ਰਾਸ਼ਟਰੀ

ਸਿੱਧੂ ਨੇ ਲਾਇਆ ਕੈਪਟਨ ਦੇ ਪੈਰੀਂ ਹੱਥ

ਸਹੁੰ ਚੁੱਕ ਸਮਾਗਮ ਦੌਰਾਨ ਉਸ ਵੇਲੇ ਅਜੀਬ ਨਜ਼ਾਰਾ ਦੇਖਣ ਨੂੰ ਮਿਲਿਆ, ਜਦੋਂ ਨਵਜੋਤ ਸਿੰਘ ਸਿੱਧੂ ਨੂੰ ਸਹੁੰ ਚੁਕਾਈ ਗਈ। ਸਿੱਧੂ ਬਾਰੇ ਪਹਿਲਾਂ ਕਿਆਸ-ਅਰਾਈਆਂ ਸਨ ਕਿ ਉਸ ਨੂੰ ਉਪ ਮੁੱਖ ਮੰਤਰੀ ਬਣਾਇਆ ਜਾ ਸਕਦਾ ਹੈ, ਪਰ ਇਸ ਦੇ ਉਲਟ ਉਸ ਨੂੰ ਕੈਬਨਿਟ ਮੰਤਰੀ ਵਜੋਂ ਸਹੁੰ ਚੁਕਾਈ ਗਈ। ਏਥੇ ਹੀ ਬੱਸ ਨਹੀਂ, ਸਿੱਧੂ ਨੇ ਸਹੁੰ ਚੁੱਕਣ ਤੋਂ ਬਾਅਦ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਦੇ ਪੈਰੀਂ ਹੱਥ ਲਾਏ ਅਤੇ ਉਨ੍ਹਾਂ ਤੋਂ ਆਸ਼ੀਰਵਾਦ ਲਿਆ। ਇਹ ਇਸ ਲਈ ਵੀ ਅਹਿਮ ਹੈ, ਕਿਉਂਕਿ ਸਿੱਧੂ ਨੂੰ ਕੈਪਟਨ ਦੇ ਵਿਰੋਧੀ ਦੇ ਰੂਪ 'ਚ ਦੇਖਿਆ ਜਾ ਰਿਹਾ ਸੀ।

ਪੰਜਾਬ ਦੇ ਲੋਕਾਂ ਨੇ ਕਾਂਗਰਸ 'ਚ ਭਰੋਸਾ ਪ੍ਰਗਟ ਕੀਤਾ : ਰਾਹੁਲ

ਕਾਂਗਰਸ ਦੇ ਮੀਤ ਪ੍ਰਧਾਨ ਰਾਹੁਲ ਗਾਂਧੀ ਪੰਜਾਬ 'ਚ ਕਾਂਗਰਸ ਦੀ ਜਿੱਤ ਤੋਂ ਬਾਗੋ-ਬਾਗ ਨਜ਼ਰ ਆਏ। ਰਾਹੁਲ ਸਾਥੀ ਨੇ ਕਿਹਾ ਕਿ ਪੰਜਾਬ ਦੇ ਲੋਕਾਂ ਨੇ ਕਾਂਗਰਸ 'ਚ ਭਰੋਸਾ ਪ੍ਰਗਟ ਕੀਤਾ ਹੈ। ਉਨ੍ਹਾ ਕਿਹਾ ਕਿ ਸਾਰੇ ਕਾਂਗਰਸ ਅਤੇ ਕੈਪਟਨ ਅਮਰਿੰਦਰ ਮਿਲ ਕੇ ਪੰਜਾਬ ਦੇ ਭਲੇ ਲਈ ਕੰਮ ਕਰਨਗੇ। ਰਾਹੁਲ ਗਾਂਧੀ ਨੇ ਕਿਹਾ ਕਿ ਉਹ ਪੰਜਾਬ ਦੇ ਲੋਕਾਂ ਨੂੰ ਕਾਂਗਰਸ ਦੀ ਜਿੱਤ ਲਈ ਦਿਲੋਂ ਵਧਾਈਆਂ ਦਿੰਦੇ ਹਨ। ਕਾਂਗਰਸ ਦੀ ਸੀਨੀਅਰ ਆਗੂ ਤੇ ਸਾਬਕਾ ਵਿਦੇਸ਼ ਰਾਜ ਮੰਤਰੀ ਪ੍ਰਨੀਤ ਕੌਰ ਨੇ ਵੀ ਪੰਜਾਬ ਦੇ ਵੋਟਰਾਂ ਅਤੇ ਸਹੁੰ ਚੁੱਕਣ ਵਾਲੇ ਮੰਤਰੀਆਂ ਨੂੰ ਵਧਾਈ ਦਿੱਤੀ।

