ਰਾਸ਼ਟਰੀ

ਦਿੱਲੀ 'ਚ ਦੌੜਦੀ ਕਾਰ 'ਚ ਵਿਆਹੁਤਾ ਨਾਲ ਬਲਾਤਕਾਰ

ਪੂਰਬੀ ਦਿੱਲੀ 'ਚ ਐਤਵਾਰ ਨੂੰ ਇੱਕ ਚੱਲਦੀ ਕਾਰ 'ਚ 28 ਸਾਲ ਦੀ ਇੱਕ ਵਿਆਹੁਤਾ ਨਾਲ ਉਸ ਦੇ ਦੋਸਤ ਨੇ ਬਲਾਤਕਾਰ ਕੀਤਾ। ਪੁਲਸ ਨੇ ਦੱਸਿਆ ਕਿ ਘਟਨਾ ਬਾਰੇ ਉਦੋਂ ਪਤਾ ਲਗਾ, ਜਦੋਂ ਸਥਾਨਕ ਲੋਕਾਂ ਨੇ ਔਰਤ ਨੂੰ ਐਤਵਾਰ ਸ਼ਾਮ ਆਨੰਦ ਵਿਹਾਰ ਬੱਸ ਟਰਮੀਨਲ ਦੇ ਨੇੜੇ ਰੋਂਦਿਆਂ ਵੇਖਿਆ।

ਅਮਰੀਕਾ ਗਏ 163 ਪੰਡਤ ਲਾਪਤਾ

ਉੱਤਰ ਭਾਰਤ ਦੇ ਪਿੰਡਾਂ 'ਚੋਂ ਵੈਦਿਕ ਪੰਡਤ ਦੇ ਰੂਪ 'ਚ ਸਿਖਲਾਈ ਲਈ ਅਮਰੀਕਾ ਲਿਆਂਦੇ ਗਏ ਨੌਜੁਆਨਾਂ 'ਚੋਂ ਘੱਟੋ-ਘੱਟ 163 ਪਿਛਲੇ ਇੱਕ ਸਾਲ ਤੋਂ ਲਾਪਤਾ ਹਨ। ਇਹਨਾਂ ਨੌਜੁਆਨਾਂ ਨੂੰ ਮਹਾਂਰਿਸ਼ੀ ਮਹੇਸ਼ ਯੋਗੀ ਵੱਲੋਂ ਚਲਾਈਆਂ ਜਾ ਰਹੀਆਂ ਦੋ ਸੰਸਥਾਵਾਂ ਵੱਲੋਂ ਸਿਖਲਾਈ ਦਿੱਤੀ ਜਾਣੀ ਸੀ।

ਮੇਰੀ ਜਾਨ ਨੂੰ ਖ਼ਤਰਾ : ਸਨੋਡੇਨ

ਅਮਰੀਕਾ ਵੱਲੋਂ ਭਗੌੜੇ ਕਰਾਰ ਦਿੱਤੇ ਗਏ ਸਾਬਕਾ ਜਾਸੂਸ ਐਡਵਰਡ ਸਨੋਡੇਨ ਨੇ ਕਿਹਾ ਹੈ ਕਿ ਉਸ ਦੀ ਜਾਨ ਨੂੰ ਖ਼ਤਰਾ ਹੈ। ਅਮਰੀਕਾ ਦੇ ਖੁਫ਼ੀਆ ਨਿਗਰਾਨੀ ਪ੍ਰੋਗਰਾਮ ਪ੍ਰਿਜਮ ਦਾ ਖੁਲਾਸਾ ਕਰਨ ਵਾਲੇ ਸਨੋਡੇਨ ਨੇ ਜਰਮਨ ਦੇ ਇੱਕ ਟੀ ਵੀ ਚੈਨਲ ਨਾਲ ਗੱਲਬਾਤ ਕਰਦਿਆਂ ਕਿਹਾ ਕਿ ਉਸ ਦੀ ਜਾਨ ਨੂੰ ਖ਼ਤਰਾ ਹੈ। ਸਨੋਡੇਨ ਨੇ ਕਿਹਾ ਕਿ ਖ਼ਤਰੇ ਦੇ ਬਾਵਜੂਦ ਉਸ ਨੂੰ ਪੂਰੀ ਨੀਂਦ ਆਉਂਦੀ ਹੈ, ਕਿਉਂਕਿ ਉਸ ਨੂੰ ਵਿਸ਼ਵਾਸ ਹੈ

