈ। ਕੌਮਾਂਤਰੀ ਬਜ਼ਾਰ ਵਿੱਚ ਪਿਛਲੇ 1 ਸਾਲ ਵਿੱਚ ਪਹਿਲੀ ਵਾਰ ਕੱਚੇ ਤੇਲ ਦੀ ਕੀਮਤ 100 ਡਾਲਰ ਪ੍ਰਤੀ ਬੈਰਲ ਤੋਂ ਹੇਠਾਂ ਆਈ ਹੈ। ਜੇ ਡੀਜ਼ਲ ਦੀ ਕੀਮਤ 'ਚ ਕਮੀ ਹੁੰਦੀ ਹੈ ਤਾਂ ਇਸ ਨਾਲ ਮਹਿੰਗਾਈ ਦੇ ਮਾਮਲੇ 'ਚ ਵੀ ਰਾਹਤ ਮਿਲ ਸਕਦੀ ਹੈ।

ਜੰਮੂ-ਕਸ਼ਮੀਰ; ਅਜੇ ਵੀ ਫਸੇ ਹੋਏ ਹਨ ਚਾਰ ਲੱਖ ਲੋਕ

ਹੜ੍ਹਾਂ ਨਾਲ ਤਬਾਹ ਹੋਈ ਕਸ਼ਮੀਰ ਘਾਟੀ 'ਚ ਅਜੇ ਵੀ ਚਾਰ ਲੱਖ ਲੋਕ ਫਸੇ ਹੋਏ ਹਨ ਅਤੇ ਮਦਦ ਦੀ ਉਡੀਕ ਵਿੱਚ ਹਨ। ਭਾਰੀ ਬਾਰਸ਼ ਕਾਰਨ ਕਈ ਏਜੰਸੀਆਂ ਵੱਲੋਂ ਚਲਾਏ ਜਾ ਰਹੇ ਰਾਹਤ ਤੇ ਬਚਾਅ ਕਾਰਜਾਂ 'ਚ ਵਿਘਨ ਪਿਆ ਹੈ। ਇਸ ਦੌਰਾਨ ਲੱਗਭੱਗ 43000 ਲੋਕਾਂ ਨੂੰ ਸੁਰੱਖਿਅਤ ਟਿਕਾਣਿਆਂ 'ਤੇ ਲਿਜਾਇਆ ਜਾ ਚੁੱਕਾ ਹੈ।

ਦਿਵਿਆਸ੍ਰੀ ਵੇਸਵਾਗਿਰੀ 'ਚ ਰੰਗੇ ਹੱਥੀਂ ਗ੍ਰਿਫਤਾਰ

ਅਭਿਨੇਤਰੀ ਸੁਵੇਤਾ ਬਾਸੂ ਦੇ ਵੇਸਵਾਗਿਰੀ 'ਚ ਸ਼ਾਮਲ ਹੋਣ ਦੀ ਗੱਲ ਸਾਹਮਣੇ ਆਉਣ ਤੋਂ ਬਾਅਦ ਇੱਕ ਹੋਰ ਅਭਿਨੇਤਰੀ ਦਾ ਨਾਂਅ ਵੇਸਵਾਗਿਰੀ ਵਿੱਚ ਸ਼ਾਹਮਣੇ ਆਇਆ ਹੈ। ਤੇਲਗੂ ਫਿਲਮ ਬੀਟੈਕ ਬਾਬੂ ਦੀ ਅਭਿਨੇਤਰੀ ਦਿਵਿਆਸ੍ਰੀ ਨੂੰ ਪੁਲਸ ਨੇ ਵੇਸਵਾਗਿਰੀ ਕਰਦਿਆਂ ਗ੍ਰਿਫਤਾਰ ਕਰ ਲਿਆ।

