ਸੰਪਾਦਕ ਪੰਨਾ

ਸਾਰਕ ਦੀ ਹੋਂਦ ਸਵਾਲੀਆ ਨਿਸ਼ਾਨਾਂ ਦੇ ਘੇਰੇ ਵਿੱਚ

ਸਾਰਕ ਦੇਸ਼ਾਂ ਦਾ ਗੱਠਜੋੜ ਇਸ ਵਕਤ ਇੱਕ ਤਰ੍ਹਾਂ ਬੇਹਰਕਤ ਹੋਣ ਵੱਲ ਵਧ ਰਿਹਾ ਹੈ। ਭਾਰਤ ਦੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਸਪੱਸ਼ਟ ਕਹਿ ਦਿੱਤਾ ਹੈ ਕਿ ਅਗਲੇ ਨਵੰਬਰ ਵਿੱਚ ਪਾਕਿਸਤਾਨ ਵਿੱਚ ਹੋ ਰਹੇ ਸਾਰਕ ਦੇ ਸਿਖ਼ਰ ਸਮਾਗਮ ਵਿੱਚ ਉਹ ਸ਼ਾਮਲ ਨਹੀਂ ਹੋਣਗੇ। ਜਿਸ ਤਰ੍ਹਾਂ ਦੋਵਾਂ ਦੇਸ਼ਾਂ ਦਾ ਤਨਾਅ ਬਣਿਆ ਪਿਆ ਹੈ, ਉਸ ਦੇ ਹੁੰਦੇ ਹੋਏ ਭਾਰਤ ਦੇ ਪ੍ਰਧਾਨ ਮੰਤਰੀ ਦਾ ਓਥੇ ਜਾਣ ਦਾ ਕੋਈ ਕਾਰਨ ਵੀ ਨਹੀਂ ਸੀ ਰਹਿ ਗਿਆ।

ਚੋਣਾਂ ਨੇੜੇ ਵੀ ਲੋਕਾਂ ਨੂੰ ਜਾਨ-ਮਾਲ ਦੀ ਚਿੰਤਾ

ਪੰਜਾਬ ਦੀ ਸਰਕਾਰ ਚਲਾਉਣ ਵਾਲੇ ਆਗੂਆਂ ਨੂੰ ਇਹ ਦੱਸਣ ਦੀ ਲੋੜ ਨਹੀਂ ਕਿ ਹੁਣ ਵਿਧਾਨ ਸਭਾ ਚੋਣਾਂ ਦੇ ਲਈ ਬਹੁਤਾ ਸਮਾਂ ਨਹੀਂ ਰਹਿ ਗਿਆ। ਆਮ ਕਰ ਕੇ ਸਰਕਾਰਾਂ ਚਲਾ ਰਹੀਆਂ ਪਾਰਟੀਆਂ ਤੋਂ ਰਾਜ ਕਰਨ ਦੌਰਾਨ ਜਿਹੜੀਆਂ ਕਮੀਆਂ ਰਹਿ ਜਾਂਦੀਆਂ ਜਾਂ ਨਾਰਾਜ਼ਗੀਆਂ ਪੈਦਾ ਹੋ ਜਾਂਦੀਆਂ ਹਨ, ਆਖਰੀ ਸਾਲ ਉਨ੍ਹਾਂ ਕਮੀਆਂ ਨੰ ਦੂਰ ਕਰਨ ਅਤੇ ਨਾਰਾਜ਼ਗੀਆਂ ਦਾ ਗੁੱਸਾ ਠੰਢਾ ਕਰਨ ਦਾ ਕੰਮ ਛੋਹ ਲਿਆ ਜਾਂਦਾ ਹੈ।

