ਸੰਪਾਦਕ ਪੰਨਾ

ਮੋਦੀ ਸਰਕਾਰ ਦਾ ਪੰਜਾਬ ਨਾਲ ਵਿਤਕਰਾ

ਇਹ ਪੰਜਾਬ ਦੀ ਕਿਸਾਨੀ ਹੀ ਸੀ, ਜਿਸ ਨੇ ਦੇਸ ਵਿੱਚ ਹਰੀ ਕ੍ਰਾਂਤੀ ਲਿਆਉਣ ਵਿੱਚ ਮੋਹਰੀ ਰੋਲ ਅਦਾ ਕੀਤਾ ਸੀ। ਇਹ ਉਹ ਸਮਾਂ ਸੀ, ਜਦੋਂ ਦੇਸ ਨੂੰ ਅਨਾਜ ਦੀ ਥੁੜ੍ਹੋਂ ਕਾਰਨ ਅਮਰੀਕਾ, ਕਨੇਡਾ ਤੇ ਆਸਟਰੇਲੀਆ ਵਰਗੇ ਦੇਸਾਂ ਤੋਂ ਸ਼ਰਤਾਂ ਦੇ ਤਹਿਤ ਅਨਾਜ ਦਰਾਮਦ ਕਰਨਾ ਪੈਂਦਾ ਸੀ।

ਏਕਤਾ-ਅਖੰਡਤਾ ਲਈ ਖ਼ਤਰਾ ਬਣੀ ਕੱਟੜਤਾ

ਕੁਝ ਮਹੀਨੇ ਪਹਿਲਾਂ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਅਖੌਤੀ ਗਊ ਰਾਖਿਆਂ ਵੱਲੋਂ ਕਨੂੰਨ ਨੂੰ ਆਪਣੇ ਹੱਥਾਂ ਵਿੱਚ ਲੈਣ ਕਾਰਨ ਵਾਪਰੀਆਂ ਅਪਰਾਧਿਕ ਘਟਨਾਵਾਂ ਬਾਰੇ ਪ੍ਰਤੀਕਰਮ ਜ਼ਾਹਰ ਕਰਦਿਆਂ ਹੋਇਆਂ ਕਿਹਾ ਸੀ ਕਿ ਅਜਿਹਾ ਕਰਨ ਵਾਲਿਆਂ ਵਿੱਚ ਬਹੁਤੇ ਉਹ ਲੋਕ ਹਨ, ਜਿਹੜੇ ਮੁਜਰਮਾਨਾ ਕਿਰਦਾਰ ਵਾਲੇ ਹਨ ਤੇ ਸਮਾਜ ਵਿੱਚ ਬਦਅਮਨੀ ਫੈਲਾਉਣਾ ਚਾਹੁੰਦੇ ਹਨ। ਉਹ ਅਜਿਹਾ ਕਰ ਕੇ ਆਪਣੇ ਕੁਕਰਮਾਂ 'ਤੇ ਪਰਦਾ ਪਾਉਣਾ ਚਾਹੁੰਦੇ ਹਨ।

ਆਖ਼ਿਰ ਪੰਜਾਬ ਦਾ ਬਣੇਗਾ ਕੀ?

ਪੰਜਾਬ ਦੇ ਲੋਕਾਂ ਨੇ ਸ੍ਰ. ਪ੍ਰਕਾਸ਼ ਸਿੰਘ ਬਾਦਲ ਦੀ ਅਗਵਾਈ ਵਾਲੇ ਅਕਾਲੀ-ਭਾਜਪਾ ਗੱਠਜੋੜ ਨੂੰ ਚਾਹੇ ਨਕਾਰ ਕੇ ਸੱਤਾ ਦੀ ਵਾਗਡੋਰ ਕੈਪਟਨ ਅਮਰਿੰਦਰ ਸਿੰਘ ਦੀ ਅਗਵਾਈ ਵਾਲੀ ਕਾਂਗਰਸ ਸਰਕਾਰ ਨੂੰ ਸੌਂਪ ਦਿੱਤੀ ਹੈ, ਪਰ ਰਾਜ ਦੀ ਆਰਥਿਕਤਾ ਮੁੜ ਕਿਵੇਂ ਲੀਹ 'ਤੇ ਆਵੇਗੀ, ਇਹ ਸੁਆਲ ਕੇਵਲ ਸ਼ਾਸਕਾਂ ਲਈ ਹੀ ਨਹੀਂ, ਸਗੋਂ ਸਧਾਰਨ ਲੋਕਾਂ ਦੇ ਮਨਾਂ ਵਿੱਚ ਵੀ ਭਾਰੀ ਸੰਸੇ ਪੈਦਾ ਕਰ ਰਿਹਾ ਹੈ। ਭਾਵੇਂ ਰਾਜ ਦੇ ਖ਼ਜ਼ਾਨਾ ਮੰਤਰੀ ਮਨਪ੍ਰੀਤ ਸਿੰਘ ਬਾਦਲ

