ਸੰਪਾਦਕ ਪੰਨਾ

ਸ਼ਸ਼ੀਕਲਾ ਦਾ ਗੁਣਾ ਤਾਂ ਪੈ ਗਿਆ, ਪਰ...

ਕਹਿਣ ਨੂੰ ਸਾਡਾ ਦੇਸ ਸੰਸਾਰ ਦਾ ਸਭ ਤੋਂ ਵੱਡਾ ਜਮਹੂਰੀ ਦੇਸ ਹੈ, ਪਰ ਇਹ ਆਮ ਹੀ ਵੇਖਣ ਵਿੱਚ ਆਉਂਦਾ ਹੈ ਕਿ ਬਹੁ-ਪਾਰਟੀ ਜਮਹੂਰੀਅਤ ਦੇ ਸੰਚਾਲਨ ਵਿੱਚ ਅਹਿਮ ਭੂਮਿਕਾ ਨਿਭਾਉਣ ਵਾਲੀਆਂ ਸਾਡੀਆਂ ਰਾਜਸੀ ਪਾਰਟੀਆਂ ਲੋਕਤੰਤਰੀ ਪ੍ਰੰਪਰਾਵਾਂ ਤੋਂ ਚੋਖੀ ਹੱਦ ਤੱਕ ਸੱਖਣੀਆਂ ਹਨ। ਇਸ ਦੀਆਂ ਆਏ ਦਿਨ ਮਿਸਾਲਾਂ ਵੀ ਸਾਡੇ ਸਾਹਮਣੇ ਆਉਂਦੀਆਂ ਰਹਿੰਦੀਆਂ ਹਨ।

ਵੋਟ, ਵੋਟਰ ਅਤੇ ਵੋਟਾਂ ਦੇ ਵੰਨ-ਸੁਵੰਨੇ ਵਣਜਾਰੇ

ਬਹੁਤ ਵੱਡੇ ਟਕਰਾਅ ਤੋਂ ਬਿਨਾਂ ਪੰਜਾਬ ਵਿੱਚ ਵਿਧਾਨ ਸਭਾ ਚੋਣਾਂ ਦੀ ਮੁਹਿੰਮ ਸਿਰੇ ਲੱਗੀ ਜਾਪਦੀ ਸੀ ਕਿ ਅਚਾਨਕ ਮੌੜ ਮੰਡੀ ਵਿੱਚ ਹੋਏ ਬੰਬ ਧਮਾਕੇ ਨੇ ਛੇ ਲੋਕਾਂ ਦੀ ਜਾਨ ਲੈ ਲਈ। ਇਸ ਨਾਲ ਚਿੰਤਾ ਜਿਹੀ ਹੋਣ ਲੱਗੀ। ਫਿਰ ਵੀ ਇਸ ਦੇ ਹੋਰ ਚਿੰਤਾਜਨਕ ਹੋਣ ਤੋਂ ਬਚਾਅ ਰਿਹਾ ਹੈ। ਜਿਸ ਦਿਨ ਲੋਕ ਵੋਟਾਂ ਪਾਉਣ ਲਈ ਬੂਥਾਂ ਤੱਕ ਪਹੁੰਚੇ, ਉਸ ਦਿਨ ਫਿਰ ਚਿੰਤਾ ਹੋਣ ਲੱਗੀ ਕਿ ਤਨਾਅ ਬਹੁਤ ਹੈ ਤੇ ਮੁਕਾਬਲੇ ਸਖਤ ਹੋਣ ਕਾਰਨ ਕਿਸੇ ਥਾਂ ਕੁਝ