ਸੱਚ ਦਾ ਸਾਹਮਣਾ ਕਰਨ ਤੋਂ ਭੱਜ ਰਹੀ ਖੱਟਰ ਸਰਕਾਰ

ਹਰਿਆਣੇ ਵਿੱਚ ਭਾਜਪਾ ਨੇ ਆਪਣੇ ਬਲਬੂਤੇ ਉੱਤੇ ਪਹਿਲੀ ਵਾਰ ਸੱਤਾ ਹਾਸਲ ਕੀਤੀ ਤਾਂ ਇੱਕ ਅਜਿਹੇ ਵਿਅਕਤੀ ਨੂੰ ਮੁੱਖ ਮੰਤਰੀ ਦੀ ਕਮਾਨ ਸੌਂਪੀ ਗਈ, ਜਿਸ ਨੂੰ ਰਾਜ-ਭਾਗ ਚਲਾਉਣ ਦਾ ਕੋਈ ਤਜਰਬਾ ਨਹੀਂ ਸੀ। ਉਸ ਨੂੰ ਸਿਰਫ਼ ਇਸ ਕਰ ਕੇ ਇਹ ਮੁਰਾਤਬਾ ਬਖਸ਼ਿਆ ਗਿਆ, ਕਿਉਂਕਿ ਉਹ ਆਰ ਐੱਸ ਐੱਸ ਦਾ ਪੁਰਾਣਾ ਕਾਰਜ ਕਰਤਾ ਤੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਪਸੰਦ ਸੀ। ਖੱਟਰ ਸਰਕਾਰ ਦੀ ਕਾਇਮੀ ਸਮੇਂ ਰਾਜ ਦੇ ਲੋਕਾਂ ਨਾਲ ਇਹ

ਤੱਤੀਆਂ ਸੁਰਾਂ ਨੂੰ ਹੁੰਗਾਰਾ ਨਹੀਂ ਦੇਣਾ ਚਾਹੀਦਾ

ਇਹ ਗੱਲ ਹੁਣ ਕਿਸੇ ਨੂੰ ਦੱਸਣ ਦੀ ਲੋੜ ਨਹੀਂ ਕਿ ਭਾਰਤ ਅਤੇ ਪਾਕਿਸਤਾਨ ਵਿਚਾਲੇ ਤਨਾਅ ਕਾਫ਼ੀ ਹੈ ਤੇ ਦੋਵਾਂ ਪਾਸਿਆਂ ਤੋਂ ਬਾਂਹਾਂ ਟੰਗੀਆਂ ਜਾ ਰਹੀਆਂ ਹਨ। ਯੂ ਐੱਨ ਓ ਦੀ ਜਨਰਲ ਅਸੈਂਬਲੀ ਵਿੱਚ ਪਾਕਿਸਤਾਨੀ ਪ੍ਰਧਾਨ ਮੰਤਰੀ ਨਵਾਜ਼ ਸ਼ਰੀਫ਼ ਦਾ ਭਾਸ਼ਣ ਜਿਸ ਤਰ੍ਹਾਂ ਭਾਰਤ ਦੇ ਵਿਰੋਧ ਵਿੱਚ ਸਾਰੀਆਂ ਹੱਦਾਂ ਟੱਪਦਾ ਵੇਖਿਆ ਗਿਆ

ਤੰਦ ਨਹੀਂ, ਤਾਣੀ ਹੀ ਵਿਗੜੀ ਪਈ ਹੈ

ਸਾਡੇ ਸੰਵਿਧਾਨ ਨੇ ਸਭ ਨਾਗਰਿਕਾਂ ਦੇ ਜਾਨ-ਮਾਲ ਦੀ ਰਾਖੀ ਦੀ ਜ਼ਿੰਮੇਵਾਰੀ ਰਾਜ ਪ੍ਰਸ਼ਾਸਨ ਨੂੰ ਦੇ ਰੱਖੀ ਹੈ। ਰਾਜ ਸਰਕਾਰਾਂ ਸੰਵਿਧਾਨ ਦੇ ਤਹਿਤ ਮਿਲੇ ਅਧਿਕਾਰਾਂ ਹੇਠ ਅਮਨ-ਕਾਨੂੰਨ ਦੀ ਰਾਖੀ ਕਰਨ ਤੇ ਸਭ ਨਾਗਰਿਕਾਂ ਦੇ ਮੂਲ ਅਧਿਕਾਰਾਂ ਦੀ ਰਾਖੀ ਲਈ ਵਚਨਬੱਧ ਵੀ ਹਨ। ਕੋਈ ਵੀ ਰਾਜ ਸਰਕਾਰ ਇਸ ਜ਼ਿੰਮੇਵਾਰੀ ਤੋਂ ਆਪਣੇ ਆਪ ਨੂੰ ਨਿਰਲੇਪ ਨਹੀਂ ਰੱਖ ਸਕਦੀ।

