ਲਾਅ ਕਾਲਜ ਦੇ ਪਿ੍ਰੰਸੀਪਲ ਕਮਰੇ ’ਚ ਮਰੇ ਮਿਲੇ

ਧਰਮਕੋਟ : ਇੱਥੋਂ ਦੇ ਬਾਬਾ ਕੁੰਦਨ ਸਿੰਘ ਲਾਅ ਕਾਲਜ ਦੇ ਪਿ੍ਰੰਸੀਪਲ ਦਲੀਪ ਕੁਮਾਰ ਐਤਵਾਰ ਆਪਣੇ ਰਿਹਾਇਸ਼ੀ ਕਮਰੇ ’ਚ ਮਿ੍ਰਤਕ ਮਿਲੇ। ਮੂਲ ਰੂਪ ’ਚ ਓਡੀਸ਼ਾ ਦੇ ਦਲੀਪ ਕੁਮਾਰ ਲਾਅ ਕਾਲਜ ’ਚ ਲੰਬੇ ਸਮੇਂ ਤੋਂ ਨਿਯੁਕਤ ਸਨ। ਕਾਲਜ ’ਚ ਤਿੰਨ ਦਿਨ ਦੀਆਂ ਛੁੱਟੀਆਂ ਚੱਲ ਰਹੀਆਂ ਸਨ।
ਪਿ੍ਰੰਸੀਪਲ ਦੀ ਪਤਨੀ ਤਿੰਨ ਦਿਨਾਂ ਤੋਂ ਹੀ ਫੋਨ ਉੱਤੇ ਸੰਪਰਕ ਕਰਨ ਦੀ ਕੋਸ਼ਿਸ਼ ਕਰ ਰਹੀ ਸੀ ਪਰ ਉਹ ਫੋਨ ਚੁੱਕ ਨਹੀਂ ਰਹੇ ਸੀ। ਐਤਵਾਰ ਵੀ ਸਾਰਾ ਦਿਨ ਫੋਨ ਨਾ ਉਠਾਇਆ ਤਾਂ ਉਸ ਨੇ ਕਾਲਜ ਦੇ ਰਾਣਾ ਨਾਂਅ ਦੇ ਸੇਵਾਦਾਰ ਨਾਲ ਸੰਪਰਕ ਕੀਤਾ। ਜਦੋਂ ਸੇਵਾਦਾਰ ਨੇ ਮਕਾਨ ਮਾਲਕ ਨੂੰ ਨਾਲ ਲੈ ਕੇ ਕਮਰੇ ’ਚ ਜਾ ਕੇ ਦੇਖਿਆ ਤਾਂ ਪਿ੍ਰੰਸੀਪਲ ਦੀ ਮੌਤ ਹੋ ਚੁੱਕੀ ਸੀ। ਇਸ ਸੰਬੰਧੀ ਸੂਚਨਾ ਕਾਲਜ ਪ੍ਰਬੰਧਕਾਂ ਵੱਲੋਂ ਪੁਲਸ ਨੂੰ ਦਿੱਤੀ ਗਈ। ਪਿ੍ਰੰਸੀਪਲ ਦੀ ਮੌਤ ਦੋ-ਤਿੰਨ ਪਹਿਲਾਂ ਹੋਈ ਦੱਸੀ ਜਾਂਦੀ ਹੈ। ਉਪ ਮੰਡਲ ਪੁਲਸ ਅਧਿਕਾਰੀ ਰਮਨਦੀਪ ਸਿੰਘ ਨੇ ਦੱਸਿਆ ਕਿ ਮੌਤ ਦੇ ਕਾਰਨਾਂ ਦਾ ਅਸਲ ਪਤਾ ਪੋਸਟਮਾਰਟਮ ਦੀ ਰਿਪੋਰਟ ਆਉਣ ਉੱਤੇ ਹੀ ਲੱਗੇਗਾ। ਵਾਰਸਾਂ ਦੇ ਆਉਣ ਤੋਂ ਬਾਅਦ ਪੋਸਟਮਾਰਟਮ ਹੋਵੇਗਾ ਅਤੇ ਅਗਲੇਰੀ ਕਾਰਵਾਈ ਕੀਤੀ ਜਾਵੇਗੀ। ਲਾਅ ਕਾਲਜ ਦੀ ਪ੍ਰਬੰਧਕ ਕਮੇਟੀ ਦੇ ਪ੍ਰਧਾਨ ਦਵਿੰਦਰਪਾਲ ਸਿੰਘ ਨੇ ਦੱਸਿਆ ਕਿ ਪਿ੍ਰੰਸੀਪਲ ਕਾਲਜ ’ਚ ਸਾਲ 2007 ਤੋਂ ਤਾਇਨਾਤ ਸਨ ਅਤੇ ਇਕ ਸਾਲ ਬਾਅਦ ਉਨ੍ਹਾ ਦੀ ਸੇਵਾਮੁਕਤੀ ਹੋਣ ਵਾਲੀ ਸੀ। ਉਹ ਦਿਲ ਦੀ ਬਿਮਾਰੀ ਤੋਂ ਪੀੜਤ ਸਨ ਅਤੇ ਉਸ ਦਾ ਇਲਾਜ ਵੀ ਚੱਲ ਰਿਹਾ ਸੀ।