ਬਾਦਲਾਂ ਦੇ ਵਿਹੜੇ 'ਚ ਬੱਦਲਾਂ ਦਾ ਤਾਂਡਵ

ਹਰ ਪਾਸੇ ਪਾਣੀ ਹੈ, ਹਰ ਚੇਹਰੇ 'ਤੇ ਭਵਿੱਖ ਦਾ ਫ਼ਿਕਰ ਵਰਤਮਾਨ ਦੀ ਪ੍ਰੇਸ਼ਾਨੀ ਹੈ, ਮਜ਼ਦੂਰਾਂ ਦੀ ਮੱਟੀ ਖਾਲੀ ਤਬਾਹ ਕਿਰਸਾਨੀ ਹੈ, ਅੰਬਰ 'ਚੋਂ ਵਰ੍ਹੇ ਕਹਿਰ (ਮੀਂਹ) ਦੇ ਸ਼ਿਕਾਰ ਲੋਕਾਂ ਦੀ ਇਹੋ ਕਹਾਣੀ ਹੈ। ਕਸ਼ਮੀਰ ਦੀਆਂ ਵਾਦੀਆਂ 'ਚ ਆਏ ਹੜ੍ਹ ਦੀਆਂ ਦਿਲ ਕੰਬਾਊ ਤਸਵੀਰਾਂ ਤਾਂ ਦੁਨੀਆ ਦੇਖ ਹੀ ਰਹੀ ਹੈ, ਪਰ ਮੁੱਖ ਮੰਤਰੀ ਦੇ ਜੱਦੀ ਜ਼ਿਲ੍ਹੇ 'ਚ ਵੀ ਜਲ ਪਰਲੋ ਨੇ ਉਜਾੜੇ 'ਚ ਕੋਈ ਕਸਰ ਨਹੀਂ ਛੱਡੀ ਹੈ।

ਦਿੱਲੀ ਅਸੰਬਲੀ ਭੰਗ ਕਰਨ ਲਈ ਦਾਇਰ ਪਟੀਸ਼ਨ 'ਤੇ ਸੁਣਵਾਈ ਅੱਗੇ ਪਾਈ

ਦਿੱਲੀ ਵਿਧਾਨ ਸਭਾ ਭੰਗ ਕਰਨ ਲਈ ਆਮ ਆਦਮੀ ਪਾਰਟੀ ਵੱਲੋਂ ਦਾਇਰ ਪਟੀਸ਼ਨ 'ਤੇ ਸੁਪਰੀਮ ਕੋਰਟ ਨੇ ਸੁਣਵਾਈ 4 ਹਫਤੇ ਲਈ ਅੱਗੇ ਪਾ ਦਿੱਤੀ ਹੈ ਅਤੇ ਇਸ ਮੁੱਦੇ 'ਤੇ ਅਗਲੀ ਸੁਣਵਾਈ 10 ਅਕਤੂਬਰ ਨੂੰ ਹੋਵੇਗੀ।

ਭਾਜਪਾ ਦੇ ਹੱਕ 'ਚ ਸਿੱਧੇ ਭੁਗਤੇ ਜੰਗ : ਕੇਜਰੀਵਾਲ

ਦਿੱਲੀ ਦੇ ਉਪ ਰਾਜਪਾਲ ਨਜੀਬ ਜੰਗ ਨੇ ਦਿੱਲੀ 'ਚ ਸਰਕਾਰ ਬਣਾਉਣ ਦੇ ਮਸਲੇ 'ਤੇ ਸਿੱਧੇ ਭਾਜਪਾ ਦੇ ਹੱਕ 'ਚ ਭੁਗਤੇ ਹਨ। ਨਜੀਬ ਜੰਗ ਨੇ ਰਾਸ਼ਟਰਪਤੀ ਪ੍ਰਣਬ ਮੁਖਰਜੀ ਨੂੰ ਇਕ ਚਿੱਠੀ ਲਿਖੀ ਹੈ। ਇਸ ਚਿੱਠੀ 'ਚ ਕਿਹਾ ਗਿਆ ਹੈ ਕਿ ਜੇ ਭਾਜਪਾ ਨੂੰ ਸਰਕਾਰ ਬਣਾਉਣ ਦਾ ਨਿਊਤਾ ਦਿੱਤੇ ਜਾਣ ਦੀ ਆਗਿਆ ਮਿਲਦੀ ਹੈ ਤਾਂ ਉਹ ਸ਼ੁਕਰਗੁਜ਼ਾਰ ਹੋਣਗੇ।