ਤੁਰੰਤ ਪਹਿਲਕਦਮੀ ਦੀ ਲੋੜ

ਕੁਝ ਦਿਨ ਪਹਿਲਾਂ ਜਦੋਂ ਅਮਰੀਕਾ ਦੇ ਨਵੇਂ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨਾਲ ਟੈਲੀਫ਼ੋਨ 'ਤੇ ਗੱਲਬਾਤ ਕੀਤੀ ਤਾਂ ਭਾਜਪਾ ਤੇ ਸਰਕਾਰ ਦੇ ਬੁਲਾਰਿਆਂ ਨੇ ਇਸ ਵਾਰਤਾ ਨੂੰ ਇੱਕ ਸ਼ੁੱਭ ਸ਼ਗਨ ਕਰਾਰ ਦਿੱਤਾ ਤੇ ਕਿਹਾ ਕਿ ਅਮਰੀਕਾ ਤੇ ਭਾਰਤ ਦੇ ਆਪਸੀ ਸੰਬੰਧਾਂ 'ਚ ਹੋਰ ਨੇੜਤਾ ਆਵੇਗੀ। ਪਰ ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਵੱਲੋਂ ਅਮਰੀਕਾ 'ਚ ਰੋਜ਼ਗਾਰ ਦੇ ਵਾਧੂ ਅਵਸਰ ਪੈਦਾ ਕਰਨ ਲਈ ਚੁੱਕੇ ਗਏ ਕਦਮਾਂ ਨਾਲ ਭਾਰਤ ਦੀ ਸਭ ਤੋਂ ਤੇਜ ਗਤੀ ਨਾਲ ਵਿਕਾਸ ਕਰਨ ਵਾਲੇ ਸੂਚਨਾ ਤਕਨੀਕ ਦੇ ਅਹਿਮ ਅਦਾਰਿਆਂ ਟੀ ਸੀ ਐਸ, ਵਿਪਰੋ, ਇਨਫੋਸਿਸ, ਮਹਿੰਦਰਾ ਟੈਕ ਆਦਿ ਦੇ ਹਿੱਸਿਆਂ ਦੀਆਂ ਕੀਮਤਾਂ 'ਚ 5 ਤੋਂ 6 ਫ਼ੀਸਦੀ ਤੱਕ ਦੀ ਕਮੀ ਆ ਗਈ।

ਬੱਜਟ : ਕੁਝ ਵੀ ਨਵਾਂ ਨਹੀਂ

ਜਦੋਂ ਪੰਜ ਰਾਜਾਂ ਦੀਆਂ ਵਿਧਾਨ ਸਭਾ ਚੋਣਾਂ ਦੇ ਅਮਲ ਦੇ ਨੇਪਰੇ ਚੜ੍ਹਨ ਦਾ ਸਮਾਂ ਢੁੱਕਿਆ ਹੋਇਆ ਹੈ ਤਾਂ ਦੇਸ ਵਾਸੀਆਂ ਵੱਲੋਂ ਇਹ ਆਸ ਕੀਤੀ ਜਾ ਰਹੀ ਸੀ ਕਿ ਖ਼ਜ਼ਾਨਾ ਮੰਤਰੀ ਅਰੁਣ ਜੇਤਲੀ 2017-18 ਦਾ ਅਜਿਹਾ ਕੌਮੀ ਬੱਜਟ ਪੇਸ਼ ਕਰਨਗੇ, ਜਿਸ ਨਾਲ ਨੋਟ-ਬੰਦੀ ਕਾਰਨ ਝੰਬੀ ਕਿਸਾਨੀ, ਛੋਟੇ ਤੇ ਮੱਧ ਦਰਜੇ ਦੇ ਉਦਯੋਗਾਂ, ਸਵੈ-ਰੁਜ਼ਗਾਰ ਰਾਹੀਂ ਰੋਟੀ-ਰੋਜ਼ੀ ਕਮਾਉਣ ਵਾਲੇ ਲੋਕਾਂ ਨੂੰ ਰਾਹਤ ਮਿਲ ਸਕਦੀ ਹੈ।

