ਸੰਪਾਦਕ ਪੰਨਾ

ਸ਼ਹਿਰੀ ਚੋਣਾਂ ਅਤੇ ਪੰਜਾਬ ਸਰਕਾਰ

ਪੰਜਾਬ ਦੇ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਆਪਣੇ ਪੈਰ ਦੀ ਸੱਟ ਕਾਰਨ ਸ਼ਾਇਦ ਹਾਲੇ ਤੱਕ ਵੀ ਪੂਰੇ ਠੀਕ ਨਹੀਂ ਹੋਏ ਲੱਗਦੇ ਤੇ ਇਸ ਲਈ ਸਿਆਸੀ ਸਰਗਰਮੀ ਵਿੱਚ ਦੋ ਮੰਤਰੀ ਮਨਪ੍ਰੀਤ ਸਿੰਘ ਬਾਦਲ ਅਤੇ ਨਵਜੋਤ ਸਿੰਘ ਸਿੱਧੂ ਹੀ ਆਮ ਕਰ ਕੇ ਦਿਖਾਈ ਦੇਂਦੇ ਹਨ। ਇਨ੍ਹਾਂ ਦੋਵਾਂ ਵਿੱਚੋਂ ਇੱਕ ਜਣੇ ਨਵਜੋਤ ਸਿੰਘ ਸਿੱਧੂ ਨੇ ਕੱਲ੍ਹ ਨਗਰ ਨਿਗਮਾਂ ਬਾਰੇ ਜਿਹੜਾ ਬਿਆਨ ਦਿੱਤਾ ਹੈ, ਉਸ ਦਾ ਚੰਗਾ ਪ੍ਰਭਾਵ ਨਹੀਂ ਗਿਆ।

ਜੀ ਐੱਸ ਟੀ ਬਾਰੇ ਬਾਜ਼ਾਰ ਤੇ ਆਮ ਲੋਕਾਂ ਦੇ ਵਿਸਵਿਸੇ

ਆਪਣੇ ਐਲਾਨੇ ਹੋਏ ਪ੍ਰੋਗਰਾਮ ਦੇ ਮੁਤਾਬਕ ਭਾਰਤ ਸਰਕਾਰ ਨੇ ਵਸਤਾਂ ਤੇ ਵਿਕਰੀ ਟੈਕਸ, ਜੀ ਐੱਸ ਟੀ, ਦੀ ਸ਼ੁਰੂਆਤ ਕਰ ਦਿੱਤੀ ਹੈ। ਹਰ ਗੱਲ ਨੂੰ ਇੱਕ ਨਿਵੇਕਲਾ ਮੌਕਾ ਬਣਾ ਕੇ ਪੇਸ਼ ਕਰਨ ਦੇ ਆਪਣੇ ਸੁਭਾਅ ਕਾਰਨ ਟੈਕਸਾਂ ਦਾ ਇਹ ਨਵਾਂ ਸਿਸਟਮ ਪੇਸ਼ ਕਰਨ ਲਈ ਵੀ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਤੇ ਉਸ ਦੀ ਟੀਮ ਨੇ ਇੱਕ ਨਿਵੇਕਲੇ ਜਸ਼ਨ ਦਾ ਰੂਪ ਦੇ ਦਿੱਤਾ ਹੈ।

ਸੁਰੱਖਿਆ ਖੇਤਰ 'ਚ ਨਿੱਜੀ ਪੂੰਜੀ ਦਾ ਦਖ਼ਲ ਦੇਸ਼ ਦੇ ਹਿੱਤ 'ਚ ਨਹੀਂ

ਮੋਦੀ ਸਰਕਾਰ ਨੇ ਦੇਸ਼ ਦੀ ਡਿਫ਼ੈਂਸ ਸਨਅਤ ਨੂੰ ਨਿੱਜੀ ਹੱਥਾਂ 'ਚ ਦੇਣ ਦਾ ਰਾਹ ਅਪਣਾ ਲਿਆ ਹੈ। ਦੇਸ਼ ਦੇ ਰੱਖਿਆ ਉਤਪਾਦਨ ਵਿੱਚ ਸੌ ਫ਼ੀਸਦੀ ਸਿੱਧੇ ਬਦੇਸ਼ੀ ਨਿਵੇਸ਼ (ਐੱਫ਼ ਡੀ ਆਈ) ਨੂੰ ਮਨਜ਼ੂਰੀ ਦਿੱਤੀ ਜਾ ਰਹੀ ਹੈ। ਇਸ ਸੰਬੰਧੀ ਸ਼ਰਤਾਂ ਨੂੰ ਵੀ ਨਰਮ ਕੀਤਾ ਜਾ ਰਿਹਾ ਹੈ।