ਅਦਾਲਤ ਦਾ ਸੁਆਗਤ ਯੋਗ ਫ਼ੈਸਲਾ

ਸਾਡੇ ਰਾਜਨੀਤੀਵਾਨ ਇਹ ਦਾਅਵੇ ਕਰਦੇ ਹਨ ਕਿ ਉਹ ਲੋਕ-ਪੱਖੀ ਰਾਜਨੀਤੀ ਦੇ ਧਾਰਨੀ ਹਨ, ਅਰਥਾਤ ਲੋਕ ਭਲਾਈ ਉਨ੍ਹਾਂ ਦੀ ਨੀਤੀ ਦਾ ਸਭ ਤੋਂ ਅਹਿਮ ਅੰਗ ਹੈ। ਹੁਣ ਤੱਕ ਦਾ ਤਜਰਬਾ ਇਹੋ ਕਹਿੰਦਾ ਹੈ ਕਿ ਸੱਤਾ ਦੇ ਗਲਿਆਰਿਆਂ ਵਿੱਚ ਪਹੁੰਚਣ ਮਗਰੋਂ ਉਹ ਲੋਕਾਂ ਦੇ ਹਿੱਤਾਂ ਨੂੰ ਧਿਆਨ ਵਿੱਚ ਰੱਖਣ ਦੀ ਥਾਂ ਖ਼ਾਸ ਲੋਕਾਂ ਦੇ ਹਿੱਤਾਂ ਨੂੰ ਪਹਿਲ ਦੇਣ ਲੱਗ ਜਾਂਦੇ ਹਨ

ਰਾਜ ਸਭਾ ਦੀ ਅਹਿਮੀਅਤ ਨੂੰ ਖੋਰਾ

ਐੱਨ ਡੀ ਏ ਸਰਕਾਰ ਨੇ ਸੱਤਾ ਸੰਭਾਲਦੇ ਸਾਰ ਇਹ ਇਕਰਾਰ ਕੀਤਾ ਸੀ ਕਿ ਉਹ ਰਾਜ ਪ੍ਰਸ਼ਾਸਨ ਦੇ ਹਰ ਪੱਧਰ 'ਤੇ ਪਾਰਦਰਸ਼ਤਾ ਲਿਆਵੇਗੀ, ਤਾਂ ਜੁ ਭ੍ਰਿਸ਼ਟਾਚਾਰ ਤੋਂ ਮੁਕਤੀ ਹਾਸਲ ਕੀਤੀ ਜਾ ਸਕੇ। ਅੱਗੇ ਤੋਂ ਸਭ ਕੰਮ ਨੇਮਾਂ-ਕਨੂੰਨਾਂ ਦੇ ਘੇਰੇ ਵਿੱਚ ਰਹਿ ਕੇ ਹੀ ਕੀਤੇ ਜਾਣਗੇ। ਇੰਜ ਕਰਨ ਨਾਲ ਸਹੀ ਅਰਥਾਂ ਵਿੱਚ ਕਨੂੰਨ ਦਾ ਰਾਜ ਸਥਾਪਤ ਹੋਵੇਗਾ।