ਜਲੰਧਰ ਨੂੰ ਨਹੀਂ ਮਿਲੀ ਕੋਈ ਪ੍ਰਤੀਨਿਧਤਾ

ਜਲੰਧਰ (ਨਵਾਂ ਜ਼ਮਾਨਾ ਸਰਵਿਸ) ਪੰਜਾਬ ਦੇ ਪਿਛਲੇ 10 ਸਾਲਾਂ 'ਚ 7 ਕੈਬਨਿਟ ਮੰਤਰੀ ਦੇਣ ਵਾਲੇ ਜਲੰਧਰ ਨੂੰ ਸੂਬੇ 'ਚ ਨਵੀਂ ਬਣੀ ਕੈਪਟਨ ਵਜ਼ਾਰਤ 'ਚ ਕੋਈ ਪ੍ਰਤੀਨਿਧਤਾ ਨਹੀਂ ਮਿਲੀ ਹੈ। ਦੁਆਬੇ 'ਚ ਕੇਵਲ ਇੱਕ ਮੰਤਰੀ ਹੀ ਬਣਾਇਆ ਗਿਆ ਹੈ। ਜਲੰਧਰ ਜ਼ਿਲ੍ਹੇ ਨੂੰ ਕੋਈ ਪ੍ਰਤੀਨਿਧਤਾ ਨਹੀਂ ਮਿਲੀ ਹੈ, ਹਾਲਾਂਕਿ ਜ਼ਿਲ੍ਹੇ ਤੋਂ ਕਾਂਗਰਸ ਦੇ 5 ਵਿਧਾਇਕ ਬਣੇ ਹਨ।

ਕੈਪਟਨ ਤੋਂ ਮੁੱਖ ਮੰਤਰੀ ਤੱਕ ਦਾ ਸਫਰ

ਚੰਡੀਗੜ੍ਹ (ਨਵਾਂ ਜ਼ਮਾਨਾ ਸਰਵਿਸ) ਕਾਂਗਰਸ ਦੇ ਵੱਡੇ ਆਗੂਆਂ 'ਚੋਂ ਇੱਕ ਕੈਪਟਨ ਅਮਰਿੰਦਰ ਸਿੰਘ ਨੇ ਜਿੱਥੇ ਇੱਕ ਪਾਸੇ ਅਕਾਲੀ ਦਲ ਨੂੰ ਕਰਾਰੀ ਹਾਰ ਦਿੱਤੀ, ਉਥੇ ਦੂਜੇ ਪਾਸੇ ਦਿੱਲੀ ਤੋਂ ਬਾਹਰ ਪੈਰ ਪਸਾਰਨ ਦਾ ਸੁਪਨਾ ਦੇਖ ਰਹੀ ਆਮ ਆਦਮੀ ਪਾਰਟੀ ਦੇ ਸੁਪਨੇ ਨੂੰ ਵੀ ਚਕਨਾਚੂਰ ਕਰ ਦਿੱਤਾ ਅਤੇ ਕਾਂਗਰਸ ਨੂੰ 117 ਮੈਂਬਰੀ ਵਿਧਾਨ ਸਭਾ 'ਚ 77 ਸੀਟਾਂ 'ਤੇ ਜਿੱਤ ਦੁਆਈ ਅਤੇ ਦੂਜੀ ਵਾਰ ਪੰਜਾਬ ਦੇ ਮੁੱਖ ਮੰਤਰੀ ਬਣੇ।