ਸੁਰੱਖਿਆ ਪ੍ਰਤੀ ਅਵੇਸਲੇਪਣ ਦਾ ਨਤੀਜਾ

ਅਸੀਂ ਸਾਰਿਆਂ ਨੇ ਇਹ ਸੁਣਿਆ ਹੋਇਆ ਸੀ ਕਿ ਚੋਣਾਂ ਦੇ ਦੌਰਾਨ ਸੁਰੱਖਿਆ ਦੇ ਪ੍ਰਬੰਧ ਬਹੁਤ ਜ਼ੋਰਦਾਰ ਕੀਤੇ ਗਏ ਹਨ ਅਤੇ ਕਿਸੇ ਕਿਸਮ ਦੀ ਕਸਰ ਨਹੀਂ ਰਹਿਣ ਦਿੱਤੀ ਜਾਵੇਗੀ। ਲੋਕਾਂ ਦਾ ਭਰੋਸਾ ਬੰਨ੍ਹਾਉਣ ਵਾਲਾ ਹਰ ਦਾਅਵਾ ਕੀਤਾ ਗਿਆ ਸੀ। ਮੰਗਲਵਾਰ ਦੀ ਰਾਤ ਇਸ ਭਰੋਸੇ ਨੂੰ ਇੱਕ ਵੱਡੀ ਸੱਟ ਵੱਜ ਗਈ ਹੈ। ਬਠਿੰਡੇ ਜ਼ਿਲ੍ਹੇ ਦੇ ਮੌੜ ਹਲਕੇ ਵਿੱਚ ਹੋਏ ਇੱਕ ਬੰਬ ਧਮਾਕੇ ਨਾਲ ਕਈ ਕੁਝ ਨਵੇਂ ਸਿਰੇ ਤੋਂ ਸੋਚਣ ਦੀ ਲੋੜ ਪੈ ਗਈ ਹੈ।

ਭਾਜਪਾ ਰਾਮ ਦੀ ਸ਼ਰਨ ਵਿੱਚ

ਨਰਿੰਦਰ ਮੋਦੀ ਤੇ ਅਮਿਤ ਸ਼ਾਹ ਦੀ ਜੋੜੀ ਨੂੰ ਚੋਖਾ ਚਿਰ ਪਹਿਲਾਂ ਇਸ ਗੱਲ ਦਾ ਅਹਿਸਾਸ ਹੋ ਗਿਆ ਸੀ ਕਿ ਜੇ 2019 ਦੀਆਂ ਚੋਣਾਂ ਰਾਹੀਂ ਦੁਬਾਰਾ ਦਿੱਲੀ ਦੇ ਤਖ਼ਤ 'ਤੇ ਪਹੁੰਚਣਾ ਹੈ ਤਾਂ ਉਸ ਦਾ ਰਾਹ ਲਖਨਊ ਤੋਂ ਹੋ ਕੇ ਹੀ ਜਾਂਦਾ ਹੈ।

ਵਫ਼ਾਦਾਰਾਂ ਨੂੰ ਨਿਵਾਜਣ ਦੇ ਸਿੱਟੇ

ਸਾਡੇ ਦੇਸ ਦੀਆਂ ਕੌਮੀ ਤੇ ਖੇਤਰੀ ਸਿਆਸੀ ਪਾਰਟੀਆਂ ਦੇ ਆਗੂਆਂ ਦੀ ਅਸੂਲਾਂ ਪ੍ਰਤੀ ਨਿਸ਼ਠਾ ਦੋਹਰੇ ਮਿਆਰਾਂ ਵਾਲੀ ਹੋ ਨਿੱਬੜੀ ਹੈ। ਜਦੋਂ ਕੋਈ ਸਿਆਸੀ ਧਿਰ ਵਿਰੋਧੀ ਬੈਂਚਾਂ ਉੱਤੇ ਬੈਠੀ ਹੁੰਦੀ ਹੈ ਤਾਂ ਉਹ ਸ਼ਾਸਕ ਧਿਰ ਨੂੰ ਇਹ ਕਹਿ ਕੇ ਭੰਡਦੀ-ਛੰਡਦੀ ਹੈ ਕਿ ਉਹ ਅਹਿਮ ਪਦਵੀਆਂ ਉੱਤੇ ਕੀਤੀਆਂ ਜਾਣ ਵਾਲੀਆਂ ਨਿਯੁਕਤੀਆਂ ਦੇ ਮਾਮਲੇ ਵਿੱਚ ਪੇਸ਼ਾਵਾਰਾਨਾ ਮੁਹਾਰਤ ਰੱਖਣ ਵਾਲੀਆਂ ਸ਼ਖਸੀਅਤਾਂ ਨੂੰ ਪਹਿਲ ਦੇਣ ਦੀ ਥਾਂ ਆਪਣੇ ਚਹੇਤੇ ਸਿਆਸਤਦਾਨਾਂ, ਨੌਕਰਸ਼ਾਹਾਂ ਨੂੰ ਨਿਵਾਜ ਰਹੀ ਹੈ।