ਬੱਚਿਆਂ ਦੀ ਬੱਸ ਫਿਰ ਹਾਦਸੇ ਦਾ ਸ਼ਿਕਾਰ

ਇੱਕ ਵਾਰ ਫਿਰ ਇੱਕ ਸਕੂਲ ਦੀ ਬੱਸ ਹਾਦਸੇ ਦਾ ਸ਼ਿਕਾਰ ਹੋਈ ਹੈ। ਮਾਰੇ ਗਏ ਬੱਚਿਆਂ ਦੇ ਪਰਵਾਰ ਇਸ ਦੀ ਜਾਂਚ ਦੀ ਮੰਗ ਕਰਦੇ ਹਨ। ਸਾਰੇ ਪੰਜਾਬ ਦੇ ਲੋਕਾਂ ਨੂੰ ਇਸ ਹਾਦਸੇ ਦੇ ਨਾਲ-ਨਾਲ ਸਕੂਲੀ ਬੱਸਾਂ ਦੇ ਸਾਰੇ ਹਾਦਸਿਆਂ ਦੀ ਜਾਂਚ ਲਈ ਆਵਾਜ਼ ਚੁੱਕਣ ਦੀ ਲੋੜ ਹੈ। ਇਹ ਹਾਦਸੇ ਸਾਡੇ ਲੋਕਾਂ ਸਾਹਮਣੇ ਸਵਾਲ ਖੜੇ ਕਰਦੇ ਹਨ। ਸਵਾਲ ਸਮਾਜ ਦੀ ਜ਼ਿੰਮੇਵਾਰੀ ਦਾ ਵੀ ਹੈ, ਸਕੂਲਾਂ ਦੀ ਜ਼ਿੰਮੇਵਾਰੀ ਦਾ ਵੀ ਅਤੇ ਸਰਕਾਰ ਦੀ ਜ਼ਿੰਮੇਵਾਰੀ ਦਾ ਵੀ।

ਭਾਜਪਾ ਦੀ 'ਚੋਣ-ਨੀਤੀ'’ਸਾਫ਼ ਕਰ ਗਏ ਅਰੁਣ ਜੇਤਲੀ

ਜਿਹੜੇ ਦਿਨ ਜੰਮੂ-ਕਸ਼ਮੀਰ ਦੇ ਉੜੀ ਵਾਲੇ ਫ਼ੌਜੀ ਕੈਂਪ ਉੱਤੇ ਦਹਿਸ਼ਤਗਰਦ ਹਮਲਾ ਹੋਇਆ, ਓਸੇ ਦਿਨ ਭਾਰਤ ਦੇ ਖ਼ਜ਼ਾਨਾ ਮੰਤਰੀ ਅਰੁਣ ਜੇਤਲੀ ਜਲੰਧਰ ਵਿੱਚ ਇੱਕ ਯੂਨੀਵਰਸਿਟੀ ਦੇ ਸਮਾਗਮ ਅਤੇ ਕੁਝ ਹੋਰ ਕੰਮਾਂ ਦੇ ਲਈ ਆਏ ਹੋਏ ਸਨ।

ਪ੍ਰਧਾਨ ਮੰਤਰੀ ਨੇ ਕਿਹੈ : ਕਿਸੇ ਨੂੰ ਬਖਸ਼ਾਂਗੇ ਨਹੀਂ!