ਹੁਣ ਵਾਰੀ ਏਅਰ ਇੰਡੀਆ ਦੀ

ਭਾਰਤ ਦੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦਾ ਦਾਅਵਾ ਹੈ ਕਿ ਦੇਸ਼ ਵਿਕਾਸ ਦੇ ਮਾਰਗ ਉੱਤੇ ਵਧਦਾ ਜਾ ਰਿਹਾ ਹੈ। ਕੁਝ ਖੇਤਰਾਂ ਵਿੱਚ ਪਛੇਤ ਅਤੇ ਕੁਝ ਵਿੱਚ ਅਗੇਤ ਦਾ ਜਿੱਦਾਂ ਦਾ ਅਮਲ ਆਜ਼ਾਦੀ ਮਿਲਣ ਪਿੱਛੋਂ ਦੇ ਸੱਤਰ ਸਾਲਾਂ ਵਿੱਚ ਪਹਿਲਾਂ ਚੱਲਦਾ ਰਿਹਾ ਹੈ

ਮੋਦੀ-ਟਰੰਪ ਮਿਲਣੀ

ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਤੇ ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਵਿਚਾਲੇ ਹੋਈ ਪਹਿਲੀ ਮਿਲਣੀ ਨੇ ਉਹਨਾਂ ਵਿਸਵਿਸਿਆਂ ਨੂੰ ਕਾਫ਼ੀ ਹੱਦ ਤੱਕ ਨਿਰਮੂਲ ਸਿੱਧ ਕਰ ਦਿੱਤਾ ਹੈ, ਜਿਹੜੇ ਡੋਨਾਲਡ ਟਰੰਪ ਵੱਲੋਂ ਆਪਣੇ ਨਾਟੋ ਹਵਾਰੀਆਂ ਨਾਲ ਸੰਬੰਧਾਂ ਵਿੱਚ ਆਏ ਫੇਰ-ਬਦਲ ਨਾਲ ਸ਼ੁਰੂ ਹੋਏ ਸਨ।

ਹਾਕਮੋ! ਰੋਕੋ ਭੀੜ ਤੰਤਰ ਦੀ ਮਾਨਸਿਕਤਾ ਨੂੰ

ਮਹਾਤਮਾ ਬੁੱਧ ਤੇ ਦੇਸ਼-ਪਿਤਾ ਗਾਂਧੀ ਦੇ ਦੇਸ ਵਿੱਚ ਅੱਜ ਅਸਹਿਣਸ਼ੀਲਤਾ ਦਾ ਜਿਹੜਾ ਵਾਤਾਵਰਣ ਪੈਦਾ ਹੋ ਰਿਹਾ ਹੈ, ਉਸ ਨੇ ਸਾਡੇ ਸੈਕੂਲਰ ਕਦਰਾਂ-ਕੀਮਤਾਂ ਵਾਲੇ ਜਮਹੂਰ ਦੀ ਸਲਾਮਤੀ ਲਈ ਭਾਰੀ ਖ਼ਤਰਾ ਪੈਦਾ ਕਰ ਦਿੱਤਾ ਹੈ।

ਗੰਭੀਰ ਹੋ ਰਹੀ ਸਥਿਤੀ...!