ਮਾਮਲਾ ਲੋਕਪਾਲ ਦੀ ਨਿਯੁਕਤੀ ਦਾ

ਤਰਾਨਾ-ਇ-ਹਿੰਦ 'ਹਿੰਦੋਸਤਾਂ ਹਮਾਰਾ ਹਮ ਬੁਲਬੁਲੇਂ ਹੈਂ ਇਸ ਕੀ ਯਿਹ ਗੁਲਿਸਤਾਂ ਹਮਾਰਾ' ਦਾ ਇੱਕ ਪ੍ਰਸਿੱਧ ਸ਼ੇਅਰ ਹੈ : ਇਕਬਾਲ ਬੜਾ ਉਪਦੇਸ਼ਕ ਹੈ, ਮਨ ਬਾਤੋਂ ਮੇਂ ਮੋਹ ਲੇਤਾ ਹੈ।

ਨੇਮਾਂ-ਕਨੂੰਨਾਂ ਨਾਲ ਖਿਲਵਾੜ ਕਦ ਤੱਕ?

ਇਹ ਗੱਲ ਆਮ ਹੀ ਲੋਕ ਆਖਦੇ ਹਨ ਕਿ ਕਨੂੰਨ ਦੇ ਹੱਥ ਬੜੇ ਲੰਮੇ ਹੁੰਦੇ ਹਨ। ਪਿਛਲੇ ਕੁਝ ਸਮੇਂ ਤੋਂ ਪੰਜਾਬ ਨੂੰ ਅਜਿਹੇ ਸ਼ਾਸਕ ਨਸੀਬ ਹੋਏ ਹਨ, ਇੰਜ ਜਾਪਦਾ ਹੈ ਕਿ ਜਿਨ੍ਹਾਂ ਨੇ ਉਪਰੋਕਤ ਲੋਕ ਅਖਾਣ ਨੂੰ ਝੁਠਲਾਉਣ ਦੀ ਕਸਮ ਹੀ ਖਾ ਰੱਖੀ ਹੈ। ਇਹ ਗੱਲ ਵੀ ਮੰਨੀ-ਪ੍ਰਮੰਨੀ ਹੈ ਕਿ ਯਥਾ-ਰਾਜਾ, ਤਥਾ ਪਰਜਾ। ਏਥੇ ਪਰਜਾ ਦਾ ਅਰਥ ਜਨ-ਸਧਾਰਨ ਨਹੀਂ, ਸਗੋਂ ਉਹ ਨੌਕਰਸ਼ਾਹੀ ਹੈ, ਜਿਹੜੀ ਆਪਣਾ ਬਣਦਾ ਫ਼ਰਜ਼ ਅਦਾ ਕਰਨ ਦੀ ਥਾਂ ਸੱਤਾ ਦੇ

ਚੋਣ ਵਾਅਦਿਆਂ ਦਾ ਸੱਚ

ਜਦ ਤੋਂ ਸਾਡੇ ਦੇਸ ਵਿੱਚ ਹੀ ਨਹੀਂ, ਸੰਸਾਰ ਭਰ ਵਿੱਚ ਬਹੁ-ਪਾਰਟੀ ਜਮਹੂਰੀ ਵਿਵਸਥਾ ਦਾ ਚਲਣ ਸ਼ੁਰੂ ਹੋਇਆ ਹੈ, ਓਦੋਂ ਤੋਂ ਹੀ ਹਰ ਚੋਣ ਸਮੇਂ ਵੋਟਰਾਂ ਦਾ ਸਮੱਰਥਨ ਹਾਸਲ ਕਰਨ ਲਈ ਰਾਜਸੀ ਪਾਰਟੀਆਂ ਚੋਣ ਮਨੋਰਥ-ਪੱਤਰ ਜਾਰੀ ਕਰਦੀਆਂ ਆ ਰਹੀਆਂ ਹਨ।

ਸੱਤਾ ਦਾ ਨਸ਼ਾ!