ਐਤਵਾਰ ਦੀ ਸਵੇਰ ਭਾਰਤ ਦੇ ਲੋਕਾਂ ਲਈ ਇੱਕ ਹੋਰ ਮਨਹੂਸ ਖ਼ਬਰ ਲੈ ਕੇ ਆਈ। ਜੰਮੂ-ਕਸ਼ਮੀਰ ਵਿੱਚ ਬਾਰਾਮੂਲਾ ਜ਼ਿਲ੍ਹੇ ਦੇ ਉੜੀ ਵਿੱਚ ਫ਼ੌਜੀ ਕੈਂਪ ਉੱਤੇ ਦਹਿਸ਼ਤਗਰਦਾਂ ਨੇ ਇੱਕ ਵੱਡਾ ਹਮਲਾ ਕਰ ਦਿੱਤਾ, ਜਿਹੜਾ ਅੰਤ ਵਿੱਚ ਵੀਹਾਂ ਨਾਲੋਂ ਵੱਧ ਫ਼ੌਜੀਆਂ ਦੀ ਮੌਤ ਦਾ ਕਾਰਨ ਬਣ ਚੁੱਕਾ ਹੈ।

ਖੱਬੇ ਪੱਖ ਦੀ ਇੱਕ ਹੋਰ ਪਾਰਟੀ!

ਸ਼ਨੀਵਾਰ ਦੇ ਦਿਨ ਜਲੰਧਰ ਦੇ ਦੇਸ਼ ਭਗਤ ਯਾਦਗਾਰ ਹਾਲ ਵਿੱਚ ਇੱਕ ਹੋਰ ਕਮਿਊਨਿਸਟ ਧਿਰ ਦੀ ਨੀਂਹ ਰੱਖ ਦਿੱਤੀ ਗਈ ਹੈ। ਇਸ ਦੇ ਆਗੂ ਕਿਸੇ ਵਕਤ ਭਾਰਤੀ ਕਮਿਊਨਿਸਟ ਪਾਰਟੀ (ਮਾਰਕਸਵਾਦੀ) ਨਾਲੋਂ ਨਿੱਖੜ ਕੇ ਵੱਖਰੀ ਪਾਰਟੀ 'ਸੀ ਪੀ ਐੱਮ ਪੰਜਾਬ'’ਬਣਾਉਣ ਵਾਲੇ ਕਾਮਰੇਡ ਮੰਗਤ ਰਾਮ ਪਾਸਲਾ ਬਣਾਏ ਗਏ ਹਨ। ਜਿਹੜੀ ਪਾਰਟੀ ਨਵੀਂ ਬਣਾਈ ਗਈ ਹੈ, ਇਸ ਵਿੱਚ ਪੰਜਾਬ ਸਮੇਤ ਸੱਤ ਰਾਜਾਂ ਦੇ ਡੈਲੀਗੇਟਾਂ ਵੱਲੋਂ ਹਿੱਸਾ ਲਿਆ ਕਿਹਾ

ਉੱਚ ਸਿੱਖਿਆ ਦਾ ਡਿੱਗਦਾ ਮਿਆਰ

ਪੰਜਾਬ ਵਿਧਾਨ ਸਭਾ ਦੇ ਆਖ਼ਰੀ ਇਜਲਾਸ ਦੌਰਾਨ ਸਾਡੇ ਚੁਣੇ ਹੋਏ ਪ੍ਰਤੀਨਿਧਾਂ ਦਾ ਜੋ ਵਿਹਾਰ ਸਾਹਮਣੇ ਆਇਆ ਹੈ, ਉਸ ਨੇ ਰਾਜ ਦੇ ਲੋਕਾਂ ਨੂੰ ਹੈਰਾਨ-ਪ੍ਰੇਸ਼ਾਨ ਕੀਤਾ ਹੈ। ਹਾਲੇ ਲੋਕ ਉਨ੍ਹਾਂ ਦੇ ਵਿਹਾਰ ਨੂੰ ਲੈ ਕੇ ਚਰਚਾ ਕਰ ਹੀ ਰਹੇ ਸਨ ਕਿ ਉਨ੍ਹਾਂ ਨੂੰ ਪ੍ਰਿੰਟ ਮੀਡੀਆ ਰਾਹੀਂ ਇੱਕ ਹੋਰ ਚਿੰਤਾਤੁਰ ਕਰਨ ਵਾਲੀ ਕੈਗ ਦੀ ਇਹ ਰਿਪੋਰਟ ਪੜ੍ਹਨ ਨੂੰ ਮਿਲੀ