ਕਸ਼ਮੀਰ ਦੀ ਖ਼ੂਬਸੂਰਤ ਵਾਦੀ ਗੁਲਮਰਗ-ਗਰਮੀਆਂ ਦੀਆਂ ਛੁੱਟੀਆਂ 'ਚ ਦੇਸ਼ ਭਰ ਦੇ ਸੈਲਾਨੀਆਂ ਦੀ ਖਿੱਚ ਦਾ ਕੇਂਦਰ-ਵਿਖੇ ਕੱਲ੍ਹ ਇੱਕ ਦਰਦਨਾਕ ਹਾਦਸੇ ਵਿੱਚ ਦਿੱਲੀ ਤੋਂ ਏਥੇ ਸੈਰ ਲਈ ਆਇਆ ਪੂਰੇ ਦਾ ਪੂਰਾ ਪਰਵਾਰ ਖ਼ਤਮ ਹੋ ਗਿਆ, ਦੋ ਧੀਆਂ ਸਮੇਤ ਮਾਂ-ਬਾਪ ਇੱਕ ਰੋਪ-ਵੇਅ ਦੀ ਕੇਬਲ ਟੁੱਟਣ ਕਾਰਨ ਹਾਦਸੇ ਦਾ ਸ਼ਿਕਾਰ ਹੋ ਗਏ।

ਲੋਕ ਰੋਹ ਨੂੰ ਠੋਸ ਢੰਗ ਨਾਲ ਲਾਮਬੰਦ ਕਰਨ ਦੀ ਲੋੜ

ਕਪੂਰਥਲਾ ਦੇ ਲਕਸ਼ਮੀ ਨਗਰ 'ਚ ਪਿਛਲੇ ਹਫਤੇ ਗ਼ਰੀਬੀ ਦੇ ਦੈਂਤ ਨੇ ਪੰਜ ਭੈਣ-ਭਰਾਵਾਂ ਨੂੰ ਨਿਗਲ ਲਿਆ। ਤੰਦਰੁਸਤੀ ਦੀ ਦਲਦਲ ਵਿੱਚ ਗ੍ਰਸੇ ਮਾਂ-ਪਿਓ ਦੀ ਹਾਲਤ ਨਾ ਸਹਿ ਸਕਦੇ ਹੋਏ ਵੱਡੇ ਭਰਾ ਨੇ ਆਪਣੇ ਸਮੇਤ ਸਾਰੇ ਭੈਣ-ਭਰਾਵਾਂ ਨੂੰ ਜ਼ਹਿਰ ਦੇ ਕੇ ਮਾਪਿਆਂ ਦਾ 'ਬੋਝ' ਹਲਕਾ ਕਰ ਦਿੱਤਾ। ਅਖ਼ਬਾਰਾਂ ਦੀ ਸੁਰਖੀ ਬਣੀ ਇਸ ਖ਼ਬਰ ਨੂੰ

ਮੁੱਖ ਮੰਤਰੀ ਤੇ ਸਾਬਕਾ ਮੁੱਖ ਮੰਤਰੀ ਖ਼ੁਦ ਅੱਗੇ ਆਉਣ

ਵਿਧਾਨ ਸਭਾਵਾਂ ਵਿੱਚ ਹੰਗਾਮੇ ਹੁੰਦੇ ਬਹੁਤ ਵਾਰੀ ਵੇਖੇ ਹੋਏ ਸਨ, ਹੱਥੋ-ਪਾਈ ਅਤੇ ਫਿਰ ਛਿੱਤਰ-ਪੌਲਾ ਵੀ ਹੁੰਦਾ ਵੇਖਿਆ ਸੀ, ਪਰ ਇਸ ਮਾਮਲੇ ਵਿੱਚ ਸਾਡਾ ਪੰਜਾਬ ਕਦੀ ਆਹ ਕੁਝ ਕਰ ਵਿਖਾਵੇਗਾ, ਜਿਹੜਾ ਵੀਰਵਾਰ ਦੇ ਦਿਨ ਹੋ ਗਿਆ ਹੈ, ਇਹ ਗੱਲ ਸਾਡੇ ਵਿੱਚੋਂ ਕਿਸੇ ਨੇ ਵੀ ਨਹੀਂ ਸੀ ਸੋਚੀ। ਕੋਈ ਹੁਣ ਇਸ ਮੌਕੇ ਹੋਈ ਹੁੱਲੜਬਾਜ਼ੀ ਨੂੰ ਸਰਕਾਰ ਦੇ ਮੱਥੇ ਮੜ੍ਹੀ ਜਾ ਰਿਹਾ ਹੈ ਤੇ ਕੋਈ ਵਿਰੋਧੀ ਧਿਰ ਦੇ, ਪਰ ਕਸੂਰ ਤੋਂ ਸੱਖਣੀ ਕੋਈ ਧਿਰ ਵੀ ਨਹੀਂ।