ਕੈਪਟਨ ਨੇ ਲਿਆ ਸਾਰੇ ਧਰਮਾਂ ਦਾ ਅਸ਼ੀਰਵਾਦ

ਚੰਡੀਗੜ੍ਹ (ਨਵਾਂ ਜ਼ਮਾਨਾ ਸਰਵਿਸ) ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨੇ ਸਰਬ ਧਰਮ ਪ੍ਰਾਰਥਨਾਵਾਂ ਨਾਲ ਵੀਰਵਾਰ ਨੂੰ ਪੰਜਾਬ ਸਕੱਤਰੇਤ 'ਚ ਆਪਣੇ ਨਵੇਂ ਦਫ਼ਤਰ ਦਾ ਚਾਰਜ ਸੰਭਾਲ ਲਿਆ।ਕੈਪਟਨ ਅਮਰਿੰਦਰ ਸਹੁੰ ਚੁੱਕਣ ਤੋਂ ਬਾਅਦ ਪੰਜਾਬ ਸਕੱਤਰੇਤ ਦੀ ਦੂਜੀ ਮੰਜ਼ਲ ਉੱਤੇ ਆਪਣੇ ਦਫ਼ਤਰ ਵਿੱਚ ਗਏ।

ਮੰਤਰੀ ਬਣਦਿਆਂ ਹੀ ਮਨਪ੍ਰੀਤ ਬਾਦਲ ਦਾ 'ਛੱਕਾ'

ਚੰਡੀਗੜ੍ਹ (ਨਵਾਂ ਜ਼ਮਾਨਾ ਸਰਵਿਸ) ਕੈਪਟਨ ਸਰਕਾਰ ਦੇ ਕੈਬਨਿਟ ਮੰਤਰੀ ਮਨਪ੍ਰੀਤ ਸਿੰਘ ਬਾਦਲ ਨੇ ਸਰਕਾਰੀ ਗੱਡੀ ਤੇ ਸੁਰੱਖਿਆ ਲੈਣ ਤੋਂ ਇਨਕਾਰ ਕਰ ਦਿੱਤਾ ਹੈ।ਸਹੁੰ ਚੁੱਕ ਸਮਾਗਮ ਤੋਂ ਪਹਿਲਾਂ ਸਰਕਾਰੀ ਗੱਡੀ ਤੇ ਸੁਰੱਖਿਆ ਦਸਤਾ ਚੰਡੀਗੜ੍ਹ ਸਥਿਤ ਮਨਪ੍ਰੀਤ ਸਿੰਘ ਬਾਦਲ ਦੇ ਘਰ ਪਹੁੰਚਿਆ ਤਾਂ ਉਨ੍ਹਾ ਇਸ ਨੂੰ ਲੈਣ ਤੋਂ ਇਨਕਾਰ ਕਰ ਦਿੱਤਾ।ਇਸ ਤੋਂ ਪਹਿਲਾਂ ਮਨਪ੍ਰੀਤ ਬਾਦਲ ਆਪਣੀ ਪਤਨੀ ਵੀਨੂੰ ਬਾਦਲ ਨਾਲ ਨਿੱਜੀ ਗੱਡੀ ਵਿੱਚ ਰਾਜ ਭਵਨ ਪਹੁੰਚੇ।