ਸ਼ਰਮਨਾਕ ਰਿਹਾ ਪੰਜਾਬ ਅਸੈਂਬਲੀ ਦੇ ਸੈਸ਼ਨ ਦਾ ਅੰਤਲਾ ਦਿਨ

ਇਸ ਬੁੱਧਵਾਰ ਦਾ ਦਿਨ ਪੰਜਾਬ ਦੀ ਵਿਧਾਨ ਸਭਾ ਦੇ ਲਈ ਇੱਕ ਕਾਲਾ ਦਿਨ ਬਣ ਗਿਆ। ਜਿਹੜੀ ਘਟਨਾ ਓਥੇ ਵਾਪਰ ਗਈ, ਉਸ ਨੇ ਲੋਕਾਂ ਦੇ ਮਨਾਂ ਨੂੰ ਏਨੀ ਵੱਡੀ ਸੱਟ ਮਾਰੀ ਹੈ, ਜਿਸ ਦਾ ਚਿਰਾਂ ਤੱਕ ਅਫਸੋਸ ਰਹੇਗਾ।

ਕਾਵੇਰੀ ਦੇ ਪਾਣੀਆਂ ਬਾਰੇ ਸੂਝ-ਬੂਝ ਤੋਂ ਕੰਮ ਲਵੋ

ਕਾਵੇਰੀ ਦੇ ਪਾਣੀਆਂ ਦੀ ਵੰਡ ਦਾ ਮੁੱਦਾ ਕਰਨਾਟਕ ਤੇ ਤਾਮਿਲ ਨਾਡੂ ਵਿਚਾਲੇ ਲੰਮੇ ਸਮੇਂ ਤੋਂ ਵਿਵਾਦਾਂ ਵਿੱਚ ਘਿਰਿਆ ਰਿਹਾ ਹੈ। ਇਸ ਦਾ ਮੁੱਖ ਕਾਰਨ ਇਹ ਹੈ ਕਿ ਕਾਵੇਰੀ ਹਿਮਾਲਿਆ 'ਚੋਂ ਨਿਕਲਣ ਵਾਲੀਆਂ ਨਦੀਆਂ ਗੰਗਾ ਤੇ ਜਮਨਾ ਵਾਂਗ ਸਦਾ-ਬਹਾਰ ਨਦੀ ਨਹੀਂ ਹੈ। ਇਸ ਵਿੱਚ ਵਹਿਣ ਵਾਲਾ ਬਹੁਤਾ ਪਾਣੀ ਮੌਨਸੂਨ ਦੀ ਰੁੱਤ ਵਿੱਚ ਹੋਣ ਵਾਲੀਆਂ ਬਾਰਸ਼ਾਂ 'ਤੇ ਨਿਰਭਰ ਕਰਦਾ ਹੈ।

ਸਿਹਤ ਸੇਵਾਵਾਂ ਦੀ ਅਣਦੇਖੀ ਕਦ ਤੱਕ?

