ਮੇਰੇ ਭਰਾ ਡਗਮਗਾਏ ਨਹੀਂ : ਪਿ੍ਰਅੰਕਾ

ਨਵੀਂ ਦਿੱਲੀ : ਲੋਕ ਸਭਾ ਚੋਣਾਂ ਵਿਚ ਪਾਰਟੀ ਦੇ ਚੰਗੇ ਪ੍ਰਦਰਸ਼ਨ ਤੋਂ ਇਕ ਦਿਨ ਬਾਅਦ ਬੁੱਧਵਾਰ ਕਾਂਗਰਸ ਨੇਤਾ ਪਿ੍ਰਅੰਕਾ ਗਾਂਧੀ ਨੇ ਆਪਣੇ ਭਰਾ ਰਾਹੁਲ ਬਾਰੇ ਦਿਲੀ ਸੰਦੇਸ਼ ਵਿਚ ਕਿਹਾ-ਤੁਸੀਂ ਖੜ੍ਹੇ ਰਹੇ, ਭਾਵੇਂ ਉਨ੍ਹਾਂ ਨੇ ਤੁਹਾਡੇ ਬਾਰੇ ਜੋ ਵੀ ਕਿਹਾ ਅਤੇ ਕੀਤਾ, ਤੁਸੀਂ ਕਦੇ ਵੀ ਪਿੱਛੇ ਨਹੀਂ ਹਟੇ, ਤੁਸੀਂ ਕਦੇ ਵੀ ਵਿਸ਼ਵਾਸ ਨਹੀਂ ਛੱਡਿਆ, ਭਾਵੇਂ ਉਹ ਤੁਹਾਡੇ ਵਿਸ਼ਵਾਸ ’ਤੇ ਸ਼ੱਕ ਕਰਦੇ ਹਨ, ਤੁਸੀਂ ਉਨ੍ਹਾਂ ਵੱਲੋਂ ਫੈਲਾਏ ਝੂਠ ਦੇ ਬਹੁਤ ਜ਼ਿਆਦਾ ਪ੍ਰਚਾਰ ਦੇ ਬਾਵਜੂਦ ਸੱਚ ਲਈ ਲੜਨਾ ਕਦੇ ਨਹੀਂ ਛੱਡਿਆ ਅਤੇ ਤੁਸੀਂ ਕਦੇ ਵੀ ਗੁੱਸੇ ਅਤੇ ਨਫਰਤ ਨੂੰ ਆਪਣੇ ’ਤੇ ਕਾਬੂ ਪਾਉਣ ਦੀ ਇਜਾਜ਼ਤ ਨਹੀਂ ਦਿੱਤੀ। ਤੁਸੀਂ ਆਪਣੇ ਦਿਲ ’ਚ ਪਿਆਰ ਅਤੇ ਸੱਚਾਈ ਨਾਲ ਲੜੇ। ਜੋ ਤੁਹਾਨੂੰ ਨਹੀਂ ਦੇਖ ਸਕੇ, ਉਹ ਤੁਹਾਨੂੰ ਹੁਣ ਦੇਖਦੇ ਹਨ, ਪਰ ਸਾਡੇ ਵਿੱਚੋਂ ਕੁਝ ਨੇ ਹਮੇਸ਼ਾ ਤੁਹਾਨੂੰ ਸਭ ਤੋਂ ਬਹਾਦਰ ਦੇਖਿਆ ਹੈ ਅਤੇ ਜਾਣਿਆ ਹੈ। ਭਰਾ ਰਾਹੁਲ ਗਾਂਧੀ, ਮੈਨੂੰ ਤੁਹਾਡੀ ਭੈਣ ਹੋਣ ’ਤੇ ਮਾਣ ਹੈ।