ਰਾਜ ਠਾਕਰੇ ਦੇ ਬੰਦਿਆਂ ਵੱਲੋਂ ਟੋਲ ਨਾਕਿਆਂ ਦੀ ਭੰਨ-ਤੋੜ

ਮਹਾਂਰਾਸ਼ਟਰ ਨਵ-ਨਿਰਮਾਣ ਸੈਨਾ ਦੇ ਮੁਖੀ ਰਾਜ ਠਾਕਰੇ ਦੇ ਹੁਕਮਾਂ 'ਤੇ ਟੋਲ ਪਲਾਜ਼ਿਆਂ ਦੀ ਘੱਟੋ-ਘੱਟ 8 ਸ਼ਹਿਰਾਂ 'ਚ ਸਾੜ-ਫੂਕ ਅਤੇ ਭੰਨ-ਤੋੜ ਦੇ ਮਾਮਲੇ 'ਚ ਪੁਲਸ ਨੇ ਪਾਰਟੀ ਦੇ ਕਈ ਵਿਧਾਇਕਾਂ ਸਮੇਤ ਮਨਸੇ ਦੇ ਕਈ ਕਾਰਕੁਨਾਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਜ਼ਿਕਰਯੋਗ ਹੈ ਕਿ ਠਾਕਰੇ ਨੇ ਕਿਹਾ ਸੀ ਕਿ ਲੋਕ ਟੋਲ ਪਲਾਜ਼ਾ 'ਤੇ ਪੈਸੈ ਨਾ ਦੇਣ ਸਗੋਂ ਪੈਸੇ ਮੰਗਣ ਵਾਲਿਆਂ ਦਾ ਕੁਟਾਪਾ ਕਰਨ। ਮੀਡੀਆ ਰਿਪੋਰਟਾਂ ਅਨੁਸਾਰ ਟੋਲ ਪਲਾਜ਼ਾ ਦੀ ਭੰਨ-ਤੋੜ ਦੇ ਮਾਮਲੇ 'ਚ ਪਾਰਟੀ ਵਿਧਾਇਕ ਪ੍ਰਵੀਨ ਟਰੇਨਰ ਨੂੰ ਗ੍ਰਿਫ਼ਤਾਰ ਕਰ ਲਿਆ ਗਿਆ ਹੈ। ਐਮ ਐਨ ਐਸ ਦੇ ਕਾਨੂੰਨੀ ਸੈੱਲ ਦੇ ਮੁਖੀ ਅਖਿਲੇਸ਼ ਚੌਬੇ ਨੇ ਕਿਹਾ ਕਿ ਅਸੀਂ ਅਰਾਜਕਤਾਵਾਦੀ ਨਹੀਂ ਸਗੋਂ ਸਾਨੂੰ ਲੋਕਾਂ ਦੇ ਭਲੇ ਲਈ ਕਾਨੂੰਨ ਹੱਥ 'ਚ ਲੈਣ ਲਈ ਮਜਬੂਰ ਹੋਣਾ ਪਿਆ।

ਕੇਂਦਰ 'ਚੋਂ ਫਿਰਕਾਪ੍ਰਸਤ ਧਿਰਾਂ ਨੂੰ ਪਛਾੜ ਕੇ ਤੀਸਰੇ ਮੋਰਚੇ ਦੀ ਸਰਕਾਰ ਬਣਾਈ ਜਾਵੇਗੀ : ਬੰਤ ਬਰਾੜ