ਪ੍ਰਸ਼ਾਦ ਖਾਣ ਨਾਲ ਡੇਢ ਸਾਲਾ ਬੱਚੇ ਦੀ ਮੌਤ

ਅੰਮ੍ਰਿਤਸਰ (ਸਤਨਾਮ ਸਿੰਘ ਜੋਧਾ) ਬਟਾਲਾ ਦੇ ਮਹੱਲਾ ਗੁਰੂ ਨਾਨਕ ਨਗਰ ਵਿਖੇ ਸਥਿਤ ਗੁਰਦੁਆਰਾ ਤੇਗ ਬਹਾਦੁਰ ਨਗਰ ਤੋਂ ਪ੍ਰਸ਼ਾਦ ਲੈ ਕੇ ਖਾਣ ਨਾਲ ਅੱਜ ਸਵੇਰ ਇੱਕ ਡੇਢ ਸਾਲ ਬੱਚੇ ਬਲਜੀਤ ਸਿੰਘ ਪੁੱਤਰ ਜੱਸਾ ਸਿੰਘ ਦੀ ਮੌਕੇ 'ਤੇ ਮੌਤ ਗਈ ਅਤੇ ਦੋ ਦਰਜਨ ਦੇ ਕਰੀਬ ਬੱਚਿਆਂ ਦੇ ਬਿਮਾਰ ਹੋਣ ਦੀ ਦੁਖਦਾਈ ਖਬਰ ਪ੍ਰਾਪਤ ਹੋਈ ਹੈ।

ਵਿਰੋਧੀ ਧਿਰ ਵੱਲੋਂ ਮੋਦੀ 'ਤੇ ਟਕੋਰ

ਉੱਤਰ ਪ੍ਰਦੇਸ਼ ਵਿਧਾਨ ਸਭਾ ਚੋਣਾਂ 'ਚ ਬੀ ਜੇ ਪੀ ਦੀ ਭਾਰੀ ਜਿੱਤ ਬਾਅਦ ਵੀਰਵਾਰ ਨੂੰ ਪਹਿਲੀ ਵਾਰ ਰਾਜ ਸਭਾ 'ਚ ਆਉਣ 'ਤੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦਾ ਪਾਰਟੀ ਮੈਂਬਰਾਂ ਨੇ ਮੇਜ਼ ਥਪਥਪਾ ਕੇ ਸਵਾਗਤ ਕੀਤਾ। ਬੀ ਜੇ ਪੀ ਮੈਂਬਰਾਂ ਨੇ ਸਦਨ 'ਚ ਉਨ੍ਹਾ ਦੇ ਸਮੱਰਥਨ 'ਚ ਨਾਅਰੇ ਵੀ ਲਗਾਏ।

ਭਾਰਤੀ ਬੱਚੀ ਨੇ ਜਿੱਤਿਆ ਅਮਰੀਕਾ ਦਾ ਸਭ ਤੋਂ ਵੱਡਾ ਪੁਰਸਕਾਰ

ਪੁਰਸਕਾਰ 'ਚ ਮਿਲੇ ਢਾਈ ਲੱਖ ਡਾਲਰ ਵਾਸ਼ਿੰਗਟਨ (ਨਵਾਂ ਜ਼ਮਾਨਾ ਸਰਵਿਸ) ਭਾਰਤੀ ਮੂਲ ਦੀ ਅਮਰੀਕੀ ਲੜਕੀ ਇੰਦਰਾਣੀ ਦਾਸ ਨੇ ਅਮਰੀਕਾ ਦਾ ਸਰਬ-ਉੱਚ ਵਿਗਿਆਨ ਪੁਰਸਕਾਰ ਜਿੱਤ ਲਿਆ ਹੈ। ਇੰਦਰਾਣੀ ਨੂੰ ਦਿਮਾਗੀ ਸੱਟ ਅਤੇ ਬਿਮਾਰੀ ਦੇ ਇਲਾਜ ਵੱਲ ਸੰਬੰਧਤ ਖੋਜ ਲਈ 'ਰੀਜਨਰੇਨ ਸਾਇੰਸ ਟੈਲੇਂਟ ਸਰਚ' 'ਚ 2.50 ਲੱਖ ਡਾਲਰ (ਤਕਰੀਬਨ 1.64 ਕਰੋੜ ਰੁਪਏ) ਦਾ ਪਹਿਲਾ ਇਨਾਮ ਮਿਲਿਆ ਹੈ।