ਮੋਦੀ-ਓਬਾਮਾ 'ਚ ਗੱਲਬਾਤ 29-30 ਨੂੰ

ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ 29 ਅਤੇ 30 ਸਤੰਬਰ ਨੂੰ ਵ੍ਹਾਈਟ ਹਾਊਸ 'ਚ ਅਮਰੀਕਾ ਦੇ ਰਾਸ਼ਟਰਪਤੀ ਬਰਾਕ ਓਬਾਮਾ ਨਾਲ ਮੀਟਿੰਗ ਕਰਨਗੇ, ਜਿਸ 'ਚ ਦੋਹਾਂ ਆਗੂਆਂ ਵੱਲੋਂ ਅਮਰੀਕਾ-ਭਾਰਤ ਰਣਨੀਤਕ ਭਾਈਵਾਲੀ ਨੂੰ ਹੋਰ ਵਸੀਹ ਅਤੇ ਡੂੰਘਾ ਬਣਾਉਣ ਦੇ ਮਕਸਦ ਨਾਲ ਵੱਖ-ਵੱਖ ਮੁੱਦਿਆਂ 'ਤੇ ਵਿਚਾਰ ਵਟਾਂਦਰਾ ਕੀਤਾ ਜਾਵੇਗਾ।

ਆਈ ਸੀ ਸੀ ਵੱਲੋਂ ਦੁਨੀਆ ਦੇ ਨੰਬਰ ਵੰਨ ਗੇਂਦਬਾਜ਼ 'ਤੇ ਪਾਬੰਦੀ

ਅੰਤਰਰਾਸ਼ਟਰੀ ਕ੍ਰਿਕਟ ਕੌਂਸਲ ਨੇ ਪਾਕਿਸਤਾਨ ਦੇ ਸਪਿੰਨਰ ਸਈਦ ਅਜ਼ਮਲ ਨੂੰ ਮੁਅੱਤਲ ਕਰ ਦਿੱਤਾ ਹੈ। ਅਜ਼ਮਲ ਦੇ ਗੇਂਦਬਾਜ਼ੀ ਐਕਸ਼ਨ ਦੇ ਗਲਤ ਪਾਏ ਜਾਣ ਤੋਂ ਬਾਅਦ ਆਈ ਸੀ ਸੀ ਨੇ ਇਹ ਫੈਸਲਾ ਲਿਆ ਹੈ।

ਸ਼ੀ ਦਾ ਭਾਰਤ ਦੌਰਾ ਅਗਲੇ ਹਫ਼ਤੇ

ਕੌਮੀ ਸੁਰੱਖਿਆ ਸਲਾਹਕਾਰ ਅਜਿਤ ਡੋਭਾਲ ਨੇ ਅੱਜ ਇਥੇ ਚੀਨ ਦੇ ਕੂਟਨੀਤਕ ਅਤੇ ਸਟੇਟ ਕੌਂਸਲਰ ਦੇ ਮੈਂਬਰ ਯਾਂਗ ਜੇ ਇਪੀ ਨਾਲ ਮੁਲਾਕਾਤ ਕਰਕੇ ਚੀਨ ਦੇ ਰਾਸ਼ਟਰਪਤੀ ਨੇ ਅਗਲੇ ਹਫ਼ਤੇ ਭਾਰਤ ਆਉਣਾ ਹੈ।