ਇੱਕ ਪੁਰਾਣੀ ਪ੍ਰਚੱਲਤ ਕਹਾਵਤ ਹੈ : 'ਤਪੋਂ ਰਾਜ ਤੇ ਰਾਜੋਂ ਨਰਕ'! ਜੇ ਅਸੀਂ ਅਜੋਕੇ ਸੱਤਾਧਾਰੀਆਂ ਤੇ ਉਨ੍ਹਾਂ ਦੇ ਸਹਿਯੋਗੀਆਂ ਦੇ ਆਏ ਦਿਨ ਦੇ ਕਿਰਦਾਰ ਨੂੰ ਵੇਖੀਏ ਤਾਂ ਇਹ ਕਹਾਵਤ ਸੱਚ ਹੁੰਦੀ ਪ੍ਰਤੀਤ ਹੁੰਦੀ ਹੈ। ਇਸ ਮਾਮਲੇ ਵਿੱਚ 'ਬੜੇ ਮੀਆਂ ਤੋ ਬੜੇ ਮੀਆਂ, ਛੋਟੇ ਮੀਆਂ ਸੁਭਹਾਨ ਅੱਲ੍ਹਾ' ਵਾਲੀ ਕਹਾਵਤ ਇੰਨ-ਬਿੰਨ ਢੁੱਕਦੀ ਨਜ਼ਰ ਆ ਰਹੀ ਹੈ।

ਲੰਡਨ ਦੀ ਦਹਿਸ਼ਤਗਰਦ ਘਟਨਾ ਤੇ ਬਾਕੀ ਸੰਸਾਰ

ਲੰਡਨ ਵਿੱਚ ਦੋ ਦਿਨ ਪਹਿਲਾਂ ਦੇਸ਼ ਦੀ ਪਾਰਲੀਮੈਂਟ ਦੇ ਬਰੂਹਾਂ ਕੋਲ ਵਾਪਰੀ ਘਟਨਾ ਬਾਰੇ ਅਸੀਂ ਇੱਕ ਦਮ ਕੁਝ ਲਿਖਣ ਦੀ ਬਜਾਏ ਇਸ ਦੇ ਸਾਰੇ ਵੇਰਵੇ ਆਉਣ ਦੀ ਉਡੀਕ ਕੀਤੀ ਹੈ। ਮੁੱਢਲੇ ਤੌਰ ਉੱਤੇ ਭਾਵੇਂ ਅੱਤਵਾਦ ਦੇ ਨਾਲ ਜੁੜਦੀ ਵਾਰਦਾਤ ਹੀ ਜਾਪਦੀ ਸੀ, ਫਿਰ ਵੀ ਕਈ ਲੋਕਾਂ ਦਾ ਖ਼ਿਆਲ ਸੀ ਕਿ ਕਈ ਵਾਰੀ ਮਾਨਸਿਕ ਪੱਖੋਂ ਕੁਝ ਲੀਹੋਂ ਲੱਥਾ ਕੋਈ ਵਿਅਕਤੀ ਵੀ ਏਦਾਂ ਦੀ ਹਰਕਤ ਕਰ ਬੈਠਦਾ ਹੈ। ਪਿਛਲੇ ਦਿਨਾਂ ਵਿੱਚ ਅਮਰੀਕਾ ਅਤੇ ਯੂਰਪ ਦੇ ਕੁਝ ਦੇਸ਼ਾਂ ਵਿੱਚ ਇਸ ਤਰ੍ਹਾਂ ਦੀਆਂ ਘਟਨਾਵਾਂ ਹੋਈਆਂ ਵੀ ਸਨ, ਜਿਨ੍ਹਾਂ ਵਿੱਚ ਜਾਂਚ ਪਿੱਛੋਂ ਸਿੱਟਾ ਮਾਨਸਿਕ ਰੋਗ ਦੇ ਦੌਰੇ ਵਾਲਾ ਨਿਕਲਦਾ ਰਿਹਾ ਸੀ। ਫਿਰ ਵੀ ਇਹ ਘਟਨਾ ਉਨ੍ਹਾਂ ਵਰਗੀ ਬਿਲਕੁਲ ਨਹੀਂ ਸੀ।