ਗੋਆ 'ਚ ਲੋਕਤੰਤਰ ਦਾ ਕਤਲ ਹੋਇਆ : ਸ਼ਿਵ ਸੈਨਾ

ਮੁੰਬਈ (ਨਵਾਂ ਜ਼ਮਾਨਾ ਸਰਵਿਸ) ਸ਼ਿਵ ਸੈਨਾ ਨੇ ਭਾਰਤੀ ਜਨਤਾ ਪਾਰਟੀ (ਭਾਜਪਾ) 'ਤੇ ਵੀਰਵਾਰ ਨੂੰ ਹਮਲਾ ਕਰਦਿਆਂ ਕਿਹਾ ਹੈ ਕਿ ਗੋਆ 'ਚ ਸਰਕਾਰ ਦਾ ਗਠਨ ਲੋਕਤੰਤਰ ਦੇ ਕਤਲ ਦੇ ਬਰਾਬਰ ਹੈ। ਸ਼ਿਵ ਸੈਨਾ ਨੇ ਆਪਣੇ ਅਖ਼ਬਾਰ ਸਾਮਣਾ 'ਚ ਛਪੀ ਇੱਕ ਸੰਪਾਦਕੀ 'ਚ ਲਿਖਿਆ ਹੈ ਕਿ ਗੋਆ 'ਚ ਭਾਜਪਾ ਵੱਲੋਂ ਲਏ ਗਏ

ਵਾਅਦਿਆਂ ਤੋਂ ਭੱਜਣ ਲਈ ਕੈਪਟਨ ਘੜੇਗਾ ਖਾਲੀ ਖਜ਼ਾਨੇ ਦਾ ਪੱਜ : ਬਾਦਲ

ਲੰਬੀ (ਮਿੰਟੂ ਗੁਰੂਸਰੀਆ) ਪੰਜਾਬ ਵਿੱਚ ਲਗਾਤਾਰ ਇੱਕ ਦਹਾਕੇ ਦਾ ਰਾਜਭਾਗ ਕਰਨ ਤੋਂ ਬਾਅਦ ਸੱਤਾਹੀਣ ਹੋਏ ਸੂਬੇ ਦੇ ਸਾਬਕਾ ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ ਨੇ ਕੈਪਟਨ ਅਮਰਿੰਦਰ ਸਿੰਘ ਦੇ ਮੁੱਖ ਮੰਤਰੀ ਸਹੁੰ ਚੁੱਕ ਸਮਾਗਮ ਤੋਂ ਪਹਿਲਾਂ ਹੀ ਲੰਬੀ ਹਲਕੇ ਦੇ ਲੋਕਾਂ ਦਾ ਧੰਨਵਾਦ ਕਰਨ ਲਈ ਹਲਕੇ ਦੇ ਪਿੰਡਾਂ ਵਿੱਚ ਉਤ

ਇੱਕੋ ਹੀ ਕੁਨਬੇ ਨਾਲ ਹਨ ਸੰਬੰਧਤ ਕੈਪਟਨ ਤੇ ਫੂਲਕਾ

ਬਠਿੰਡਾ (ਬਖਤੌਰ ਢਿੱਲੋਂ) ਪੰਜਾਬ ਦੇ ਇਤਿਹਾਸ ਵਿੱਚ ਇਹ ਪਹਿਲਾ ਮੌਕਾ ਹੈ, ਜਦ ਨਾਮਜ਼ਦ ਮੁੱਖ ਮੰਤਰੀ ਅਤੇ ਵਿਰੋਧੀ ਧਿਰ ਦੇ ਆਗੂ ਦਰਮਿਆਨ ਸਮਾਨਤਾਵਾਂ ਹੀ ਨਹੀਂ, ਬਲਕਿ ਦੋਵੇਂ ਇੱਕੋ ਹੀ ਕੁਨਬੇ ਨਾਲ ਸੰਬੰਧਤ ਹਨ। ਮੁੱਖ ਮੰਤਰੀ ਵਜੋਂ ਆਪਣੇ ਅਹੁਦੇ ਦੀ ਸਹੁੰ ਚੁੱਕ ਰਹੇ ਕੈਪਟਨ ਅਮਰਿੰਦਰ ਸਿੰਘ ਨੂੰ ਭਾਵੇਂ ਪਟਿਆਲਾ ਦੇ ਰਾਜਘਰਾਣੇ ਦਾ ਵਾਰਸ ਸਮਝਿਆ ਜਾਂਦਾ ਹੈ,