ਭਾਰਤੀ ਕਮਿਊਨਿਸਟ ਪਾਰਟੀ ਅਤੇ ਭਾਰਤੀ ਕਮਿਊਨਿਸਟ ਪਾਰਟੀ (ਮਾਰਕਸਵਾਦੀ) ਵੱਲੋਂ ਪੁਤਲੀ ਘਰ ਚੌਂਕ ਵਿਖੇ ਇੱਕ ਵਿਸ਼ਾਲ ਰੈਲੀ ਕੀਤੀ, ਜਿਸ ਨੂੰ ਸੰਬੋਧਨ ਕਰਦਿਆਂ ਕਾਮਰੇਡ ਬੰਤ ਬਰਾੜ ਨੇ ਕੇਂਦਰ ਦੀ ਕਾਂਗਰਸ ਸਰਕਾਰ ਤੇ ਭਾਜਪਾ ਨੂੰ ਰਗੜੇ ਲਾਉਂਦਿਆਂ ਕਿਹਾ ਕਿ ਇਹ ਦੋਵੇਂ ਪਾਰਟੀਆਂ ਇੱਕੋ ਹੀ ਸਿੱਕੇ ਦੇ ਦੋ ਪਹਿਲੂ ਹਨ ਅਤੇ ਕੇਂਦਰ ਵਿੱਚ ਇਸ ਵਾਰੀ ਖੱਬੀਆਂ ਧਿਰਾਂ ਦੀ ਹਮਾਇਤ ਨਾਲ ਤੀਸਰੇ ਮੋਰਚੇ ਦੀ ਸਰਕਾਰ ਬਣਾਈ ਜਾਵੇਗੀ।rn26 ਜਨਵਰੀ ਦੇ ਇਤਿਹਾਸਕ ਦਿਹਾੜੇ 'ਤੇ ਵਿਸ਼ਾਲ ਰੈਲੀ ਨੂੰ ਸੰਬੋਧਨ ਕਰਦਿਆਂ ਕਾਮਰੇਡ ਬੰਤ ਬਰਾੜ ਨੇ ਕਿਹਾ ਕਿ ਕੇਂਦਰ ਦੀਆਂ ਉਦਾਰਵਾਦੀ ਨੀਤੀਆਂ ਕਾਰਨ ਦੇਸ਼ ਅੰਦਰ ਗਰੀਬ ਲੋਕਾਂ ਦੀ ਗਿਣਤੀ ਵੱਧਦੀ ਜਾ ਰਹੀ ਹੈ। ਦੇਸ਼ ਵਿੱਚ ਬੇਰੁਜ਼ਗਾਰੀ ਵਿੱਚ ਵੱਡੀ ਪੱਧਰ 'ਤੇ ਵਾਧਾ ਹੋ ਰਿਹਾ ਹੈ ਅਤੇ ਲੱਖਾਂ ਦੀ ਗਿਣਤੀ ਵਿੱਚ ਬੇਰੁਜ਼ਗਾਰ ਨੌਜਵਾਨ ਉਦਾਸੀਨਤਾ ਕਾਰਨ ਨਸ਼ੀਲੇ ਪਦਾਰਥਾਂ ਦਾ ਸੇਵਨ ਕਰਨ ਵੱਲ ਵੱਧ ਰਹੇ ਹਨ।

ਪੁਲਸ ਵੱਲੋਂ ਗੈਸਟ ਫੈਕਲਿਟੀ ਲੈਕਚਰਾਰਾਂ 'ਤੇ ਡੰਡਾ ਚਾਰਜ

ਡੰਡਾ ਚਾਰਜ ਕਰਨ ਉਪਰੰਤ ਪੁਲਸ ਨੇ ਅੱਜ ਬਾਅਦ ਦੁਪਹਿਰ ਉਹਨਾਂ ਸੈਂਕੜੇ ਗੈਸਟ ਫੈਕਲਿਟੀ ਲੈਕਚਰਾਰਾਂ ਨੂੰ ਹਿਰਾਸਤ ਵਿੱਚ ਲੈ ਲਿਆ, ਆਪਣੀਆਂ ਮੰਗਾਂ ਮਨਵਾਉਣ ਦੇ ਯਤਨ ਵਜੋਂ ਜੋ ਪੁਰਅਮਨ ਰੋਸ ਮਾਰਚ ਕਰ ਰਹੇ ਸਨ।rnਪੰਜਾਬ ਦੇ 48 ਸਰਕਾਰੀ ਕਾਲਜਾਂ ਵਿੱਚ ਕੰਮ ਕਰ ਰਹੇ 900 ਦੇ ਕਰੀਬ ਗੈਸਟ ਫੈਕਲਿਟੀ ਲੈਕਚਰਾਰ ਪਿਛਲੇ ਲੰਬੇ ਅਰਸੇ ਤੋਂ ਜੱਦੋ-ਜਹਿਦ ਕਰਦੇ ਆ ਰਹੇ ਹਨ।