ਭਾਜਪਾ ਬਨਾਮ ਸਵੱਛ ਕਦਰਾਂ-ਕੀਮਤਾਂ

ਭਾਜਪਾ ਵਾਲਿਆਂ ਨੇ ਨਰਿੰਦਰ ਮੋਦੀ ਦੀ ਅਗਵਾਈ ਵਿੱਚ ਕੇਂਦਰੀ ਸੱਤਾ ਦੀ ਕਮਾਨ ਸੰਭਾਲਦੇ ਸਾਰ ਇਹ ਬੁਲੰਦ ਬਾਂਗ ਦਾਅਵਾ ਕੀਤਾ ਸੀ ਕਿ ਉਨ੍ਹਾਂ ਦੀ ਸਰਕਾਰ ਉੱਚ ਸੰਵਿਧਾਨਕ ਤੇ ਪ੍ਰਸ਼ਾਸਨਕ ਅਹੁਦਿਆਂ ਉੱਤੇ ਉਨ੍ਹਾਂ ਵਿਅਕਤੀਆਂ ਨੂੰ ਲਾਉਣਗੇ, ਜਿਹੜੇ ਉੱਚ ਕਿਰਦਾਰ ਦੇ ਸੁਆਮੀ ਹੋਣ ਤੇ ਆਪਣੀਆਂ ਸੰਵਿਧਾਨਕ ਤੇ ਪ੍ਰਸ਼ਾਸਨਕ

ਵਚਨਬੱਧਤਾ ਦੀ ਘਾਟ

ਅਸੀਂ ਆਪਣਾ 68ਵਾਂ ਗਣਤੰਤਰ ਦਿਵਸ ਧੂਮ-ਧਾਮ ਮਨਾਇਆ ਹੈ। ਇਸ ਦਿਵਸ ਦੀ ਪਹਿਲੀ ਸ਼ਾਮ ਨੂੰ ਰਾਸ਼ਟਰਪਤੀ ਪ੍ਰਣਬ ਮੁਖਰਜੀ ਨੇ ਦੇਸ ਵਾਸੀਆਂ ਨੂੰ ਸੰਬੋਧਨ ਕੀਤਾ ਤੇ 26 ਜਨਵਰੀ ਵਾਲੇ ਦਿਨ ਉਨ੍ਹਾ ਨੇ ਰਾਜ ਪੱਥ 'ਤੇ ਕੌਮੀ ਝੰਡੇ ਨੂੰ ਸਲਾਮੀ ਦਿੱਤੀ।

ਹਾਏ-ਹਾਏ ਯਿਹ ਮਜਬੂਰੀ...

ਕੁਝ ਦਿਨ ਪਹਿਲਾਂ ਭਾਜਪਾ ਦੇ ਆਗੂਆਂ ਦੇ ਦਿੱਲੀ ਵਿੱਚ ਲੱਗੇ ਸਮਾਗਮ ਨੂੰ ਸੰਬੋਧਨ ਕਰਦਿਆਂ ਹੋਇਆਂ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਇਹ ਚੇਤਾਵਨੀ ਦਿੱਤੀ ਸੀ ਕਿ ਸੀਨੀਅਰ ਆਗੂ ਆਪਣੇ ਸਕੇ-ਸੰਬੰਧੀਆਂ ਲਈ ਟਿਕਟਾਂ ਦੀ ਮੰਗ ਨਾ ਕਰਨ, ਕਿਉਂਕਿ ਉਹ ਆਪ ਤੇ ਪਾਰਟੀ ਪ੍ਰਧਾਨ ਇਸ ਰੁਝਾਨ ਦੇ ਸਖ਼ਤ ਖ਼ਿਲਾਫ਼ ਹਨ।

