Latest News
ਵਿਧਾਇਕ ਅਸ਼ਲੀਲ ਵੀਡੀਓ ਦੇਖਦਾ ਫੜਿਆ ਗਿਆ

Published on 15 Dec, 2015 11:55 AM.

ਨਵੀਂ ਦਿੱਲੀ (ਨਵਾਂ ਜ਼ਮਾਨਾ ਸਰਵਿਸ)
ਉੜੀਸਾ ਦੇ ਇੱਕ ਕਾਂਗਰਸੀ ਵਿਧਾਇਕ ਨੂੰ ਸਦਨ ਵਿੱਚ ਇੱਕ ਅਸ਼ਲੀਲ ਵੀਡੀਓ ਦੇਖਣ ਦੇ ਦੋਸ਼ ਵਿੱਚ ਇੱਕ ਹਫਤੇ ਲਈ ਵਿਧਾਨ ਸਭਾ ਵਿੱਚੋਂ ਬਰਖਾਸਤ ਕਰ ਦਿੱਤਾ ਗਿਆ ਹੈ। ਇੱਕ ਸਥਾਨਿਕ ਟੀ ਵੀ ਚੈੱਨਲ ਨੇ ਇੱਕ ਵੀਡੀਓ ਦਿਖਾਇਆ ਸੀ, ਜਿਸ ਵਿੱਚ ਕਾਂਗਰਸ ਵਿਧਾਇਕ ਨੱਭਾ ਕਿਸ਼ੋਰ ਸਦਨ ਦੀ ਕਾਰਵਾਈ ਦੌਰਾਨ ਆਪਣੇ ਮੋਬਾਇਲ ਫੋਨ 'ਤੇ ਅਸ਼ਲੀਲ ਫਿਲਮ ਦੇਖਦੇ ਫੜੇ ਗਏ ਸਨ। ਵੀਡੀਓ ਜਾਰੀ ਹੋਣ ਤੋਂ ਬਾਅਦ ਬੀਜੂ ਜਨਤਾ ਦਲ ਨੇ ਵਿਧਾਇਕ ਨੂੰ ਸਦਨ ਵਿੱਚੋਂ ਬਰਖਾਸਤ ਕਰਨ ਦੀ ਮੰਗ ਕੀਤੀ।
ਸਪੀਕਰ ਨਿਰੰਜਨ ਪੁਜਾਰੀ ਨੇ ਵਿਧਾਇਕ ਨੱਭਾ ਕਿਸ਼ੋਰ ਨੂੰ ਇੱਕ ਹਫਤੇ ਲਈ ਸਦਨ ਦੀ ਕਾਰਵਾਈ 'ਚ ਹਿੱਸਾ ਨਾ ਲੈਣ ਦੀ ਸਜ਼ਾ ਦਿੱਤੀ ਹੈ। ਨੱਭਾ ਕਿਸ਼ੋਰ ਨੇ ਆਪਣੇ ਉਪਰ ਲੱਗੇ ਦੋਸ਼ਾਂ ਨੂੰ ਨਕਾਰ ਦਿੱਤਾ ਹੈ।

642 Views

Reader Reviews

Please take a moment to review your experience with us. Your feedback not only help us, it helps other potential readers.


Before you post a review, please login first. Login
e-Paper