ਪੰਜਾਬ ਹਰ ਖੇਤਰ 'ਚ ਮੁਲਕ ਦਾ ਬੇਹਤਰੀਨ ਸੂਬਾ ਬਣੇਗਾ : ਸੁਖਬੀਰ

ਪੰਜਾਬ ਦੇ ਉਪ ਮੁੱਖ ਮੰਤਰੀ ਪੰਜਾਬ ਸੁਖਬੀਰ ਸਿੰਘ ਬਾਦਲ ਨੇ ਅੱਜ ਇੱਥੇ 65ਵੇਂ ਗਣਤੰਤਰ ਦਿਵਸ ਮੌਕੇ ਆਪਣੇ ਸੰਬੋਧਨ ਵਿੱਚ ਕਿਹਾ ਕਿ ਪੰਜਾਬ ਸਰਕਾਰ ਦਾ ਅਗਲਾ ਨਿਸ਼ਾਨਾ ਸੂਬੇ ਨੂੰ ਆਉਂਦੇ ਤਿੰਨ ਸਾਲਾਂ ਅੰਦਰ ਵਿਕਾਸ ਪੱਖੋਂ ਹਰ ਖੇਤਰ ਵਿੱਚ ਮੁਲਕ ਦਾ ਸਭ ਤੋਂ ਬੇਹਤਰੀਨ ਰਾਜ ਬਣਾਉਣਾ ਹੈ। ਉਨ੍ਹਾਂ ਕਿਹਾ ਕਿ ਸ਼੍ਰੋਮਣੀ ਅਕਾਲੀ ਦਲ ਅਤੇ ਭਾਜਪਾ ਦੀ ਸਰਕਾਰ ਨੇ ਲੋਕਾਂ ਦੀਆਂ ਇੱਛਾਵਾਂ ਦੀਆਂ ਪੂਰਤੀ ਕਰਦੇ ਹੋਏ ਸੂਬੇ ਵਿਚ ਚਹੁੰ-ਮੁਖੀ ਵਿਕਾਸ ਕਰਵਾਉਂਦਿਆਂ ਭਵਿੱਖ ਲਈ ਵੱਡੀਆਂ ਯੋਜਨਾਵਾਂ ਉਲੀਕੀਆਂ ਹਨ ਅਤੇ ਹੁਣ ਉਹ ਦਿਨ ਦੂਰ ਨਹੀਂ ਜਦ ਪੰਜਾਬ ਦੇਸ਼ ਦਾ ਨੰਬਰ ਇਕ ਸੂਬਾ ਹੋਵੇਗਾ।

ਨਤੀਜੇ ਦੇਣ ਵਾਲੀਆਂ ਸਰਕਾਰਾਂ ਹੀ ਟਿਕਣਗੀਆਂ : ਮੁਖਰਜੀ

ਰਾਸ਼ਟਰਪਤੀ ਪ੍ਰਣਬ ਮੁਖਰਜੀ ਨੇ ਕਿਹਾ ਕਿ ਭਵਿੱਖ 'ਚ ਨਤੀਜੇ ਦੇਣ ਵਾਲੀਆਂ ਸਰਕਾਰਾਂ ਹੀ ਟਿਕ ਸਕਣਗੀਆਂ। ਉਨ੍ਹਾ ਨਾਲ ਹੀ ਕਿਹਾ ਹੈ ਕਿ ਜੇ ਸਰਕਾਰਾਂ ਭ੍ਰਿਸ਼ਟਾਚਾਰ ਨੂੰ ਨੱਥ ਨਹੀਂ ਪਾਉਂਦੀਆਂ ਅਤੇ ਆਪਣੀ ਕਮਜ਼ੋਰੀਆਂ ਨੂੰ ਦੂਰ ਨਹੀਂ ਕਰਦੀਆਂ ਤਾਂ ਵੋਟਰ ਉਨ੍ਹਾ ਨੂੰ ਚੱਲਦਾ ਕਰ ਦੇਣਗੇ।