ਸ਼ਾਸਕਾਂ ਦੇ ਦਾਅਵਿਆਂ ਦਾ ਮੂੰਹ ਚਿੜਾਉਂਦੇ ਰੇਲ ਹਾਦਸੇ

ਹੁਣ ਇਹ ਰਿਵਾਇਤ ਹੀ ਬਣ ਗਈ ਹੈ ਕਿ ਜਦੋਂ ਵੀ ਕੋਈ ਭੱਦਰ-ਪੁਰਸ਼ ਰੇਲ ਵਜ਼ਾਰਤ ਦਾ ਕਲਮਦਾਨ ਸੰਭਾਲਦਾ ਹੈ ਜਾਂ ਉਸ ਦਾ ਸਾਲਾਨਾ ਬੱਜਟ ਪਾਰਲੀਮੈਂਟ ਵਿੱਚ ਪੇਸ਼ ਕਰਦਾ ਹੈ ਤਾਂ ਉਸ ਵੱਲੋਂ ਇਹ ਰਸਮੀ ਇਕਰਾਰ ਕੀਤਾ ਜਾਂਦਾ ਹੈ ਕਿ ਮੁਸਾਫ਼ਰਾਂ ਦੀ ਸੁਰੱਖਿਆ ਨੂੰ ਯਕੀਨੀ ਬਣਾਉਣ ਲਈ ਹਰ ਸੰਭਵ ਕਦਮ ਪੁੱਟੇ ਜਾਣਗੇ। ਇਹ ਇਕਰਾਰ ਅਮਲ ਵਿੱਚ ਆਉਣ ਦੀ ਥਾਂ ਕਾਗ਼ਜ਼ਾਂ ਦਾ ਸ਼ਿੰਗਾਰ ਬਣ ਕੇ ਹੀ ਰਹਿ ਜਾਂਦੇ ਹਨ।

ਬੇਰੁਜ਼ਗਾਰੀ ਦੀ ਸਮੱਸਿਆ ਬਨਾਮ ਲੀਡਰਾਂ ਦੇ ਲਾਰੇ

ਪੰਜਾਬ ਦਾ ਚੋਣ ਦੰਗਲ ਭਖਦੇ ਸਾਰ ਸੱਤਾ ਦੇ ਗਲਿਆਰਿਆਂ ਤੱਕ ਪਹੁੰਚਣ ਤੇ ਗੱਦੀ ਕਾਇਮ ਰੱਖਣ ਦੀਆਂ ਚਾਹਵਾਨ ਸਿਆਸੀ ਧਿਰਾਂ ਵੋਟਰਾਂ ਨੂੰ ਸਬਜ਼ ਬਾਗ਼ ਵਿਖਾਉਣ ਦੇ ਆਹਰ ਵਿੱਚ ਕੋਈ ਕਸਰ ਨਹੀਂ ਛੱਡ ਰਹੀਆਂ। ਉਨ੍ਹਾਂ ਵੱਲੋਂ ਵੋਟਰਾਂ ਨੂੰ ਆਪਣੇ ਵੱਲ ਖਿੱਚਣ ਲਈ ਦਿਲ-ਲੁਭਾਉਣੇ ਚੋਣ ਮਨੋਰਥ-ਪੱਤਰ ਵੀ ਜਾਰੀ ਕੀਤੇ ਗਏ ਹਨ।