ਲੋਕਤੰਤਰ ਦੀ ਸ਼ਰਮਨਾਕ ਝਾਕੀ

ਜਿਹੜੀ ਗੱਲ ਅੱਗੇ ਕਦੇ ਨਹੀਂ ਹੋਈ ਤੇ ਪਹਿਲੀ ਵਾਰ ਵੀ ਹੋਈ ਨਹੀਂ, ਸਾਨੂੰ ਕਰਨੀ ਪਈ ਹੈ, ਉਹ ਇਹ ਕਿ ਪੰਜਾਬ ਦੀ ਸਰਕਾਰ ਦਾ ਬੱਜਟ ਪੇਸ਼ ਹੋਇਆ ਤੇ ਉਹਦੇ ਉੱਤੇ ਪ੍ਰਤੀਕਰਮ ਅਸੀਂ ਤਿੰਨ ਦਿਨ ਪਛੜ ਕੇ ਦੇ ਰਹੇ ਹਾਂ।

ਅਸਰਦਾਰ ਕਾਰਵਾਈ ਦੀ ਲੋੜ

ਹਾਲ ਹੀ ਦੌਰਾਨ ਅਸਲੇ ਤੇ ਨਸ਼ੀਲੇ ਪਦਾਰਥਾਂ ਦਾ ਧੰਦਾ ਚਲਾਉਣ ਦੇ ਦੋਸ਼ 'ਚ ਫੜੇ ਗਏ ਪੰਜਾਬ ਪੁਲਸ ਦੇ ਇੰਸਪੈਕਟਰ-ਕਮ-ਹੌਲਦਾਰ ਇੰਦਰਜੀਤ ਸਿੰਘ ਅਖ਼ਬਾਰਾਂ ਦੀਆਂ ਸੁਰਖੀਆਂ ਵਿੱਚ ਹਨ। ਭਾਵੇਂ ਇਹ ਪੁਲਸ ਵਰਦੀ ਦੇ ਦਾਗ਼ਦਾਰ ਹੋਣ ਦਾ ਕੋਈ ਪਹਿਲਾ ਮਾਮਲਾ ਨਹੀਂ; ਕਤਲ, ਬਲਾਤਕਾਰ ਤੇ ਵਧੀਕੀਆਂ ਦੇ ਕੇਸਾਂ ਵਿੱਚ ਪੁਲਸ ਦੇ ਅਧਿਕਾਰੀਆਂ 'ਤੇ ਮੁਕੱਦਮੇ ਚੱਲੇ, ਕਈਆਂ ਨੂੰ ਸਜ਼ਾਵਾਂ ਹੋਈਆਂ ਤੇ ਕਈਆਂ 'ਤੇ ਅਜੇ ਵੀ ਅਦਾਲਤਾਂ 'ਚ ਕੇਸ ਚੱਲ ਰਹੇ ਹਨ।

ਕਿਊਬਾ ਬਾਰੇ ਟਰੰਪ ਦੀ ਉਲਟ-ਬਾਜ਼ੀ

ਆਪਣੀ ਛੜੱਪੇ ਮਾਰੂ ਰਾਜਨੀਤੀ ਤੇ ਏਸੇ ਕਿਸਮ ਦੀ ਕੂਟਨੀਤੀ ਚਲਾਉਣ ਦੇ ਸ਼ੌਕੀਨ ਅਮਰੀਕਾ ਦੇ ਅਜੋਕੇ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਇਸ ਵਾਰੀ ਕਿਊਬਾ ਨਾਲ ਸੰਬੰਧਾਂ ਦੇ ਮਾਮਲੇ ਵਿੱਚ ਏਦਾਂ ਦਾ ਐਲਾਨ ਕਰ ਦਿੱਤਾ ਹੈ, ਜਿਸ ਨੂੰ ਇੱਕ ਤਰ੍ਹਾਂ ਉਲਟਬਾਜ਼ੀ ਕਿਹਾ ਜਾ ਸਕਦਾ ਹੈ।