ਅੱਜ ਤੋਂ ਕੁਝ ਦਹਾਕੇ ਪਹਿਲਾਂ ਸਮੇਂ ਦੀ ਸਰਕਾਰ ਤੇ ਜਮਹੂਰ ਦੇ ਸਰਬ ਉੱਚ ਤੇ ਸਰਬ ਸ਼ਕਤੀਮਾਨ ਅਦਾਰੇ ਪਾਰਲੀਮੈਂਟ ਨੇ ਕੌਮੀ ਸਿਹਤ ਨੀਤੀ ਪ੍ਰਵਾਨ ਕੀਤੀ ਸੀ। ਇਸ ਨੀਤੀ ਵਿੱਚ ਦੇਸ ਵਾਸੀਆਂ ਨਾਲ ਇਹ ਇਕਰਾਰ ਕੀਤਾ ਗਿਆ ਸੀ ਕਿ ਵੀਹਵੀਂ ਸਦੀ ਦੇ ਅੰਤ ਤੇ ਇੱਕੀਵੀਂ ਸਦੀ ਦੇ ਸ਼ੁਰੂਆਤੀ ਸਾਲਾਂ ਵਿੱਚ ਪੂਰੀ ਕੌਮ ਨੂੰ ਸਿਹਤ ਸੇਵਾਵਾਂ ਦੇ ਘੇਰੇ ਵਿੱਚ ਲੈ ਆਂਦਾ ਜਾਵੇਗਾ।

ਚੋਣਾਂ ਨੇੜੇ ਰਾਜਸੀ ਸਰਗਰਮੀ ਤੇਜ਼

ਹਾਲਾਤ ਬੜੀ ਤੇਜ਼ੀ ਨਾਲ ਮੋੜ ਕੱਟ ਰਹੇ ਹਨ। ਪੰਜਾਬ ਦੀਆਂ ਵਿਧਾਨ ਸਭਾ ਚੋਣਾਂ ਅਗਲੇ ਸਾਲ ਜਨਵਰੀ ਦੇ ਅਖੀਰ ਜਾਂ ਫ਼ਰਵਰੀ ਦੇ ਪਹਿਲੇ ਅੱਧ ਵਿੱਚ ਹੋਣੀਆਂ ਹਨ, ਪਰ ਮਾਹੌਲ ਹੁਣੇ ਤੋਂ ਏਦਾਂ ਦਾ ਬਣੀ ਜਾਂਦਾ ਹੈ ਕਿ ਅਗਲੇ ਅਕਤੂਬਰ ਵਿੱਚ ਹੀ ਵੋਟਾਂ ਪੈਣ ਵਾਲੀਆਂ ਜਾਪਣ ਲੱਗੀਆਂ ਹਨ। ਪਿਛਲੇ ਹਫਤੇ ਚੋਣ ਕਮਿਸ਼ਨ ਦੇ ਪੰਜਾਬ ਦੇ ਚੱਕਰ ਤੋਂ ਇਹ ਸਾਫ਼ ਹੋ ਚੁੱਕਾ ਹੈ

ਰੇਲ ਕਿਰਾਏ ਵਿੱਚ ਵਾਧਾ ਉਚਿਤ ਨਹੀਂ

ਜਦੋਂ ਦੀ ਮੋਦੀ ਸਰਕਾਰ ਸੱਤਾ ਵਿੱਚ ਆਈ ਹੈ, ਉਸ ਨੇ ਸਮਾਜੀ ਸੇਵਾਵਾਂ 'ਤੇ ਹੋਣ ਵਾਲੇ ਖ਼ਰਚਿਆਂ ਵਿੱਚ ਲਗਾਤਾਰ ਕਟੌਤੀਆਂ ਕਰਨ ਦਾ ਰਾਹ ਅਪਣਾਇਆ ਹੋਇਆ ਹੈ। ਦੇਸੀ ਤੇ ਵਿਦੇਸ਼ੀ ਨਿਵੇਸ਼ਕਾਂ ਨੂੰ ਉਤਸ਼ਾਹਤ ਕਰਨ ਦੇ ਨਾਂਅ ਉੱਤੇ ਨਿੱਤ ਨਵੀਂਆਂ ਸਹੂਲਤਾਂ ਦਿੱਤੀਆਂ ਜਾ ਰਹੀਆਂ ਹਨ, ਪਰ ਸਧਾਰਨ ਲੋਕਾਂ ਨੂੰ ਪ੍ਰਦਾਨ ਕੀਤੀਆਂ ਜਾਣ ਵਾਲੀਆਂ ਸੇਵਾਵਾਂ ਨੂੰ ਬਿਹਤਰ ਬਣਾਉਣ ਵੱਲ ਉੱਕਾ ਹੀ ਧਿਆਨ ਨਹੀਂ ਦਿੱਤਾ ਜਾ ਰਿਹਾ।