ਕਾਣੀ ਵੰਡ ਵਾਲਾ ਵਿਕਾਸ

ਭਾਰਤ ਦੇ ਸ਼ਾਸਕ ਤੇ ਉਨ੍ਹਾਂ ਦੇ ਢੰਡੋਰਚੀ ਇਹ ਦਾਅਵੇ ਕਰਦੇ ਨਹੀਂ ਥੱਕਦੇ ਕਿ ਅੱਜ ਦੇਸ ਸੰਸਾਰ ਦਾ ਸਭ ਤੋਂ ਵੱਧ ਤੇਜ਼ ਗਤੀ ਨਾਲ ਵਿਕਾਸ ਕਰਨ ਵਾਲਾ ਰਾਜ ਬਣ ਗਿਆ ਹੈ। ਉਹ ਆਪਣੇ ਇਸ ਦਾਅਵੇ ਦੀ ਪੁਸ਼ਟੀ ਲਈ ਸਭ ਤੋਂ ਵੱਡਾ ਪ੍ਰਮਾਣ ਇਹ ਪੇਸ਼ ਕਰਦੇ ਹਨ ਕਿ ਅਸੀਂ ਲਗਾਤਾਰ ਸੱਤ ਫ਼ੀਸਦੀ ਤੋਂ ਵੱਧ ਵਿਕਾਸ ਦਰ ਹਾਸਲ ਕਰ ਰਹੇ ਹਾਂ। ਉਦਾਰਵਾਦੀ ਆਰਥਕ ਨੀਤੀਆਂ ਦੇ ਅਮਲ ਵਿੱਚ ਆਉਣ ਮਗਰੋਂ ਅੱਜ ਭਾਰਤ ਵਿੱਚ ਅਰਬ-ਖਰਬਪਤੀਆਂ ਦੀ ਗਿਣਤੀ ਇੱਕ ਸੌ ਇੱਕ ਤੱਕ ਪਹੁੰਚ ਗਈ ਹੈ ਤੇ ਮੁਕੇਸ਼ ਅੰਬਾਨੀ ਵਰਗੇ ਅਜਿਹੇ ਖਰਬਪਤੀ ਵੀ ਹਨ, ਜਿਨ੍ਹਾਂ ਦਾ ਨਾਂਅ ਸੰਸਾਰ ਦੇ ਸਿਖ਼ਰਲੇ ਅਮੀਰਾਂ ਦੀ ਗਿਣਤੀ ਵਿੱਚ ਆਉਂਦਾ ਹੈ।

ਐੱਨ ਪੀ ਏ ਦਾ ਵਧਦਾ ਸੰਕਟ

ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਤੋਂ ਲੈ ਕੇ ਖ਼ਜ਼ਾਨਾ ਮੰਤਰੀ ਅਰੁਣ ਜੇਤਲੀ ਤੇ ਆਰਥਕ ਮਾਮਲਿਆਂ ਦੇ ਸਲਾਹਕਾਰ ਲਗਾਤਾਰ ਇਹ ਦਾਅਵੇ ਦੁਹਰਾਅ ਹਨ ਕਿ ਉਨ੍ਹਾਂ ਦੇ ਸੱਤਾ ਸੰਭਾਲਣ ਮਗਰੋਂ ਭਾਰਤ ਸੰਸਾਰ ਦਾ ਸਭ ਤੋਂ ਵੱਧ ਕੌਮੀ ਵਿਕਾਸ ਦਰ ਹਾਸਲ ਕਰਨ ਵਾਲਾ ਦੇਸ ਬਣ ਕੇ ਉੱਭਰਿਆ ਹੈ। ਸੰਨ 2020 ਤੱਕ ਇਹ ਸੰਸਾਰ ਦੀ ਆਰਥਕ ਮਹਾਂ-ਸ਼ਕਤੀ ਦਾ ਦਰਜਾ ਹਾਸਲ ਕਰ ਲਵੇਗਾ, ਪਰ ਨਾ ਦੇਸ ਵਿੱਚ ਰੁਜ਼ਗਾਰ ਦੇ ਅਵਸਰ ਵਧੇ ਹਨ ਤੇ ਨਾ ਆਰਥਕ ਨਾ-ਬਰਾਬਰੀ ਨੂੰ ਖ਼ਤਮ ਕਰਨ ਬਾਰੇ ਕੋਈ ਉਪਰਾਲਾ ਕੀਤਾ ਗਿਆ ਹੈ।