ਬਿਆਨਬਾਜ਼ੀ ਨਹੀਂ, ਅਮਲੀ ਕਾਰਵਾਈ ਦੀ ਲੋੜ

ਦੇਸ਼ ਭਰ 'ਚ ਕਿਸਾਨੀ ਦਾ ਸੰਕਟ ਏਸ ਵੇਲੇ ਗੰਭੀਰ ਸਥਿਤੀ ਵਿੱਚ ਪਹੁੰਚ ਗਿਆ ਹੈ। ਕਿਸਾਨਾਂ ਵੱਲੋਂ ਖ਼ੁਦਕੁਸ਼ੀਆਂ ਦੇ ਵੈਣ ਹਰ ਪਿੰਡ ਵਿੱਚ ਪੈ ਰਹੇ ਹਨ, ਪਰ ਸਰਕਾਰਾਂ ਵੱਲੋਂ ਕੇਵਲ ਝੂਠੇ ਦਿਲਾਸਿਆਂ ਤੇ ਵਾਅਦਿਆਂ ਤੋਂ ਇਲਾਵਾ ਅਮਲ ਵਿੱਚ ਕੁਝ ਨਹੀਂ ਕੀਤਾ ਜਾ ਰਿਹਾ, ਜਿਸ ਕਾਰਨ ਸਥਿਤੀ ਹੋਰ ਭਿਆਨਕ ਰੂਪ ਧਾਰਨ ਕਰਦੀ ਜਾ ਰਹੀ ਹੈ।

ਪਸ਼ੂ ਪਾਲਕਾਂ ਲਈ ਮੁਸੀਬਤ ਬਣਿਆ ਸਰਕਾਰ ਦਾ ਨਵਾਂ ਫ਼ਰਮਾਨ

ਦੇਸ ਦੀ ਕੁੱਲ ਸਾਲਾਨਾ ਕੌਮੀ ਪੈਦਾਵਾਰ ਵਿੱਚ ਚਾਹੇ ਕਿਸਾਨੀ ਦਾ ਹਿੱਸਾ ਸਤਾਰਾਂ ਫ਼ੀਸਦੀ ਦੀ ਨੀਵਾਣ ਤੱਕ ਪਹੁੰਚ ਗਿਆ ਹੈ, ਪਰ ਦੇਸ ਦਾ ਖੇਤੀ ਖੇਤਰ ਹਾਲੇ ਵੀ ਵੱਸੋਂ ਦੇ ਪੰਜਾਹ ਫ਼ੀਸਦੀ ਹਿੱਸੇ ਨੂੰ ਰੁਜ਼ਗਾਰ ਪ੍ਰਾਪਤ ਕਰਵਾਉਂਦਾ ਹੈ। ਨੋਟ-ਬੰਦੀ ਦੇ ਮੰਦੇ ਪ੍ਰਭਾਵਾਂ, ਖੇਤੀ ਜਿਣਸਾਂ ਦੀਆਂ ਲਗਾਤਾਰ ਡਿੱਗ ਰਹੀਆਂ ਕੀਮਤਾਂ ਤੇ ਕਰਜ਼ੇ ਦੇ ਭਾਰ ਹੇਠ ਆਉਣ ਕਾਰਨ ਕਿਸਾਨ ਨਿੱਤ ਦਿਨ ਸੜਕਾਂ ਮੱਲਣ ਲਈ ਮਜਬੂਰ ਹੋ ਗਿਆ ਹੈ।