ਸੋਮਨਾਥ ਭਾਰਤੀ ਵੱਲੋਂ ਹੁਣ ਮੀਡੀਆ ਨਾਲ ਆਢਾ

ਦਿੱਲੀ ਦੇ ਖਿੜਕੀ ਐਕਸਟੈਨਸ਼ਨ ਇਲਾਕੇ 'ਚ ਪਿਛਲੇ ਦਿਨੀਂ ਅੱਧੀ ਰਾਤ ਵੇਲੇ ਛਾਪਾ ਮਾਰਨ 'ਤੇ ਵਿਵਾਦਾਂ 'ਚ ਫਸੇ ਦਿੱਲੀ ਦੇ ਕਾਨੂੰਨ ਮੰਤਰੀ ਸੋਮਨਾਥ ਭਾਰਤੀ ਅੱਜ ਫੇਰ ਆਪੇ ਤੋਂ ਬਾਹਰ ਹੋ ਗਏ ਅਤੇ ਮੀਡੀਆ 'ਤੇ ਦੋਸ਼ ਲਾਇਆ ਕਿ ਉਸ ਨੂੰ ਪ੍ਰਧਾਨ ਮੰਤਰੀ ਅਹੁਦੇ ਲਈ ਭਾਜਪਾ ਉਮੀਦਵਾਰ ਨਰਿੰਦਰ ਮੋਦੀ ਤੋਂ ਪੈਸੇ ਮਿਲਦੇ ਹਨ।

ਫਿਲਮ ਫੇਅਰ ਐਵਾਰਡ 'ਚ ਛਾਇਆ ਭਾਗ ਮਿਲਖਾ ਭਾਗ ਦਾ ਜਾਦੂ

ਰਾਕੇਸ਼ ਓਮ ਪ੍ਰਕਾਸ਼ ਮਹਿਰਾ ਦੀ ਫਿਲਮ ਨੇ 59ਵੇਂ ਫਿਲਮ ਮੇਲੇ ਵਿੱਚ ਸਰਵੋਤਮ ਫਿਲਮ, ਸਰਵੋਤਮ ਡਾਇਰੈਕਟਰ ਅਤੇ ਫਰਹਾਨ ਅਖਤਰ ਨੂੰ ਸਰਵੋਤਮ ਅਦਾਕਾਰ ਨਾਲ ਕੁੱਲ 6 ਐਵਾਰਡ ਆਪਣੇ ਨਾਂਅ ਕੀਤੇ ਹਨ। ਇਹ ਫਿਲਮ ਉੱਘੇ ਐਥਲੀਟ ਮਿਲਖਾ ਸਿੰਘ ਦੀ ਜ਼ਿੰਦਗੀ 'ਤੇ ਆਧਾਰਤ ਹੈ।

ਲੋਕ ਮਸਲਿਆਂ ਲਈ ਲੜੇ ਘੋਲਾਂ ਦੇ ਚੰਗੇ ਨਤੀਜੇ ਨਿਕਲੇ : ਡਾ. ਦਿਆਲ

'ਕਮਿਊਨਿਸਟ ਪਾਰਟੀਆਂ ਦਾ ਭਾਰਤ ਪੱਧਰ 'ਤੇ ਇਹ ਪੁਰਾਣਾ ਤਜਰਬਾ ਹੈ ਕਿ ਜਦੋਂ ਵੀ ਲੋਕਾਂ ਦੇ ਮਸਲਿਆਂ 'ਤੇ ਨਿੱਠ ਕੇ ਘੋਲ ਲੜੇ ਗਏ, ਉਨ੍ਹਾਂ ਦੇ ਸਾਰਥਕ ਨਤੀਜੇ ਵੀ ਨਿਕਲੇ ਅਤੇ ਲੋਕਾਂ ਨੇ ਖੱਬੀਆਂ ਧਿਰਾਂ ਨੂੰ ਭਾਰੀ ਸਮੱਰਥਨ ਵੀ ਦਿੱਤਾ। ਇਨ੍ਹਾਂ ਤਜਰਬਿਆਂ ਦੇ ਅਧਾਰ 'ਤੇ ਹੀ ਖੱਬੀਆਂ ਧਿਰਾਂ ਭਵਿੱਖ ਦੀ ਬਿਹਤਰ ਕਾਰਗੁਜ਼ਾਰੀ ਵੱਲ ਅਹੁਲ ਰਹੀਆਂ ਹਨ।'