ਅਮਨ-ਕਾਨੂੰਨ ਦੀ ਹਾਲਤ ਚਿੰਤਾ ਜਨਕ

ਵਿਧਾਨ ਸਭਾ ਚੋਣਾਂ ਦੇ ਉਮੀਦਵਾਰਾਂ ਵੱਲੋਂ ਕਾਗਜ਼ ਪੇਸ਼ ਕੀਤੇ ਜਾਣ ਪਿੱਛੋਂ ਅਸਲੀ ਜਨਤਕ ਸਰਗਰਮੀ ਲਈ ਮਿਥਿਆ ਦੌਰ ਸ਼ੁਰੂ ਹੋ ਗਿਆ ਹੈ। ਸਾਰੀਆਂ ਧਿਰਾਂ ਨੇ ਲੋਕਾਂ ਵਿੱਚ ਆਪਣਾ ਪੱਖ ਪੇਸ਼ ਕਰਨ ਜਾਣਾ ਹੈ। ਅਜੇ ਮੁਹਿੰਮ ਚਾਲੂ ਹੀ ਹੋਈ ਹੈ ਕਿ ਕੁਝ ਥਾਂਈਂ ਭੜਕਾਊ ਹਾਲਾਤ ਦੀਆਂ ਖਬਰਾਂ ਆਉਣ ਲੱਗ ਪਈਆਂ ਹਨ। ਅਗਲੇ ਦਿਨਾਂ ਵਿੱਚ ਹੋਣ ਵਾਲੀ ਵਿਧਾਨ ਸਭਾ ਚੋਣ ਸਰਗਰਮੀ ਲਈ ਇਹ ਮੁੱਢਲੇ ਸੰਕੇਤ ਚਿੰਤਾ ਪੈਦਾ ਕਰਨ ਵਾਲੇ ਹਨ।

ਸੰਸਾਰ ਦੇ ਸਿਖਰਲੇ ਧਨਾਢਾਂ ਦੀ ਚਿੰਤਾ

ਇਸ ਸਮੇਂ ਸਵਿਟਜ਼ਰਲੈਂਡ ਦੇ ਸ਼ਹਿਰ ਡਾਵੋਸ ਵਿੱਚ ਸੰਸਾਰ ਭਰ ਦੇ ਧਨ-ਕੁਬੇਰ ਤੇ ਉਨ੍ਹਾਂ ਦੇ ਪ੍ਰਿਤਪਾਲਕ ਸ਼ਾਸਕ ਤੇ ਬੁਲਾਰੇ ਇਕੱਠ ਕਰ ਕੇ ਇਹ ਸੋਚ-ਵਿਚਾਰ ਕਰਨ ਵਿੱਚ ਲੱਗੇ ਹੋਏ ਹਨ ਕਿ ਵਿਸ਼ਵੀਕਰਨ ਦੇ ਇਸ ਦੌਰ ਵਿੱਚ ਪੂੰਜੀ ਦੀ ਇਜਾਰੇਦਾਰੀ ਨੂੰ ਕਿਵੇਂ ਬਹਾਲ ਰੱਖਿਆ ਜਾ ਸਕੇ।

ਸਮਾਜਵਾਦੀ ਪਾਰਟੀ ਲਈ ਨਵੀਂਆਂ ਸੰਭਾਵਨਾਵਾਂ

ਉੱਤਰ ਪ੍ਰਦੇਸ਼ ਦੀ ਸ਼ਾਸਕ ਧਿਰ ਸਮਾਜਵਾਦੀ ਪਾਰਟੀ ਵਿੱਚ ਮੁਲਾਇਮ ਸਿੰਘ ਯਾਦਵ ਤੇ ਉਸ ਦੇ ਪੁੱਤਰ ਅਖਿਲੇਸ਼ ਯਾਦਵ ਵਿਚਾਲੇ ਪਹਿਲ ਵਾਲੀ ਥਾਂ ਹਾਸਲ ਕਰਨ ਲਈ ਜਿਹੜੀ ਕਸ਼ਮਕਸ਼ ਚੱਲ ਰਹੀ ਸੀ, ਚੋਣ ਕਮਿਸ਼ਨ ਨੇ ਦੋਹਾਂ ਧਿਰਾਂ ਨੂੰ ਸੁਣਨ ਮਗਰੋਂ ਉਸ ਦਾ ਭੋਗ ਪਾ ਦਿੱਤਾ ਹੈ। ਚੋਣ ਕਮਿਸ਼ਨ ਨੇ ਅਖਿਲੇਸ਼ ਯਾਦਵ ਨੂੰ ਪਾਰਟੀ ਦਾ ਮੁਖੀ ਪ੍ਰਵਾਨ ਕਰਦਿਆਂ ਹੋਇਆਂ ਸਾਈਕਲ ਦਾ ਚੋਣ ਨਿਸ਼ਾਨ ਉਸ ਨੂੰ ਜਾਰੀ ਕਰ ਦਿੱਤਾ ਹੈ।