ਇੰਦਰਜੀਤ ਸਿੰਘ ਤਾਂ ਕੇਵਲ ਇੱਕ ਮੋਹਰਾ ਹੈ

ਪੰਜਾਬ ਪੁਲਸ ਦੇ ਇੰਸਪੈਕਟਰ ਇੰਦਰਜੀਤ ਸਿੰਘ ਦੀ ਗ੍ਰਿਫ਼ਤਾਰੀ ਤੇ ਉਸ ਦੇ ਵੱਖ-ਵੱਖ ਟਿਕਾਣਿਆਂ ਤੋਂ ਵਿਸ਼ੇਸ਼ ਜਾਂਚ ਟੀਮ ਦੇ ਅਧਿਕਾਰੀਆਂ ਦੇ ਹੱਥ ਚਾਰ ਕਿੱਲੋ ਦੇ ਕਰੀਬ ਹੈਰੋਇਨ ਤੇ ਤਿੰਨ ਕਿੱਲੋ ਦੇ ਕਰੀਬ ਸਮੈਕ ਤੋਂ ਇਲਾਵਾ ਏ ਕੇ-47, ਵੱਖ-ਵੱਖ ਵੰਨਗੀਆਂ ਦੇ ਪਿਸਤੌਲ ਤੇ ਭਾਰੀ ਮਿਕਦਾਰ ਵਿੱਚ ਗੋਲੀਆਂ ਤੇ ਬਦੇਸ਼ੀ ਸਿੱਕੇ ਦੀ ਬਰਾਮਦਗੀ ਨੇ ਇਹ ਗੱਲ ਫਿਰ ਸਾਹਮਣੇ ਲੈ ਆਂਦੀ ਹੈ ਕਿ ਪੁਲਸ, ਸਮੱਗਲਰਾਂ ਤੇ ਸਿਆਸਤਦਾਨਾਂ ਦੇ ਗੱਠਜੋੜ ਨੇ ਕਿਸ ਹੱਦ ਤੱਕ ਆਪਣਾ ਮਾਇਆ ਜਾਲ ਵਿਛਾ ਰੱਖਿਆ ਹੈ।

ਗਊ ਰੱਖਿਆ ਦੇ ਨਾਂਅ 'ਤੇ ਦਹਿਸ਼ਤ ਦਾ ਨੰਗਾ ਨਾਚ

ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਤੇ ਅਮਿਤ ਸ਼ਾਹ ਦੀ ਜੋੜੀ ਨੇ ਉੱਤਰ ਪ੍ਰਦੇਸ਼ ਦੀਆਂ ਚੋਣਾਂ ਵਿੱਚ ਬਹੁ-ਗਿਣਤੀ ਭਾਈਚਾਰੇ ਦੀਆਂ ਭਾਵਨਾਵਾਂ ਨੂੰ ਉਤੇਜਤ ਕਰਨ ਲਈ ਗਊ ਰੱਖਿਆ ਤੇ ਰਮਜ਼ਾਨ-ਕਬਰਸਤਾਨ ਆਦਿ ਜੁਮਲਿਆਂ ਦੀ ਵਰਤੋਂ ਕੀਤੀ ਸੀ।

'ਨਾ ਖਾਵਾਂਗਾ, ਨਾ ਖਾਣ ਦਿਆਂਗਾ' ਦੀ ਹਕੀਕਤ ਸਾਹਮਣੇ ਆਉਣ ਲੱਗੀ

ਨਰਿੰਦਰ ਮੋਦੀ ਨੇ 2014 ਦੀਆਂ ਲੋਕ ਸਭਾ ਚੋਣਾਂ ਦੌਰਾਨ ਨਾਹਰੇ ਤੇ ਜੁਮਲੇ ਤਾਂ ਕਈ ਘੜੇ ਸਨ, ਪਰ ਨਾਲ ਹੀ ਇਹ ਬੁਲੰਦ ਬਾਂਗ ਦਾਅਵਾ ਕੀਤਾ ਸੀ ਕਿ 'ਨਾ ਖਾਵਾਂਗਾ, ਨਾ ਖਾਣ ਦਿਆਂਗਾ'। ਲੋਕਾਂ ਨੇ ਉਨ੍ਹਾ ਦੇ ਇਸ ਦਾਅਵੇ ਨੂੰ ਹੁੰਗਾਰਾ ਭਰਿਆ ਤੇ ਪਹਿਲੀ ਵਾਰ ਭਾਜਪਾ ਨੂੰ ਭਾਰੀ ਬਹੁਮੱਤ ਹਾਸਲ ਕਰਵਾਇਆ।

