ਨਵੀਂ ਦਿੱਲੀ : ਦਿੱਲੀ ਜ਼ੋਨ ਦੇ ਰਜਿਤ ਗੁਪਤਾ ਨੇ ਆਈ ਆਈ ਟੀ ਪ੍ਰਵੇਸ਼ ਪ੍ਰੀਖਿਆ ਜੇ ਈ ਈ ਐਡਵਾਂਸਡ ਵਿੱਚ ਪਹਿਲਾ ਰੈਂਕ ਪ੍ਰਾਪਤ ਕੀਤਾ ਹੈ। ਸੰਚਾਲਨ ਸੰਸਥਾ ਆਈ ਆਈ ਟੀ ਕਾਨਪੁਰ ਦੇ ਅਧਿਕਾਰੀਆਂ ਦੇ ਅਨੁਸਾਰ ਸੰਯੁਕਤ ਪ੍ਰਵੇਸ਼ ਪ੍ਰੀਖਿਆ (ਜੇ ਈ ਈ)-ਐਡਵਾਂਸਡ ਲਈ 18 ਮਈ ਨੂੰ ਹੋਈ ਪ੍ਰੀਖਿਆ ਦੇ ਪੇਪਰ 1 ਅਤੇ 2 ਦੋਵਾਂ ਵਿੱਚ ਕੁੱਲ 1,80,422 ਉਮੀਦਵਾਰ ਬੈਠੇ ਸਨ। ਪ੍ਰੀਖਿਆ ਵਿੱਚ 54,378 ਉਮੀਦਵਾਰ ਯੋਗਤਾ ਪ੍ਰਾਪਤ ਕੀਤੀ ਹੈ, ਜਿਨ੍ਹਾਂ ਵਿੱਚੋਂ 9,404 ਮਹਿਲਾ ਉਮੀਦਵਾਰ ਹਨ। ਕੋਟਾ ਨਿਵਾਸੀ ਰਜਿਤ ਗੁਪਤਾ, ਜਿਸ ਨੇ 360 ਵਿੱਚੋਂ 332 ਅੰਕ ਪ੍ਰਾਪਤ ਕੀਤੇ, ਕਾਮਨ ਰੈਂਕ ਸੂਚੀ (ਸੀ ਆਰ ਐੱਲ) ਵਿੱਚ ਸਭ ਤੋਂ ਉੱਪਰ ਹੈ। ਆਈ ਆਈ ਟੀ ਖੜਗਪੁਰ ਜ਼ੋਨ ਦੀ ਦੇਵਦੱਤਾ ਮਾਝੀ ਸੀ ਆਰ ਐੱਲ 16 ਨਾਲ ਕੁੜੀਆਂ ਵਿੱਚੋਂ ਸਭ ਤੋਂ ਉੱਪਰ ਹੈ। ਉਸ ਨੇ 312 ਅੰਕ ਪ੍ਰਾਪਤ ਕੀਤੇ ਹਨ। ਕੁੱਲ 116 ਵਿਦੇਸ਼ੀ ਉਮੀਦਵਾਰ ਵੀ ਇਸ ਪ੍ਰੀਖਿਆ ਵਿੱਚ ਸ਼ਾਮਲ ਹੋਏ, ਜਿਨ੍ਹਾਂ ਵਿੱਚੋਂ 13 ਨੇ ਯੋਗਤਾ ਪ੍ਰਾਪਤ ਕੀਤੀ। ਚੋਟੀ ਦੇ 100 ਉਮੀਦਵਾਰਾਂ ਵਿੱਚੋਂ 31 ਮੁੰਬਈ ਅਤੇ 31 ਦਿੱਲੀ ਜ਼ੋਨ ਤੋਂ ਹਨ, ਜਦੋਂ ਕਿ 23 ਆਈ ਆਈ ਟੀ ਹੈਦਰਾਬਾਦ ਜ਼ੋਨ ਤੋਂ ਹਨ। ਕਾਨਪੁਰ ਜ਼ੋਨ ਵਿੱਚ ਚੋਟੀ ਦੇ 100 ਵਿੱਚੋਂ ਚਾਰ ਉਮੀਦਵਾਰ, ਖੜਗਪੁਰ ਦੇ ਪੰਜ ਅਤੇ ਰੁੜਕੀ ਦੇ ਛੇ ਹਨ।