ਇੱਕ ਬਾਲੜੀ ਦੀਆਂ ਸੁਰਾਂ ਰੋਕਣ ਲਈ ਇਕੱਠੇ ਹੋ ਗਏ 42 ਮੌਲਵੀ

ਨਵੀਂ ਦਿੱਲੀ (ਨ ਜ਼ ਸ) ਆਪਣੀਆਂ ਸੁਰਾਂ ਨਾਲ ਦੇਸ਼ ਦੇ ਕੋਨੇ-ਕੋਨੇ ਵਿੱਚ ਲੋਕਾਂ ਨੂੰ ਪ੍ਰਭਾਵਤ ਕਰਨ ਵਾਲੀ ਨਾਹਿਦ ਆਫਰੀਨ ਵਿਰੁੱਧ 42 ਮੌਲਵੀਆਂ ਨੇ ਫਤਵਾ ਜਾਰੀ ਕੀਤਾ ਹੈ। ਆਫਰੀਨ 2015 ਵਿੱਚ ਇੰਡੀਅਨ ਆਈਡਲ ਜੂਨੀਅਰ ਦੀ ਰਨਰਅੱਪ ਰਹੀ ਸੀ

ਦੇਸ਼ ਭਗਤ ਯਾਦਗਾਰ ਕਮੇਟੀ ਦੇ ਅਹੁਦੇਦਾਰਾਂ ਦੀ ਸਰਬ-ਸੰਮਤੀ ਨਾਲ ਹੋਈ ਚੋਣ

ਜਲੰਧਰ (ਕੇਸਰ) ਦੇਸ਼ ਭਗਤ ਯਾਦਗਾਰ ਕਮੇਟੀ ਦੀ ਜਨਰਲ ਬਾਡੀ ਦੀ ਤਿੰਨ ਸਾਲਾ ਸੈਸ਼ਨ ਮੁਕੰਮਲ ਹੋਣ ਉਪਰੰਤ ਹੋਈ ਵਿਸ਼ੇਸ਼ ਮੀਟਿੰਗ 'ਚ ਅੱਜ ਅਗਲੇ ਤਿੰਨ ਵਰ੍ਹਿਆਂ ਲਈ ਅਹੁਦੇਦਾਰਾਂ ਦੀ ਚੋਣ ਕੀਤੀ ਗਈ। ਦੇਸ਼ ਭਗਤ ਯਾਦਗਾਰ ਕਮੇਟੀ ਦੇ ਕਾਰਜਕਾਰੀ ਪ੍ਰਧਾਨ ਅਜਮੇਰ ਸਿੰਘ ਦੀ ਪ੍ਰਧਾਨਗੀ 'ਚ ਮੀਟਿੰਗ ਦੇ ਸ਼ੁਰੂ ਵਿੱਚ ਸੰਤ ਜਗਦੀਸ਼ ਸਿੰਘ ਵਰਿਆਮ,

ਹੁਣ ਫੂਲਕਾ ਹੱਥ 'ਆਪ' ਦੀ ਵਾਗਡੋਰ

ਚੰਡੀਗੜ੍ਹ (ਨਵਾਂ ਜ਼ਮਾਨਾ ਸਰਵਿਸ) ਆਮ ਆਦਮੀ ਪਾਰਟੀ (ਆਪ) ਨੇ ਕਾਂਗਰਸ ਸਰਕਾਰ ਨੂੰ ਘੇਰਨ ਲਈ ਐਚ.ਐਸ. ਫੂਲਕਾ ਨੂੰ ਮੈਦਾਨ ਵਿੱਚ ਉਤਾਰਿਆ ਹੈ। ਪਾਰਟੀ ਨੇ ਫੂਲਕਾ ਨੂੰ ਵਿਰੋਧੀ ਧਿਰ ਦਾ ਲੀਡਰ ਚੁਣਿਆ ਹੈ। ਇਸ ਤੋਂ ਇਲਾਵਾ ਸੁਖਪਾਲ ਖਹਿਰਾ ਨੂੰ ਚੀਫ ਵ੍ਹਿਪ ਬਣਾਇਆ ਗਿਆ ਹੈ।

