51 ਵਿਧਾਇਕਾਂ ਨੇ ਪਵਾਰ ਨੂੰ ਭਾਜਪਾ ਨਾਲ ਚੱਲਣ ਲਈ ਕਿਹਾ ਸੀ : ਪਟੇਲ

ਮੁੰਬਈ : ਨੈਸ਼ਨਲਿਸਟ ਕਾਂਗਰਸ ਪਾਰਟੀ (ਐੱਨ ਸੀ ਪੀ) ਦੇ ਨੇਤਾ ਪ੍ਰਫੁੱਲ ਪਟੇਲ ਨੇ ਦਾਅਵਾ ਕੀਤਾ ਹੈ ਕਿ ਮਹਾਰਾਸ਼ਟਰ ’ਚ ਮਹਾ ਵਿਕਾਸ ਅਗਾੜੀ ਦੀ ਸਰਕਾਰ ਡਿੱਗਣ ਤੋਂ ਬਾਅਦ ਪਾਰਟੀ ਦੇ 53 ਵਿਧਾਇਕਾਂ ’ਚੋਂ 51 ਨੇ ਪਾਰਟੀ ਪ੍ਰਧਾਨ ਸ਼ਰਦ ਪਵਾਰ ਨੂੰ ਭਾਜਪਾ ਨਾਲ ਹੱਥ ਮਿਲਾਉਣ ਦੀਆਂ ਸੰਭਾਵਨਾਵਾਂ ਤਲਾਸ਼ਣ ਲਈ ਕਿਹਾ ਸੀ। ਪਟੇਲ, ਜੋ ਐੱਨ ਸੀ ਪੀ ਤੋਂ ਵੱਖ ਹੋ ਕੇ ਅਜੀਤ ਪਵਾਰ ਨਾਲ ਸੱਤਾਧਾਰੀ ਭਾਜਪਾ-ਸ਼ਿਵ ਸੈਨਾ ਗੱਠਜੋੜ ’ਚ ਸ਼ਾਮਲ ਹੋਏ, ਨੇ ਕਿਹਾ ਕਿ ਜੇ ਐੱਨ ਸੀ ਪੀ, ਸ਼ਿਵ ਸੈਨਾ ਨਾਲ ਸਰਕਾਰ ਬਣਾ ਸਕਦੀ ਹੈ, ਤਾਂ ਭਾਜਪਾ ਨਾਲ ਕਿਉਂ ਨਹੀਂ।