ਫੋਨ ਠੱਪ, ਸੜਕਾਂ ਡੁੱਬੀਆਂ, ਹਜ਼ਾਰਾਂ ਲੋਕ ਛੱਤਾਂ 'ਤੇ

ਪਿਛਲੇ 60 ਸਾਲਾਂ ਦੇ ਸਭ ਤੋਂ ਭਿਆਨਕ ਹੜ੍ਹਾਂ ਨੇ ਜੰਮੂ-ਕਸ਼ਮੀਰ 'ਚ ਤਬਾਹੀ ਮਚਾ ਕੇ ਰੱਖ ਦਿੱਤੀ ਹੈ। ਦੂਰ ਸੰਚਾਰ ਸੇਵਾਵਾਂ ਠੱਪ ਹੋ ਗਈਆਂ ਹਨ, ਜਿਸ ਕਾਰਨ ਜਿੱਥੇ ਲੋਕਾਂ ਨੂੰ ਆਪਸੀ ਸੰਪਰਕ ਕਰਨ ਵਿੱਚ ਮੁਸ਼ਕਿਲ ਆ ਰਹੀ ਹੈ, ਉਥੇ ਰਾਹਤ ਕਾਰਜਾਂ 'ਚ ਜੁਟੀ ਫੌਜ ਨੂੰ ਵੀ ਆਪਸੀ ਤਾਲਮੇਲ ਬਿਠਾਉਣ 'ਚ ਮੁਸ਼ਕਿਲ ਪੇਸ਼ ਆ ਰਹੀ ਹੈ।

ਭਾਜਪਾ ਕਰ ਰਹੀ ਹੈ ਵਿਧਾਇਕਾਂ ਦੀ ਖਰੀਦੋ-ਫਰੋਖਤ

ਦਿੱਲੀ 'ਚ ਸਰਕਾਰ ਬਣਾਉਣ ਦੀ ਚਰਚਾ ਦੌਰਾਨ ਆਮ ਆਦਮੀ ਪਾਰਟੀ (ਆਪ) ਨੇ ਭਾਰਤੀ ਜਨਤਾ ਪਾਰਟੀ (ਭਾਜਪਾ) 'ਤੇ ਵਿਧਾਇਕਾਂ ਦੀ ਖਰੀਦੋ-ਫਰੋਖਤ ਕਰਨ ਦਾ ਦੋਸ਼ ਲਾਇਆ ਹੈ। ਆਪ ਨੇ ਉਪਰੇਸ਼ਨ ਪਰਦਾਫ਼ਾਸ਼ ਦੇ ਨਾਂਅ ਨਾਲ ਇੱਕ ਸਟਿੰਗ ਜਾਰੀ ਕੀਤਾ ਹੈ,

ਭਾਰਤ-ਪਾਕਿ ਗੱਲਬਾਤ ਸ਼ੁਰੂ ਹੋਣ ਦੇ ਆਸਾਰ

-ਭਾਰਤ ਨੇ ਸੋਮਵਾਰ ਨੂੰ ਪਾਕਿਸਤਾਨ 'ਤੇ ਗੱਲਬਾਤ ਦੀ ਪ੍ਰਕਿਰਿਆ ਨੂੰ ਲੀਹੋਂ ਲਾਹੁਣ ਦਾ ਦੋਸ਼ ਲਾਇਆ ਹੈ, ਐਪਰ ਇਹ ਗੱਲ ਵੀ ਕਹੀ ਹੈ ਕਿ ਕੂਟਨੀਤਕ ਰਿਸ਼ਤਿਆਂ 'ਚ ਕਦੇ ਵੀ ਮੁਕੰਮਲ ਵਿਰਾਮ ਨਹੀਂ ਆਉਂਦਾ ਅਤੇ ਲੋਕ ਥੋੜ੍ਹੀ ਦੇਰ ਦੇ ਠਹਿਰਾਓ ਤੋਂ ਬਾਅਦ ਹਮੇਸ਼ਾ ਅੱਗੇ ਵਧਦੇ ਹਨ। ਇਸ ਤਰ੍ਹਾਂ ਇਹ ਇਸ਼ਾਰਾ ਦਿੱਤਾ ਗਿਆ ਹੈ ਕਿ ਨੇੜ ਭਵਿੱਖ 'ਚ ਦੁਵੱਲੀ ਗੱਲਬਾਤ ਸ਼ੁਰੂ ਹੋ ਸਕਦੀ ਹੈ।