ਲਾਲ ਬੱਤੀ ਕਲਚਰ ਖ਼ਤਮ ਕਰਾਂਗੇ : ਮਨਪ੍ਰੀਤ ਬਾਦਲ

ਚੰਡੀਗੜ੍ਹ (ਨਵਾਂ ਜ਼ਮਾਨਾ ਸਰਵਿਸ) ਆਮ ਆਦਮੀ ਪਾਰਟੀ ਹਾਰ ਗਈ ਹੈ, ਪਰ ਕੈਪਟਨ ਦੀ ਸਰਕਾਰ 'ਆਪ' ਦੇ ਫਾਰਮੂਲੇ 'ਤੇ ਹੀ ਚੱਲੇਗੀ। ਇਸ ਗੱਲ਼ ਦਾ ਖੁਲਾਸਾ ਕੈਪਟਨ ਸਰਕਾਰ ਵਿੱਚ ਅਹਿਮ ਭੂਮਿਕਾ ਨਿਭਾਉਣ ਜਾ ਰਹੇ ਬਠਿੰਡਾ ਸ਼ਹਿਰੀ ਤੋਂ ਵਿਧਾਇਕ ਮਨਪ੍ਰੀਤ ਸਿੰਘ ਬਾਦਲ ਨੇ ਕੀਤਾ।

ਨਵਜੋਤ ਸਿੱਧੂ ਨਹੀਂ ਛੱਡਣਗੇ ਟੀ.ਵੀ. 'ਤੇ ਹਾਸੇ-ਠੱਠੇ ਵਾਲਾ ਕੰਮ

ਚੰਡੀਗੜ੍ਹ (ਨਵਾਂ ਜ਼ਮਾਨਾ ਸਰਵਿਸ) 16 ਮਾਰਚ ਤੋਂ ਪੰਜਾਬ ਵਿੱਚ ਅਹਿਮ ਜ਼ਿੰਮੇਵਾਰੀ ਸੰਭਾਲਣ ਜਾ ਰਹੇ ਵਿਧਾਇਕ ਨਵਜੋਤ ਸਿੰਘ ਸਿੱਧੂ ਟੈਲੀਵਿਜ਼ਨ 'ਤੇ ਅਜੇ ਵੀ ਹਾਸੇ-ਠੱਠੇ ਵਾਲਾ ਕੰਮ ਨਹੀਂ ਛੱਡਣਗੇ। ਉਂਝ ਹੁਣ ਉਹ ਸਿਰਫ਼ ਕਪਿਲ ਸ਼ਰਮਾ ਦੇ ਸ਼ੋਅ ਉੱਤੇ ਹੀ ਦਿਖਾਈ ਦੇਣਗੇ। ਕ੍ਰਿਕਟ ਮੈਚ ਵਿੱਚ ਕਮੈਂਟਰੀ, ਐਡਵਰਟਾਈਜ਼ਮੈਂਟ ਜਾਂ ਦੂਜੇ ਕਿਸੇ ਵੀ ਟੈਲੀਵਿਜ਼ਨ ਪ੍ਰੋਗਰਾਮ ਦਾ ਹਿੱਸਾ ਨਹੀਂ ਬਣਨਗੇ। ਇਹ ਜਾਣਕਾਰੀ ਨਵਜੋਤ ਸਿੰਘ ਸਿੱਧੂ ਦੀ ਪਤਨੀ ਡਾ. ਨਵਜੋਤ ਕੌਰ ਸਿੱਧੂ ਨੇ ਦਿੱਤੀ ਹੈ।