ਯੋਗੀ ਦਾ ਰਾਜ ਤਿਲਕ

ਪਹਿਲਾਂ ਸੰਨ 2014 ਵਿੱਚ ਨਰਿੰਦਰ ਮੋਦੀ ਤੇ ਅਮਿਤ ਸ਼ਾਹ ਦੀ ਅਗਵਾਈ ਵਿੱਚ ਪਾਰਲੀਮੈਂਟ ਵਿੱਚ ਬਹੁਮੱਤ ਹਾਸਲ ਕਰਨ ਤੇ ਹੁਣ ਦੇਸ ਦੇ ਸਭ ਤੋਂ ਵੱਡੇ ਰਾਜ ਉੱਤਰ ਪ੍ਰਦੇਸ਼ ਦੀਆਂ ਵਿਧਾਨ ਸਭਾ ਚੋਣਾਂ ਵਿੱਚ ਸਭ ਤੋਂ ਵੱਧ ਸੀਟਾਂ ਹਾਸਲ ਕਰ ਕੇ ਭਾਜਪਾ ਤੇ ਉਸ ਦੇ ਸਰਪ੍ਰਸਤ ਆਰ ਐੱਸ ਐੱਸ ਨੂੰ ਇਹ ਘੁਮੰਡ ਹੋ ਗਿਆ ਹੈ ਕਿ ਉਹ ਜੋ ਚਾਹੁਣ, ਕਰ ਸਕਦੇ ਹਨ।

ਆਗਾਜ਼ ਤੋ ਅੱਛਾ ਹੈ...

ਪੰਜਾਬੀ ਦਾ ਇੱਕ ਪੁਰਾਣਾ ਅਖਾਣ ਹੈ : 'ਘਰ ਦੇ ਭਾਗ ਡਿਓੜੀਆਂ ਹੀ ਨਜ਼ਰ ਆ ਜਾਂਦੇ ਹਨ'। ਜੇ ਕੈਪਟਨ ਅਮਰਿੰਦਰ ਸਿੰਘ ਦੀ ਅਗਵਾਈ ਵਾਲੀ ਨਵੀਂ ਬਣੀ ਕੈਬਨਿਟ ਦੇ ਪਲੇਠੇ ਫ਼ੈਸਲਿਆਂ 'ਤੇ ਝਾਤ ਮਾਰੀ ਜਾਵੇ ਤਾਂ ਉਕਤ ਅਖਾਣ ਢੁੱਕਦੀ ਨਜ਼ਰ ਆਉਂਦੀ ਹੈ। ਪਿਛਲੇ ਚੋਖੇ ਅਰਸੇ ਤੋਂ ਪੰਜਾਬ ਦੇ ਵਸਨੀਕਾਂ ਨੇ ਅਕਾਲੀ-ਭਾਜਪਾ ਸਰਕਾਰ ਦੀ ਪੱਖਪਾਤੀ ਪਹੁੰਚ ਤੇ ਨਿੱਜੀ ਸੁਆਰਥਾਂ ਨੂੰ ਪਹਿਲ ਦੇਣ ਵਾਲੇ ਅਮਲਾਂ ਕਾਰਨ ਜੋ ਸੰਤਾਪ ਭੋਗਿਆ ਸੀ, ਉਸ ਤੋਂ ਛੁਟਕਾਰਾ