ਲੋਕਤੰਤਰ ਵਿੱਚ ਬੇਹੂਦਗੀ ਨਹੀਂ ਚਾਹੀਦੀ

ਸਮਾਜ ਵਿਗਿਆਨੀਆਂ ਦਾ ਕਹਿਣਾ ਹੈ ਕਿ ਸਮਾਜ ਦੇ ਵਿਕਾਸ ਦਾ ਪਹੀਆ ਹਮੇਸ਼ਾ ਅੱਗੇ ਵੱਲ ਖਿਸਕਦਾ ਹੈ ਤੇ ਬਹੁਤਾ ਕਰ ਕੇ ਪਿੱਛੇ ਨੂੰ ਨਹੀਂ ਮੁੜਦਾ। ਜਮਹੂਰੀਅਤ ਇਸ ਤੋਂ ਵੱਖਰਾ ਤਜਰਬਾ ਕਰਵਾ ਰਹੀ ਹੈ। ਪਹਿਲਾਂ ਜਦੋਂ ਲੋਕਾਂ ਨੇ ਲੋਕ-ਰਾਜ ਆਇਆ ਵੇਖਿਆ ਤਾਂ ਲੀਡਰਾਂ ਦੀ ਇੱਕ ਪੀੜ੍ਹੀ ਇਹੋ ਜਿਹੀ ਸੀ, ਜਿਹੜੀ ਇੱਕ ਦੂਸਰੇ ਵਿਰੁੱਧ ਬੋਲਦੇ ਵਕਤ ਵੀ ਕੁਝ ਮਿਆਰ ਕਾਇਮ ਰੱਖ ਕੇ ਗੱਲ ਕਰਦੀ ਸੀ।

ਸਰਬ ਉੱਚ ਅਦਾਲਤ ਦੇ ਆਦੇਸ਼ 'ਤੇ ਕੰਨ ਧਰੋ

ਸਾਡੇ ਹਰ ਵੰਨਗੀ ਦੇ ਸ਼ਾਸਕ ਤੇ ਪ੍ਰਸ਼ਾਸਕ ਦਾਅਵੇ ਤਾਂ ਇਹੋ ਕਰਦੇ ਹਨ ਕਿ ਕਨੂੰਨ ਦਾ ਰਾਜ ਸਥਾਪਤ ਕਰਨਾ ਉਹਨਾਂ ਦਾ ਮੁੱਢਲਾ ਕਰਤੱਵ ਹੈ, ਪਰ ਸਾਡੀ ਬਦਕਿਸਮਤੀ ਇਹ ਹੈ ਕਿ ਜਿਨ੍ਹਾਂ ਭੱਦਰ-ਪੁਰਸ਼ਾਂ ਨੂੰ ਅਸੀਂ ਵਿਧਾਨ ਪਾਲਿਕਾ ਤੇ ਕਾਰਜ ਪਾਲਿਕਾ ਦੇ ਸਿਖ਼ਰਲੇ ਅਹੁਦਿਆਂ ਉੱਤੇ ਬਿਰਾਜਮਾਨ ਕਰ ਰੱਖਿਆ ਹੈ,