ਮਨਮਰਜ਼ੀਆਂ ਪੁਗਾਉਣ ਦਾ ਹਸ਼ਰ

ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਵੱਲੋਂ ਅੱਠ ਨਵੰਬਰ ਵਾਲੇ ਦਿਨ ਐਲਾਨੀ ਨੋਟ-ਬੰਦੀ ਦੀ ਪ੍ਰਕਿਰਿਆ ਦਾ ਸਧਾਰਨ ਲੋਕਾਂ ਤੇ ਖ਼ਾਸ ਕਰ ਕੇ ਛੋਟੇ ਕਾਰੋਬਾਰੀਆਂ ਤੇ ਕਿਸਾਨਾਂ ਨੂੰ ਜੋ ਸੰਤਾਪ ਝੱਲਣਾ ਪਿਆ ਹੈ, ਉਹ ਆਪਣੀ ਥਾਂ ਹੈ,

ਸਿਆਸੀ-ਮਾਫੀਆ ਗੱਠਜੋੜ ਬੇਨਕਾਬ

ਬਾਬੇ ਨਾਨਕ ਨੇ ਆਪਣੇ ਸਮੇਂ ਦੇ ਮੰਦੇ ਹਾਲਾਤ ਤੋਂ ਚਿੰਤਤ ਹੋ ਕੇ ਹੀ ਸ਼ਾਇਦ ਇਹ ਤੁਕਾਂ ਉਚਾਰੀਆਂ ਹੋਣਗੀਆਂ : ਸਰਮੁ ਧਰਮੁ ਦੁਇ ਛਪਿ ਖਲੋਏ ਕੂੜੁ ਫਿਰੈ ਪਰਧਾਨੁ ਵੇ ਲਾਲੋ£ ਅੱਜ ਉਨ੍ਹਾ ਦੀ ਪੈਰੋਕਾਰੀ ਦਾ ਦਮ ਭਰਨ ਵਾਲੇ ਸ਼ਾਸਕਾਂ ਦੇ ਰਾਜ ਵਿਚਲੀ ਅਮਨ-ਕਨੂੰਨ ਦੀ ਨਿੱਘਰਦੀ ਹਾਲਤ ਤੇ ਜ਼ੋਰਾਵਰਾਂ ਦਾ ਸੱਤੀਂ-ਵੀਹੀਂ ਹੁੰਦਾ ਸੌ ਵਾਲੀ ਸਥਿਤੀ 'ਤੇ ਇਹ ਤੁਕ ਇੰਨ-ਬਿੰਨ ਢੁੱਕਦੀ ਹੈ। ਇਸ ਅਨੈਤਿਕ ਵਿਹਾਰ ਦੀਆਂ ਖ਼ਬਰਾਂ ਤਾਂ ਆਏ ਦਿਨ