ਸ਼ਹਿਰੀ ਆਜ਼ਾਦੀਆਂ 'ਤੇ ਹਮਲਾ

ਸਾਡੇ ਸ਼ਾਸਕ, ਚਾਹੇ ਉਹ ਕੇਂਦਰ ਦੇ ਹੋਣ ਚਾਹੇ ਰਾਜਾਂ ਦੇ, ਸੱਤਾ ਸੰਭਾਲਣ ਸਮੇਂ ਇਹ ਸਹੁੰ ਚੁੱਕਦੇ ਹਨ ਕਿ ਉਹ ਸੰਵਿਧਾਨਕ ਪ੍ਰੰਪਰਾਵਾਂ ਤੇ ਵਿਵਸਥਾਵਾਂ ਦੀ ਖ਼ੁਦ ਵੀ ਪਾਲਣਾ ਕਰਨਗੇ ਤੇ ਲੋਕਾਂ ਕੋਲੋਂ ਵੀ ਕਰਵਾਉਣਗੇ। ਜਿਹੜਾ ਵੀ ਵਿਅਕਤੀ ਸੰਵਿਧਾਨ ਵਿੱਚ ਦਰਜ ਲਿਖਣ-ਬੋਲਣ ਦੀ ਆਜ਼ਾਦੀ 'ਤੇ ਰੋਕਾਂ ਲਾਉਣ ਦਾ ਜਤਨ ਕਰੇਗਾ, ਉਸ ਦੇ ਖ਼ਿਲਾਫ਼ ਬਣਦੀ ਕਾਰਵਾਈ ਕੀਤੀ ਜਾਵੇਗੀ।

ਨਵੀਂ ਸਰਕਾਰ ਪੰਜਾਬ ਦੀ

ਪੰਜਾਬ ਦੇ ਨਵੇਂ ਮੁੱਖ ਮੰਤਰੀ ਵਜੋਂ ਕੈਪਟਨ ਅਮਰਿੰਦਰ ਸਿੰਘ ਨੇ ਅੱਜ ਸਹੁੰ ਚੁੱਕ ਲਈ ਹੈ। ਉਨ੍ਹਾ ਦੇ ਨਾਲ ਹਾਲ ਦੀ ਘੜੀ ਕੁਝ ਚੋਣਵੇਂ ਮੰਤਰੀ ਬਣਾਏ ਗਏ ਹਨ ਤੇ ਦੂਸਰੇ ਦੌਰ ਵਿੱਚ ਕੁਝ ਸਮਾਂ ਲੱਗੇਗਾ। ਇਹ ਇੱਕ ਤਰ੍ਹਾਂ ਠੀਕ ਵੀ ਹੈ। ਸਰਕਾਰ ਬਣਦੇ ਸਾਰ ਵੱਡਾ ਮੰਤਰੀ ਮੰਡਲ ਬਣਾਉਣਾ ਕਾਹਲੀ ਦਾ ਕੰਮ ਗਿਣਿਆ ਜਾਣਾ ਸੀ ਤੇ ਉਸ ਵਿੱਚ ਖੜੇ ਪੈਰ ਕੁਝ ਨਾ ਕੁਝ ਨਾਰਾਜ਼ਗੀਆਂ ਵੀ ਪ੍ਰਗਟ ਹੋ ਸਕਦੀਆਂ ਸਨ।

ਭਾਜਪਾ ਦੀ ਸੱਤਾ ਪ੍ਰਾਪਤੀ ਦੀ ਹਾਬੜ

ਪੰਜ ਰਾਜਾਂ ਦੀਆਂ ਵਿਧਾਨ ਸਭਾ ਚੋਣਾਂ ਦੇ ਨਤੀਜੇ ਆਉਣ ਮਗਰੋਂ ਉੱਤਰ ਪ੍ਰਦੇਸ਼ ਤੇ ਉੱਤਰਾ ਖੰਡ ਵਿੱਚ ਭਾਰੀ ਬਹੁਮੱਤ ਹਾਸਲ ਕਰ ਕੇ ਸੱਤਾ ਦੇ ਗਲਿਆਰਿਆਂ ਤੱਕ ਪਹੁੰਚਣ ਦਾ ਭਾਜਪਾ ਦਾ ਰਾਹ ਪੱਧਰਾ ਹੋ ਗਿਆ ਸੀ, ਪਰ ਨਾ ਉਸ ਨੂੰ ਤੇ ਉਸ ਦੇ ਭਾਈਵਾਲ ਅਕਾਲੀ ਦਲ ਨੂੰ ਪੰਜਾਬ ਵਿੱਚ ਬਹੁਮੱਤ ਹਾਸਲ ਹੋਇਆ