ਬਰਖਾ 'ਤੇ ਵਰ੍ਹਿਆ ਭਾਰਤੀ, ਮਹਿਲਾ ਕਮਿਸ਼ਨ ਦੀ ਚੇਅਰਮੈਨੀ ਤੋਂ ਹਟਾਉਣ ਦੀ ਤਿਆਰੀ

ਵਿਵਾਦਾਂ 'ਚ ਘਿਰੇ ਦਿੱਲੀ ਦੇ ਕਾਨੂੰਨ ਮੰਤਰੀ ਸੋਮਨਾਥ ਭਾਰਤੀ ਨੇ ਦਿੱਲੀ ਮਹਿਲਾ ਕਮਿਸ਼ਨ ਦੀ ਚੇਅਰਮੈਨ ਬਰਖਾ ਸਿੰਘ 'ਤੇ ਨਰਾਜ਼ਗੀ ਜ਼ਾਹਰ ਕੀਤੀ ਹੈ। ਉਨ੍ਹਾ ਕਿਹਾ ਕਿ ਬਰਖਾ ਸਿੰਘ ਕਾਂਗਰਸ ਦੀ ਮੈਂਬਰ ਹੈ ਅਤੇ ਕਾਂਗਰਸ ਸਰਕਾਰ ਦਾ ਕਾਰਜਕਾਲ ਖ਼ਤਮ ਹੋਣ ਤੋਂ ਬਾਅਦ ਉਨ੍ਹਾ ਨੂੰ ਆਪਣੇ-ਆਪ ਹੀ ਆਪਣੇ ਅਹੁਦੇ ਤੋਂ ਅਸਤੀਫ਼ਾ ਦੇ ਦੇਣਾ ਚਾਹੀਦਾ ਹੈ।

ਸੰਵਿਧਾਨ ਮੁੱਖ ਮੰਤਰੀ ਨੂੰ ਪ੍ਰਦਰਸ਼ਨ ਕਰਨ ਤੋਂ ਨਹੀਂ ਰੋਕਦਾ : ਕੇਜਰੀਵਾਲ

ਸੰਵਿਧਾਨਿਕ ਅਹੁਦੇ 'ਤੇ ਰਹਿੰਦਿਆਂ ਪ੍ਰਦਰਸ਼ਨ ਕਰਨ ਲਈ ਆਲੋਚਨਾ ਦਾ ਚੁਫ਼ੇਰਿਓਂ ਸਾਹਮਣਾ ਕਰ ਰਹੇ ਦਿੱਲੀ ਦੇ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਨੇ ਕਿਹਾ ਹੈ ਕਿ ਸੰਵਿਧਾਨ ਕਿਸੇ ਮੁੱਖ ਮੰਤਰੀ ਨੂੰ ਧਰਨਾ ਦੇਣ ਤੋਂ ਨਹੀਂ ਰੋਕਦਾ।

ਸੰਜੇ ਨਿਰੂਪਮ ਵੱਲੋਂ ਆਤਮਦਾਹ ਦੀ ਧਮਕੀ

ਮੁੰਬਈ 'ਚ ਬਿਜਲੀ ਦਰਾਂ 'ਚ ਕਮੀ ਦੀ ਮੰਗ ਨੂੰ ਲੈ ਕੇ ਅਣਮਿੱਥੇ ਸਮੇਂ ਲਈ ਭੁੱਖ ਹੜਤਾਲ 'ਤੇ ਬੈਠੇ ਆਲ ਇੰਡੀਆ ਕਾਂਗਰਸ ਕਮੇਟੀ ਦੇ ਸਕੱਤਰ ਨਿਰੂਪਮ ਰਾਉ ਨੇ ਹੁਣ ਆਤਮਦਾਹ ਦੀ ਧਮਕੀ ਦਿੱਤੀ ਹੈ। ਅੱਜ ਸੰਜੇ ਨਿਰੂਪਮ ਨੇ ਕਿਹਾ ਕਿ ਜੇ ਧੀਰੂ ਭਾਈ ਅੰਬਾਨੀ ਗਰੁੱਪ ਦੇ ਚੇਅਰਮੈਨ ਅਨਿਲ ਅੰਬਾਨੀ ਨੇ ਬਿਜਲੀ ਦਰਾਂ 'ਚ ਕਟੌਤੀ ਨਾ ਕੀਤੀ ਤਾਂ ਮੈਂ ਉਨ੍ਹਾਂ ਦੇ ਘਰ ਅੱਗੇ ਆਤਮਦਾਹ ਕਰ ਲਵਾਂਗਾ।