ਸਾਊ ਸਿਆਸਤਦਾਨ ਦਾ ਤੁਰ ਜਾਣਾ

ਪੰਜਾਬ ਦੀ ਰਾਜਨੀਤੀ ਵਿੱਚ ਇੱਕ ਵਿਸ਼ੇਸ਼ ਥਾਂ ਰੱਖਦੇ ਸਾਬਕਾ ਮੁੱਖ ਮੰਤਰੀ ਸੁਰਜੀਤ ਸਿੰਘ ਬਰਨਾਲਾ ਕੱਲ੍ਹ ਵਿਛੋੜਾ ਦੇ ਗਏ। ਬਹੁਤੇ ਬਿਮਾਰ ਨਹੀਂ ਸਨ ਸੁਣੇ ਗਏ ਅਤੇ ਅਚਾਨਕ ਜਿਹੀ ਇਹ ਖ਼ਬਰ ਆਈ ਹੈ। ਪਟਿਆਲਾ ਰਿਆਸਤ ਦੇ ਇੱਕ ਤਹਿਸੀਲ ਪੱਧਰ ਦੇ ਮੈਜਿਸਟਰੇਟ ਦੇ ਘਰ ਜਨਮੇ ਸੁਰਜੀਤ ਸਿੰਘ ਬਰਨਾਲਾ ਨੇ ਪੜ੍ਹਾਈ ਪੂਰੀ ਕਰਨ ਪਿੱਛੋਂ ਮੁੱਢਲੇ ਦਿਨਾਂ ਵਿੱਚ ਕੁਝ ਚਿਰ ਤੱਕ ਵਕਾਲਤ ਕੀਤੀ ਸੀ।

ਤੁਰਤ ਕਾਰਵਾਈ ਦੀ ਲੋੜ

ਸੂਚਨਾ ਤਕਨੀਕ ਨੇ ਸਧਾਰਨ ਲੋਕਾਂ ਨੂੰ ਵੀ ਅਜਿਹੇ ਸਾਧਨ ਤੇ ਮੌਕੇ ਪ੍ਰਦਾਨ ਕਰ ਦਿੱਤੇ ਹਨ ਕਿ ਉਨ੍ਹਾਂ ਲਈ ਉਨ੍ਹਾਂ ਦੀ ਵਰਤੋਂ ਕਰ ਕੇ ਭ੍ਰਿਸ਼ਟਾਚਾਰ ਤੇ ਦੂਜੇ ਅਣਗਹਿਲੀ ਦੇ ਮਾਮਲਿਆਂ ਨੂੰ ਸਾਹਮਣੇ ਲਿਆਉਣਾ ਆਸਾਨ ਹੋ ਗਿਆ ਹੈ।

ਵਾਹਵਾ ਠਰ੍ਹੰਮੇ ਵਿੱਚ ਰਹਿਣ ਦੀ ਲੋੜ

ਇਸ ਘਟਨਾ ਨੂੰ ਬਹੁਤ ਹੀ ਸ਼ਰਮਨਾਕ ਕਿਹਾ ਜਾ ਸਕਦਾ ਹੈ, ਜਿਹੜੀ ਪੰਜਾਬ ਦੇ ਲੰਬੀ ਹਲਕੇ ਵਿੱਚ ਵਾਪਰੀ ਹੈ। ਪੰਜਾਬ ਦੇ ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ ਵੱਲ ਜੁੱਤੀ ਸੁੱਟੀ ਗਈ ਹੈ। ਇਹ ਵੀ ਰਿਪੋਰਟਾਂ ਹਨ ਕਿ ਉਨ੍ਹਾ ਦੀ ਐਨਕ ਉੱਤੇ ਜੁੱਤੀ ਵੱਜਣ ਨਾਲ ਅੱਖ ਵਿੱਚ ਸੋਜ ਆ ਗਈ ਹੈ। ਸੁੱਟਣ ਵਾਲਾ ਕੁਝ ਵੀ ਬਹਾਨਾ ਕਰੇ, ਹਰ ਸੁਹਿਰਦ ਵਿਅਕਤੀ ਨੂੰ ਇਸ ਘਟਨਾ ਦੀ ਨਿਖੇਧੀ ਕਰਨ ਲਈ ਬੋਲਣਾ ਚਾਹੀਦਾ ਹੈ। ਕੋਈ ਝਿਜਕ ਨਹੀਂ ਹੋਣੀ