ਈ ਵੀ ਐੱਮ ਜ਼ਰੀਏ 'ਆਪ' ਦੇ ਵੋਟ ਅਕਾਲੀ-ਭਾਜਪਾ ਦੇ ਖਾਤੇ 'ਚ ਗਏ : ਕੇਜਰੀਵਾਲ

ਨਵੀਂ ਦਿੱਲੀ (ਨ ਜ਼ ਸ) ਦਿੱਲੀ ਦੇ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਨੇ ਅੱਜ ਪੰਜਾਬ 'ਚ ਆਮ ਆਦਮੀ ਪਾਰਟੀ ਦੀ ਕਰਾਰੀ ਹਾਰ ਬਾਅਦ ਪਹਿਲੀ ਵਾਰ ਪ੍ਰੈੱਸ ਕਾਨਫਰੰਸ ਕੀਤੀ। ਉਹਨਾ ਪੰਜਾਬ 'ਚ ਪਾਰਟੀ ਦੀ ਹਾਰ ਲਈ ਈ ਵੀ ਐੱਮ 'ਚ ਗੜਬੜੀ ਦਾ ਸ਼ੱਕ ਜ਼ਾਹਰ ਕੀਤਾ ਹੈ। ਉਨ੍ਹਾ ਕਿਹਾ ਕਿ ਈ ਵੀ ਐੱਮ ਜ਼ਰੀਏ 'ਆਪ' ਦੇ ਵੋਟ ਭਾਜਪਾ ਅਤੇ ਅਕਾਲੀ ਦਲ ਨੂੰ ਸਿਫਟ ਕਰ ਦਿੱਤੇ ਗਏ।

ਕੇਜਰੀਵਾਲ ਦਿਮਾਗ ਫਿਰ ਗਿਐ : ਹਰਸਿਮਰਤ

ਨਵੀਂ ਦਿੱਲੀ (ਨ ਜ਼ ਸ)-ਦਿੱਲੀ ਦੇ ਮੁੱਖ ਮੰਤਰੀ ਅਰਵਿੰਦਰ ਕੇਜਰੀਵਾਲ ਵੱਲੋਂ ਲਾਏ ਗਏ ਦੋਸ਼ਾਂ ਬਾਰੇ ਕੇਂਦਰੀ ਮੰਤਰੀ ਹਰਸਿਮਰਤ ਕੌਰ ਬਾਦਲ ਨੇ ਉਹਨਾ ਨੂੰ ਸਲਾਹ ਦਿੱਤੀ ਹੈ ਕਿ ਉਹ ਈ ਬੀ ਐੱਸ ਮਸ਼ੀਨਾਂ ਦੀ ਭਰੋਸੇਯੋਗਤਾ 'ਤੇ ਸਵਾਲ ਉਠਾਉਣ ਦੀ ਬਜਾਏ ਬੇਹਤਰ ਹੋਵੇਗਾ ਕਿ ਉਹ ਸਵੈ-ਪੜਤਾਲ ਕਰਨ।

ਹਵਾਈ ਫੌਜ ਦਾ ਚੇਤਕ ਹੈਲੀਕਾਪਟਰ ਤਬਾਹ

ਇਲਾਹਾਬਾਦ (ਨ ਜ਼ ਸ)-ਯੂ ਪੀ ਦੇ ਇਲਾਹਾਬਾਦ ਵਿੱਚ ਹਵਾਈ ਫੌਜ ਦਾ ਚੇਤਕ ਹੈਲੀਕਾਪਟਰ ਤਬਾਹ ਹੋ ਗਿਆ। ਹਾਲਾਂਕਿ ਇਸ ਹਾਦਸੇ ਵਿੱਚ ਦੋਵੇਂ ਪਾਇਲਟ ਸੁਰੱਖਿਅਤ ਬਚ ਨਿਕਲੇ। ਜਾਣਕਾਰੀ ਅਨੁਸਾਰ ਰੋਜ਼ਾਨਾ ਅਭਿਆਸ ਦੌਰਾਨ ਹੈਲੀਕਾਪਟਰ ਨੇ ਬੰਮਰੌਲੀ ਹਵਾਈ ਅੱਡੇ ਤੋਂ ਉਡਾਣ ਭਰੀ ਅਤੇ ਕੁਝ ਦੇਰ ਬਾਅਦ ਹੀ ਪਾਇਲਟਾਂ ਨੇ ਜਹਾਜ਼ ਨੂੰ ਉਤਾਰਨ ਦੀ ਕੋਸ਼ਿਸ਼ ਕੀਤੀ