ਸਵਾਮੀ ਨਿਤਿਆਨੰਦ ਦਾ ਮਰਦਾਨਗੀ ਟੈੱਸਟ

ਸੁਪਰੀਮ ਕੋਰਟ ਵੱਲੋਂ ਬਲਾਤਕਾਰ ਦੇ ਦੋਸ਼ੀ ਸੁਆਮੀ ਨਿਤਿਆਨੰਦ ਦੀ ਪਟੀਸ਼ਨ ਖਾਰਜ ਕੀਤੇ ਜਾਣ ਮਗਰੋਂ ਅੱਜ ਉਨ੍ਹਾ ਦਾ ਮਰਦਾਨਗੀ ਟੈੱਸਟ ਕੀਤਾ ਗਿਆ। ਨਿਤਿਆਨੰਦ ਨੇ ਮਰਾਦਨਗੀ ਟੈੱਸਟ ਕਰਵਾਏ ਜਾਣ ਵਿਰੁੱਧ ਪਟੀਸ਼ਨ ਦਾਇਰ ਕੀਤੀ ਸੀ, ਜਿਹੜੀ ਅਦਾਲਤ ਨੇ ਖਾਰਜ ਕਰ ਦਿੱਤੀ।

ਡੇਰਾ ਬਾਬਾ ਵਸਾਊ ਦਾਸ 'ਚ ਡਾਕਾ

ਡੇਰਾ ਬਾਬਾ ਵਸਾਊ ਦਾਸ ਆਪ ਹੀ ਲੁੱਟਿਆ ਗਿਆ, ਕੋਟਫੱਤਾ ਵਿੱਚ ਅੱਧੀ ਰਾਤ ਦੇ ਕਰੀਬ ਡਾਕਾ ਮਾਰਿਆ ਗਿਆ। ਲੁਟੇਰਿਆਂ ਨੇ ਡੇਰੇ ਦੇ ਅਮਲੇ ਫੈਲੇ ਨੂੰ ਰੱਸਿਆਂ ਨਾਲ ਬੰਨ੍ਹ ਕੇ ਡੇਰੇ ਵਿੱਚ ਪਿਆ ਅਸਲਾ, ਸੋਨੇ ਦੀ ਮਾਲਾ, ਸੋਨੇ ਦੇ ਗਹਿਣੇ ਅਤੇ ਹਜ਼ਾਰਾਂ ਰੁਪਏ ਲੁੱਟ ਲਏ। ਡੇਰੇ ਵੱਲੋਂ ਰਾਤ ਨੂੰ ਢਾਈ ਵਜੇ ਦੇ ਕਰੀਬ ਇਸ ਦੀ ਸੂਚਨਾ ਪਿੰਡ ਦੇ ਕਲੱਬ ਆਗੂਆਂ ਨੂੰ ਦਿੱਤੀ