ਸੰਭਲ ਕੇ ਚੱਲਣ ਦੀ ਲੋੜ

ਭਾਰਤ ਤੇ ਪਾਕਿਸਤਾਨ ਦੇ ਦਰਮਿਆਨ ਤਨਾਅ ਲਗਾਤਾਰ ਵਧਦਾ ਜਾ ਰਿਹਾ ਹੈ। ਇਸ ਦਾ ਕਾਰਨ ਭਾਰਤ ਦੇ ਵੱਲੋਂ ਪੈਦਾ ਨਹੀਂ ਕੀਤਾ ਗਿਆ, ਹਮੇਸ਼ਾ ਵਾਂਗ ਇਸ ਵਕਤ ਵੀ ਪਾਕਿਸਤਾਨ ਤੋਂ ਸ਼ਰਾਰਤਾਂ ਹੁੰਦੀਆਂ ਰਹਿਣ ਦੇ ਨਾਲ ਇਹ ਸਥਿਤੀ ਬਣ ਰਹੀ ਹੈ। ਚੀਨ ਵਿੱਚ ਗਏ ਹੋਏ ਭਾਰਤ ਦੇ ਪ੍ਰਧਾਨ ਮੰਤਰੀ ਨੇ ਓਥੋਂ ਵੀ ਪਾਕਿਸਤਾਨ ਦੇ ਵਿਰੁੱਧ ਕਾਫ਼ੀ ਤਿੱਖੀ ਚੋਟ ਕੀਤੀ ਹੈ। ਇਹ ਚੋਟ ਗ਼ਲਤ ਨਹੀਂ, ਪਰ ਤਨਾਅ ਹੋਰ ਵਧਣ ਤੋਂ ਰੋਕਣ ਦੀ ਲੋੜ ਹੈ।

ਸੋਸ਼ਲ ਮੀਡੀਏ ਦੀ ਵਰਤੋਂ ਤੋਂ ਸਾਵਧਾਨ

ਅਸੀਂ ਲੋਕ ਇਸ ਵੇਲੇ ਸੋਸ਼ਲ ਮੀਡੀਏ ਦੀ ਸਰਗਰਮੀ ਦੀ ਸਿਖ਼ਰ ਦੇ ਯੁੱਗ ਵਿੱਚ ਜੀਉ ਰਹੇ ਹਾਂ। ਪੰਜਾਬ ਦੀ ਵਿਧਾਨ ਸਭਾ ਲਈ ਅਗਲੇ ਸਾਲ ਹੋਣ ਵਾਲੀਆਂ ਚੋਣਾਂ ਵੀ ਸੋਸ਼ਲ ਮੀਡੀਏ ਦੀ ਇਸ ਸਰਗਰਮੀ ਦੇ ਅਸਰ ਹੇਠ ਬੜੇ ਵੱਖਰੇ ਮਾਹੌਲ ਵਿੱਚ ਹੋ ਰਹੀਆਂ ਹਨ। ਬਹੁਤ ਸਾਰੀਆਂ ਗੱਲਾਂ ਵਿੱਚ ਦਿੱਸਦਾ ਕੁਝ ਹੋਰ ਤੇ ਨਿਕਲਦਾ ਹੋਰ ਹੈ।

ਕਿਰਤੀਆਂ ਦੀ ਅਣਦੇਖੀ ਕਿਉਂ?

ਸਾਡੇ ਸ਼ਾਸਕ ਦਰਪੇਸ਼ ਸਮੱਸਿਆਵਾਂ ਨੂੰ ਲੈ ਕੇ ਉਦੋਂ ਹੀ ਹਰਕਤ ਵਿੱਚ ਆਉਂਦੇ ਹਨ, ਜਦੋਂ ਪਾਣੀ ਸਿਰ ਤੋਂ ਲੰਘਣ ਦੇ ਕਿਨਾਰੇ ਪਹੁੰਚ ਜਾਵੇ। ਵਾਰ-ਵਾਰ ਨਮੋਸ਼ੀ ਝੱਲਣ ਦੇ ਬਾਵਜੂਦ ਉਹ ਆਪਣੀ ਇਸ ਆਦਤ ਨੂੰ ਤਜਣ ਲਈ ਤਿਆਰ ਨਹੀਂ ਜਾਪਦੇ।