ਇੰਡੋਨੇਸ਼ੀਆ 'ਚ ਜ਼ਬਰਦਸਤ ਭੁਚਾਲ

ਇੰਡੋਨੇਸ਼ੀਆ ਦੇ ਮੁੱਖ ਟਾਪੂ ਜਾਵਾ 'ਚ ਸ਼ਨੀਵਾਰ ਸਵੇਰੇ 6.1 ਦੀ ਤੀਬਰਤਾ ਵਾਲਾ ਭੁਚਾਲ ਆਇਆ, ਜਿਸ ਨਾਲ ਸਥਾਨਕ ਲੋਕਾਂ ਵਿੱਚ ਦਹਿਸ਼ਤ ਫੈਲ ਗਈ ਅਤੇ ਉਹ ਆਪਣੇ ਘਰ ਛੱਡ ਕੇ ਖੁੱਲ੍ਹੇ ਮੈਦਾਨ ਵਿੱਚ ਬਾਹਰ ਨਿਕਲ ਆਏ।

ਛਤੀਸਗੜ੍ਹ ਦੀਆਂ ਔਰਤਾਂ ਨਾਲ ਯੂ ਪੀ 'ਚ ਸਮੂਹਕ ਬਲਾਤਕਾਰ

ਛਤੀਸਗੜ੍ਹ ਦੇ ਜਾਂਜਗੀਰ ਛਾਂਪਾ ਜ਼ਿਲ੍ਹੇ ਦੀਆਂ 5 ਔਰਤਾਂ ਨਾਲ ਯੂ ਪੀ ਵਿੱਚ ਇੱਕ ਭੱਠੇ 'ਤੇ ਸਮੂਹਕ ਬਲਾਤਕਾਰ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਬਲਾਤਕਾਰ ਪੀੜਤਾਂ 'ਚੋਂ ਇੱਕ ਨਾਬਾਲਗ ਹੈ।rnਛਤੀਸਗੜ੍ਹ ਵਾਪਸ ਆ ਕੇ ਸ਼ੁੱਕਰਵਾਰ ਰਾਤ ਦਰਜ ਕਰਵਾਈ ਗਈ ਰਿਪੋਰਟ 'ਚ ਪੀੜਤ ਔਰਤਾਂ ਨੇ ਦੱਸਿਆ ਕਿ ਉਨ੍ਹਾਂ ਨਾਲ ਰਾਮਪੁਰ ਜ਼ਿਲ੍ਹੇ 'ਚ ਸ਼ਾਹਬਾਦ ਥਾਣੇ ਦੇ ਇਲਾਕੇ ਵਿਚ ਪੈਂਦੇ ਭੱਠੇ 'ਤੇ ਸਮੂਹਕ ਬਲਾਤਕਾਰ ਕੀਤਾ ਗਿਆ।

2005 ਤੋਂ ਪਹਿਲਾਂ ਦੇ ਨੋਟ ਜੁਲਾਈ ਮਗਰੋਂ ਵੀ ਬਦਲੇ ਜਾ ਸਕਣਗੇ : ਰਿਜ਼ਰਵ ਬੈਂਕ

ਰਿਜ਼ਰਵ ਬੈਂਕ ਆਫ ਇੰਡੀਆ ਨੇ ਲੋਕਾਂ ਨੂੰ ਕਿਹਾ ਹੈ ਕਿ ਉਹ 2005 ਤੋਂ ਪਹਿਲਾਂ ਦੇ ਨੋਟ ਬਦਲਣਾ ਸ਼ੁਰੂ ਕਰ ਦੇਣ ਤਾਂ ਜੋ ਬਾਅਦ ਵਿੱਚ ਉਨ੍ਹਾਂ ਨੂੰ ਪ੍ਰੇਸ਼ਾਨੀ ਨਾ ਹੋਵੇ। ਰਿਜ਼ਰਵ ਬੈਂਕ ਨੇ ਕਿਹਾ ਕਿ ਉਸ ਨੇ ਜਾਲ੍ਹੀ ਨੋਟਾਂ ਦਾ ਪ੍ਰਚਲਨ ਰੋਕਣ ਲਈ 2005 ਤੋਂ ਪਹਿਲਾਂ ਛਪੇ ਕਰੰਸੀ ਨੋਟ ਪ੍ਰਚਲਨ ਤੋਂ ਬਾਹਰ ਕਰਨ ਦਾ ਫੈਸਲਾ ਕੀਤਾ ਹੈ।