ਡਾਗਰ ਨੇ ਆਪ ਆਗੂਆਂ ਨਾਲ ਮੀਟਿੰਗ ਦੀ ਗੱਲ ਮੰਨੀ

ਆਮ ਆਦਮੀ ਪਾਰਟੀ ਵੱਲੋਂ ਭਾਜਪਾ ਨੇਤਾ ਸ਼ੇਰ ਸਿੰਘ ਡਾਗਰ 'ਤੇ ਵਿਧਾਇਕ ਖਰੀਦਣ ਦਾ ਦੋਸ਼ ਲਾਏ ਜਾਣ ਮਗਰੋਂ ਡਾਗਰ ਨੇ ਮੰਨਿਆ ਹੈ ਕਿ ਉਹ ਉਸ ਮੀਟਿੰਗ 'ਚ ਸਨ, ਜਿਸ ਦਾ ਵੀਡੀਊ ਜਾਰੀ ਕੀਤਾ ਗਿਆ ਹੈ। ਉਨ੍ਹਾ ਇਸ ਗੱਲ ਤੋਂ ਸਾਫ਼ ਇਨਕਾਰ ਕੀਤਾ ਕਿ ਉਨ੍ਹਾ ਨੇ ਕਿਸੇ ਨੂੰ ਪੈਸੇ ਦੀ ਪੇਸ਼ਕਸ਼ ਕੀਤੀ ਹੈ।

ਰੇਲ ਮੰਤਰੀ ਦੇ ਪੁੱਤਰ ਨੂੰ ਮਿਲੀ ਜ਼ਮਾਨਤ

ਕੰਨੜ ਅਭਿਨੇਤਰੀ ਨਾਲ ਬਲਾਤਕਾਰ ਦੇ ਮਾਮਲੇ ਵਿੱਚ ਫਸੇ ਰੇਲ ਮੰਤਰੀ ਸਦਾਨੰਦ ਗੌੜਾ ਦੇ ਪੁੱਤਰ ਕਾਰਤਿਕ ਗੌੜਾ ਨੂੰ ਅੱਜ ਅਦਾਲਤ ਨੇ ਦੋ ਲੱਖ ਰੁਪਏ ਦੇ ਨਿੱਜੀ ਮੁਚੱਲਕੇ 'ਤੇ ਜ਼ਮਾਨਤ ਦੇ ਦਿੱਤੀ। ਜ਼ਿਕਰਯੋਗ ਹੈ ਕਿ ਪੁਲਸ ਵੱਲੋਂ ਕੇਸ ਕੀਤੇ ਜਾਣ ਮਗਰੋਂ ਕਾਰਤਿਕ ਰੂਪੋਸ਼ ਹੋ ਗਿਆ ਸੀ। ਗਾਇਬ ਪੁੱਤਰ ਬਾਰੇ ਰੇਲ ਮੰਤਰੀ ਸਦਾਨੰਦ ਗੌੜਾ ਦਾ ਕਹਿਣਾ ਹੈ ਕਿ ਕਾਨੂੰਨ ਆਪਣਾ ਕੰਮ ਕਰੇਗਾ।

ਸੀ ਬੀ ਆਈ ਮੁਖੀ ਖਿਲਾਫ਼ ਦੋਸ਼ ਗੰਭੀਰ : ਸੁਪਰੀਮ ਕੋਰਟ

ਸੁਪਰੀਮ ਕੋਰਟ ਨੇ ਸੋਮਵਾਰ ਨੂੰ ਸੀ ਬੀ ਆਈ ਦੇ ਡਾਇਰੈਕਟਰ ਰਣਜੀਤ ਸਿਨਹਾ ਨੂੰ ਉਨ੍ਹਾ 'ਤੇ ਲੱਗੇ ਦੋਸ਼ਾਂ ਦਾ ਜੁਆਬ ਦੇਣ ਲਈ ਕਿਹਾ ਹੈ, ਜਿਨ੍ਹਾਂ 'ਚ ਕਿਹਾ ਗਿਆ ਹੈ ਕਿ ਉਹ ਕੋਲਾ ਅਤੇ 2 ਜੀ ਘੁਟਾਲੇ ਦੇ ਦੋਸ਼ੀਆਂ ਨਾਲ ਅਕਸਰ ਮਿਲਦੇ ਰਹੇ ਹਨ।