ਸ਼ੰਘਾਈ ਕੋਆਪਰੇਸ਼ਨ ਦਾ ਅਸਤਾਨਾ ਸਮਾਗਮ

ਕਜ਼ਾਕਸਤਾਨ ਦੀ ਰਾਜਧਾਨੀ ਅਸਤਾਨਾ ਵਿੱਚ ਸ਼ੰਘਾਈ ਕੋਆਪਰੇਸ਼ਨ ਆਰਗੇਨਾਈਜ਼ੇਸ਼ਨ ਦਾ ਦੋ ਸਾਲਾ ਸਮਾਗਮ ਆਯੋਜਤ ਹੋਇਆ। ਭਾਰਤ ਤੇ ਪਾਕਿਸਤਾਨ ਨੂੰ ਇਸ ਸਮਾਗਮ ਵਿੱਚ ਇਸ ਸੰਸਥਾ ਦੇ ਪੂਰੇ ਮੈਂਬਰ ਵਜੋਂ ਸ਼ਾਮਲ ਕਰ ਲਿਆ ਗਿਆ ਹੈ।

ਟਰਾਂਸਪੋਰਟ ਮਾਫ਼ੀਏ ਵਿਰੁੱਧ ਕਾਰਵਾਈ : ਇੱਕ ਚੰਗੀ ਸ਼ੁਰੂਆਤ

ਅਕਾਲੀ-ਭਾਜਪਾ ਗੱਠਜੋੜ ਦੀ ਪ੍ਰਕਾਸ਼ ਸਿੰਘ ਬਾਦਲ ਦੀ ਅਗਵਾਈ ਵਾਲੀ ਪਿਛਲੀ ਸਰਕਾਰ ਦਾ ਮੁੱਖ ਨਾਹਰਾ ਸੀ; 'ਰਾਜ ਨਹੀਂ, ਸੇਵਾ'। ਅਸਲ ਵਿੱਚ ਸੇਵਾ ਉਹ ਕਿਸ ਦੀ ਕਰਦੇ ਸਨ, ਇਹ ਉਨ੍ਹਾਂ ਨੇ ਕਦੇ ਨਹੀਂ ਸੀ ਦੱਸਿਆ। ਉਨ੍ਹਾਂ ਦੇ 'ਰਾਜ ਨਹੀਂ, ਸੇਵਾ' ਦੇ ਸੰਕਲਪ ਵਾਲੇ ਰਾਜ ਦੌਰਾਨ ਸੂਬਾ ਤਾਂ ਕਰਜ਼ੇ ਦੇ ਭਾਰ ਹੇਠ ਦੱਬਦਾ ਗਿਆ, ਪਰ ਸੇਵਾ ਦੇ ਧਾਰਨੀ ਤੇ ਉਨ੍ਹਾਂ ਦੇ ਸਹਿਯੋਗੀ ਤੇ ਭਾਈਬੰਦ ਇਸ ਅਰਸੇ ਦੌਰਾਨ ਹੋਰ ਤੋਂ ਹੋਰ ਮਾਲਾਮਾਲ ਹੁੰਦੇ ਗਏ। ਇਸ ਦੀਆਂ

ਕਿਸਾਨੀ ਦਾ ਡੂੰਘਾ ਹੁੰਦਾ ਸੰਕਟ

ਦੇਸ ਦਾ ਭਲਾ ਚਾਹੁਣ ਵਾਲੇ ਆਰਥਕ ਮਾਹਰ ਤੇ ਅਰਥ-ਸ਼ਾਸਤਰੀ ਪਿਛਲੇ ਚੋਖੇ ਅਰਸੇ ਤੋਂ ਸਥਾਪਤੀ ਦੇ ਕਰਤੇ-ਧਰਤਿਆਂ ਨੂੰ ਇਹ ਚਿਤਾਰ ਰਹੇ ਸਨ ਕਿ ਜੇ ਸਮਾਂ ਰਹਿੰਦੇ ਖੇਤੀ ਸੈਕਟਰ ਦੀਆਂ ਬੁਨਿਆਦੀ ਸਮੱਸਿਆਵਾਂ ਨੂੰ ਹੱਲ ਕਰਨ ਵੱਲ ਧਿਆਨ ਨਾ ਦਿੱਤਾ ਗਿਆ ਤਾਂ ਇੱਕ ਦਿਨ ਅਜਿਹਾ ਵੀ ਆ ਸਕਦਾ ਹੈ, ਜਦੋਂ ਇਹ ਸਥਾਪਤੀ ਦੀ ਹੋਂਦ ਲਈ ਸੰਕਟ ਪੈਦਾ ਕਰ ਸਕਦਾ ਹੈ।