ਭਾਰਤ ਨਾਲ ਸੰਬੰਧ ਵਧਾਉਣ ਲਈ ਪਾਕਿ ਦੀ ਰਾਇ ਜਾਨਣਾ ਚਾਹੁੰਦਾ ਹੈ ਅਮਰੀਕਾ

ਪਾਕਿਸਤਾਨ ਸਰਕਾਰ ਦੇ ਇੱਕ ਸੀਨੀਅਰ ਕੂਟਨੀਤਕ ਨਾਲ ਅਗਲੇ ਹਫ਼ਤੇ ਹੋਣ ਵਾਲੀ ਅਮਰੀਕੀ ਵਿਦੇਸ਼ ਮੰਤਰੀ ਜਾਨ ਕੈਰੀ ਦੀ ਮੀਟਿੰਗ 'ਚ ਅਮਰੀਕਾ ਪਾਕਿਸਤਾਨ ਤੋਂ ਇਹ ਜਾਨਣਾ ਚਾਹੇਗਾ ਕਿ ਉਹ ਭਾਰਤ ਨਾਲ ਆਪਣੇ ਸੰਬੰਧਾਂ ਨੂੰ ਕਿਵੇਂ ਵਧਾਵੇ।

ਸੁਪਰੀਮ ਕੋਰਟ ਵੱਲੋਂ ਸੂਬਾ ਸਰਕਾਰ ਨੂੰ ਨੋਟਿਸ

ਸੁਪਰੀਮ ਕੋਰਟ ਨੇ ਪੱਛਮੀ ਬੰਗਾਲ ਦੇ ਵੀਰਭੂਮ ਜ਼ਿਲ੍ਹੇ 'ਚ ਹੋਏ ਸਮੂਹਿਕ ਬਲਾਤਕਾਰ ਦੇ ਮਾਮਲੇ ਦਾ ਆਪਣੇ ਤੌਰ 'ਤੇ ਸਖ਼ਤ ਨੋਟਿਸ ਲੈਂਦਿਆਂ ਸੂਬਾ ਸਰਕਾਰ ਨੂੰ ਨੋਟਿਸ ਜਾਰੀ ਕੀਤਾ ਹੈ। ਸਰਵ-ਉੱਚ ਅਦਾਲਤ ਨੇ ਵੀਰਭੂਮ ਦੇ ਜ਼ਿਲ੍ਹਾ ਜੱਜ ਨੂੰ ਹੁਕਮ ਦਿੱਤਾ ਹੈ ਕਿ ਉਹ ਘਟਨਾ ਵਾਲੀ ਥਾਂ ਦਾ ਦੌਰਾ ਕਰਨ ਅਤੇ ਇੱਕ ਹਫ਼ਤੇ ਅੰਦਰ ਰਿਪੋਰਟ ਪੇਸ਼ ਕਰਨ।

ਸੁਪਰੀਮ ਕੋਰਟ ਵੱਲੋਂ ਕੇਂਦਰ ਤੇ ਦਿੱਲੀ ਸਰਕਾਰ ਤੋਂ ਜੁਆਬ ਤਲਬ

ਦਿੱਲੀ ਦੀ ਸਰਕਾਰ ਅਤੇ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਧਰਨੇ ਨੂੰ ਲੈ ਕੇ ਕਾਨੂੰਨੀ ਰੂਪ 'ਚ ਫਸਦੇ ਜਾ ਰਹੇ ਹਨ। ਆਮ ਆਦਮੀ ਪਾਰਟੀ ਦੇ ਧਰਨੇ ਵਿਰੁੱਧ ਪਹਿਲਾਂ ਹੀ ਚਾਰ ਐਫ਼ ਆਈ ਆਰ ਦਰਜ ਹੋ ਚੁੱਕੀਆਂ ਹਨ ਅਤੇ ਹੁਣ ਸੁਪਰੀਮ ਕੋਰਟ ਨੇ ਵੀ ਇਸ ਮਾਮਲੇ 'ਚ ਨੋਟਿਸ ਜਾਰੀ ਕਰ ਦਿੱਤਾ ਹੈ।