Latest News
ਅਮਰੀਕਾ \'ਕੱਲਾ ਨਹੀਂ ਚੁੱਕ ਸਕਦਾ ਵਿਸ਼ਵ ਦੀ ਅਰਥ-ਵਿਵਸਥਾ ਦਾ ਭਾਰ : ਓਬਾਮਾ
ਅਮਰੀਕਾ ਦੇ ਰਾਸ਼ਟਰਪਤੀ ਬਰਾਕ ਓਬਾਮਾ ਨੇ ਕਿਹਾ ਕਿ ਇਕੱਲਾ ਅਮਰੀਕਾ ਹੀ ਦੁਨੀਆ ਦੀ ਅਰਥ-ਵਿਵਸਥਾ ਦਾ ਭਾਰ ਨਹੀਂ ਚੁੱਕ ਸਕਦਾ। ਉਨ੍ਹਾ ਕਿਹਾ ਕਿ ਵਿਸ਼ਵ ਦੀ ਅਰਥ-ਵਿਵਸਥਾ \'ਚ ਤੇਜ਼ੀ ਲਿਆਉਣ ਲਈ ਹੋਰਨਾਂ ਦੇਸ਼ਾਂ ਨੂੰ ਵੀ ਮਿਲ ਕੇ ਕੰਮ ਕਰਨਾ ਪਵੇਗਾ। ਉਨ੍ਹਾ ਕਿਹਾ ਕਿ ਜੀ-20 ਦੇ ਆਗੂ ਆਪਣੀ ਵਿਕਾਸ ਦਰ ਵਧਾਉਣ ਅਤੇ ਜ਼ਿਆਦਾ ਨੌਕਰੀਆਂ ਪੈਦਾ ਕਰਨ ਲਈ ਸਖ਼ਤ ਮਿਹਨਤ ਕਰਨ।\r\nਜੀ-20 ਸਿਖ਼ਰ ਸੰਮੇਲਨ ਤੋਂ ਪਹਿਲਾਂ ਉਨ੍ਹਾ ਕਿਹਾ ਕਿ ਅਮਰੀਕਾ ਦੀ ਅਰਥ-ਵਿਵਸਥਾ ਲੀਹ \'ਤੇ ਆ ਰਹੀ ਹੈ, ਹਾਲਾਂਕਿ ਵਿਸ਼ਵ ਵਾਧਾ ਦਰ \'ਚ ਯੂਰਪ, ਚੀਨ ਅਤੇ ਜਪਾਨ ਤੋਂ ਚੁਣੌਤੀਆਂ ਹਨ। ਓਬਾਮਾ ਨੇ ਕਿਹਾ ਕਿ ਪਿਛਲੇ ਕੁਝ ਸਾਲਾਂ \'ਚ ਦੂਜੇ ਵਿਕਸਤ ਦੇਸ਼ਾਂ ਦੇ ਮੁਕਾਬਲੇ ਅਮਰੀਕਾ ਨੇ ਜ਼ਿਆਦਾ ਲੋਕਾਂ ਨੂੰ ਰੁਜ਼ਗਾਰ ਮੁਹੱਈਆ ਕਰਵਾਇਆ। ਉਨ੍ਹਾ ਕਿਹਾ ਕਿ ਅਮਰੀਕਾ \'ਚ ਅਕਤੂਬਰ ਮਹੀਨੇ ਬੇਰੁਜ਼ਗਾਰੀ ਦੀ ਦਰ 5.8 ਫ਼ੀਸਦੀ ਹੋ ਗਈ, ਜਿਹੜੀ 2008 ਤੋਂ ਹੁਣ ਤੱਕ ਸਭ ਤੋਂ ਘੱਟ ਹੈ।\r\nਉਨ੍ਹਾ ਕਿਹਾ ਕਿ ਅਜਿਹੀ ਹਾਲਤ \'ਚ ਅਰਥ-ਵਿਵਸਥਾ ਨੂੰ ਲੀਹ \'ਤੇ ਲਿਆਉਣ ਲਈ ਸਿਰਫ਼ ਅਮਰੀਕਾ ਤੋਂ ਹੀ ਆਸ ਨਹੀਂ ਕੀਤੀ ਜਾ ਸਕਦੀ ਅਤੇ ਜੀ-20 ਦੇਸ਼ਾਂ ਦੀ ਜ਼ਿੰਮੇਵਾਰੀ ਹੈ ਕਿ ਉਹ ਵਿਸ਼ਵ ਦੀ ਅਰਥ-ਵਿਵਸਥਾ ਨੂੰ ਲੀਹ \'ਤੇ ਲਿਆਉਣ ਲਈ ਵਿਚਾਰ ਕਰਨ।\r\nਅਮਰੀਕੀ ਰਾਸ਼ਟਰਪਤੀ ਨੇ ਕਿਹਾ ਕਿ ਜੀ-20 ਦੇਸ਼ਾਂ ਨੂੰ ਮੰਗਾਂ ਨੂੰ ਵਧਾਉਣ, ਬੁਨਿਆਦੀ ਢਾਂਚੇ \'ਤੇ ਨਿਵੇਸ਼ ਅਤੇ ਜ਼ਿਆਦਾ ਤੋਂ ਜ਼ਿਆਦਾ ਨੌਕਰੀਆਂ ਪੈਦਾ ਕਰਨ ਲਈ ਸਖ਼ਤ ਮਿਹਨਤ ਕਰਨੀ ਚਾਹੀਦੀ ਹੈ।

871 Views

Reader Reviews

Please take a moment to review your experience with us. Your feedback not only help us, it helps other potential readers.


Before you post a review, please login first. Login
e-Paper