ਅਮਲਾਂ ਨਾਲ ਹੋਣੇ ਹਨ ਨਿਬੇੜੇ

ਪੰਜ ਰਾਜਾਂ ਦੀਆਂ ਵਿਧਾਨ ਸਭਾ ਚੋਣਾਂ ਤੇ ਖ਼ਾਸ ਕਰ ਕੇ ਉੱਤਰ ਪ੍ਰਦੇਸ਼ ਤੇ ਉੱਤਰਾ ਖੰਡ ਵਿੱਚ ਭਾਰੀ ਜਿੱਤ ਹਾਸਲ ਕਰਨ ਮਗਰੋਂ ਭਾਰਤੀ ਜਨਤਾ ਪਾਰਟੀ ਦੇ ਆਗੂਆਂ ਨੇ ਕੇਸਰੀਆ ਹੋਲੀ ਮਨਾਉਣ ਦਾ ਐਲਾਨ ਕੀਤਾ ਸੀ।

ਪੰਜਾਬ ਦੇ ਚੋਣ ਨਤੀਜੇ

ਗਿਆਰਾਂ ਮਾਰਚ ਦੇ ਦਿਨ ਆਏ ਵਿਧਾਨ ਸਭਾ ਚੋਣਾਂ ਦੇ ਨਤੀਜਿਆਂ ਨਾਲ ਪੰਜਾਬ ਵਿੱਚ ਇੱਕ ਨਵੇਂ ਦੌਰ ਦੀ ਸ਼ੁਰੂਆਤ ਹੋ ਗਈ ਹੈ। ਹਮੇਸ਼ਾ ਵਾਂਗ ਚੋਣ ਨਤੀਜੇ ਇਸ ਵਾਰ ਵੀ ਹੈਰਾਨ ਕਰਨ ਵਾਲੇ ਹਨ, ਪਰ ਇਨ੍ਹਾਂ ਨਾਲ ਆਮ ਲੋਕਾਂ ਨੂੰ ਪੰਜਾਬ ਵਿੱਚ ਖੁਸ਼ੀ ਹੋਈ ਹੋਵੇ ਜਾਂ ਨਾ, ਇੱਕ ਖ਼ਾਸ ਰਾਹਤ ਜਿਹੀ ਮਹਿਸੂਸ ਹੋਈ ਹੈ। ਇਸ ਦਾ ਕਾਰਨ ਵੀ ਕਿਸੇ ਤੋਂ ਲੁਕਿਆ ਹੋਇਆ ਨਹੀਂ। ਪੰਜਾਬ ਦੇ ਲੋਕ ਇਸ ਤੋਂ ਛੁਟਕਾਰੇ ਦੀ ਘੜੀ ਦੀ ਉਡੀਕ ਵਿੱਚ ਸਨ।

ਦਹਿਸ਼ਤਗਰਦ ਤਾਂ ਦਹਿਸ਼ਤਗਰਦ ਹੀ ਹੁੰਦੇ ਹਨ...

ਕੁਝ ਸਾਲ ਪਹਿਲਾਂ ਹੈਦਰਾਬਾਦ ਦੀ ਮੱਕਾ ਮਸਜਿਦ, ਸਮਝੌਤਾ ਐਕਸਪ੍ਰੈੱਸ, ਅਜਮੇਰ ਸ਼ਰੀਫ਼ ਦਰਗਾਹ ਅਤੇ ਮਾਲੇਗਾਓਂ ਵਿੱਚ ਦਹਿਸ਼ਤਗਰਦੀ ਦੀਆਂ ਵਾਰਦਾਤਾਂ ਵਾਪਰੀਆਂ ਸਨ। ਇਹਨਾਂ ਲਈ ਕੁਝ ਹਲਕਿਆਂ ਵੱਲੋਂ ਮੁਸਲਿਮ ਦਹਿਸ਼ਤਗਰਦਾਂ ਨੂੰ ਜ਼ਿੰਮੇਵਾਰ ਠਹਿਰਾਇਆ ਗਿਆ ਸੀ।