ਭਾਰਤ-ਜਰਮਨੀ ਇੱਕ ਦੂਜੇ ਲਈ ਬਣੇ : ਮੋਦੀ

ਭਾਰਤ ਅਤੇ ਜਰਮਨੀ ਨੇ ਅੱਜ ਹੁਨਰ ਵਿਕਾਸ, ਸਾਫ਼ ਸੁਥਰੀ ਊਰਜਾ, ਨਦੀਆਂ ਨੂੰ ਸਾਫ਼ ਕਰਨ ਦੇ ਖੇਤਰ 'ਚ ਨਵੀਂ ਭਾਈਵਾਲੀ ਵਿਕਸਿਤ ਕਰਨ 'ਤੇ ਸਹਿਮਤੀ ਪ੍ਰਗਟਾਈ ਹੈ। ਇਹ ਸਹਿਮਤੀ ਭਾਰਤ ਦੌਰੇ 'ਤੇ ਆਏ ਜਰਮਨੀ ਦੇ ਵਿਦੇਸ਼ ਮੰਤਰੀ ਫਰੈਂਕ ਵਾਲਟਰ ਸਟੇਨ ਮੇਅਰ ਦੀ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਮੁਲਾਕਾਤ ਦੌਰਾਨ ਪ੍ਰਗਟਾਈ ਗਈ।

ਜੀਤਨ ਮਾਂਝੀ ਵੱਲੋਂ ਹੁਣ ਪਊਆ ਪੀਣ ਦੀ ਵਕਾਲਤ

ਨਿਤੀਸ਼ ਕੁਮਾਰ ਨੇ ਜਦੋਂ ਤੋਂ ਜੀਤਨ ਰਾਮ ਮਾਂਝੀ ਨੂੰ ਆਪਣੀ ਥਾਂ 'ਤੇ ਮੁੱਖ ਮੰਤਰੀ ਦੀ ਕੁਰਸੀ 'ਤੇ ਬਿਠਾਇਆ ਹੈ, ਉਨ੍ਹਾਂ ਦੇ ਵਿਵਾਦਪੂਰਨ ਬਿਆਨਾਂ ਦਾ ਸਿਲਸਿਲਾ ਰੁਕ ਨਹੀਂ ਰਿਹਾ। ਮਾਂਝੀ ਨੇ ਹੁਣ ਸ਼ਰਾਬ ਪੀਣ ਦੀ ਵਕਾਲਤ ਕਰ ਦਿੱਤੀ ਹੈ। ਇਲਾਕੇ 'ਚ ਇੱਕ ਪ੍ਰੋਗਰਾਮ 'ਚ ਮਾਂਝੀ ਨੇ ਕਿਹਾ ਕਿ ਕਮਾਈ ਕਰਕੇ ਆਇਆ ਹੈ,

ਸਮੁੱਚੇ ਸ਼ਹਿਰਾਂ 'ਚ ਪੀਣ ਵਾਲਾ ਪਾਣੀ ਪਹੁੰਚਦਾ ਕਰੋ : ਸੁਖਬੀਰ

ਪੰਜਾਬ ਦੇ ਉਪ ਮੁੱਖ ਮੰਤਰੀ ਸੁਖਬੀਰ ਸਿੰਘ ਬਾਦਲ ਨੇ ਵਾਟਰ ਸਪਲਾਈ ਤੇ ਸੀਵਰੇਜ ਬੋਰਡ ਤੇ ਸਥਾਨਕ ਸਰਕਾਰਾਂ ਵਿਭਾਗ ਨੂੰ ਹੁਕਮ ਦਿੱਤੇ ਹਨ ਕਿ ਸੂਬੇ ਦੇ ਸਾਰੇ 163 ਸ਼ਹਿਰਾਂ/ਕਸਬਿਆਂ ਨੂੰ ਫਰਵਰੀ 2015 ਤੱਕ ਸੀਵਰੇਜ ਤੇ ਪੀਣ ਵਾਲੇ ਪਾਣੀ ਦੀ ਸਪਲਾਈ 100 ਫੀਸਦੀ ਮੁਹੱਈਆ ਕਰਵਾਈ ਜਾਵੇ।