ਮਾਦਾ ਤੇਂਦੂਆ ਸੜਕ ’ਤੇ ਮਰੀ ਮਿਲੀ

ਗੁਰੂਗ੍ਰਾਮ : ਅਰਾਵਲੀ ਨਦੀ ਕੋਲੋਂ ਲੰਘਦੇ ਗੁਰੂਗ੍ਰਾਮ-ਫਰੀਦਾਬਾਦ ਮਾਰਗ ’ਤੇ ਸ਼ੁੱਕਰਵਾਰ ਸ਼ਾਮ ਇੱਕ ਮਾਦਾ ਤੇਂਦੂਆ ਮਿ੍ਰਤਕ ਹਾਲਤ ’ਚ ਮਿਲੀ, ਜਿਸ ਦੀ ਉਮਰ ਲਗਭਗ 2 ਤੋਂ 2.5 ਸਾਲ ਦੱਸੀ ਜਾ ਰਹੀ ਹੈ।
ਜੰਗਲੀ ਜੀਵ ਅਧਿਕਾਰੀ ਆਰ ਕੇ ਜਾਂਗੜਾ ਨੇ ਦੱਸਿਆ, ‘ਇਹ ਹਿੱਟ-ਐਂਡ-ਰਨ ਦਾ ਮਾਮਲਾ ਜਾਪਦਾ ਹੈ ਅਤੇ ਇਹ ਸਾਡੇ ਲਈ ਯਕੀਨੀ ਤੌਰ ’ਤੇ ਇੱਕ ਵੱਡਾ ਨੁਕਸਾਨ ਹੈ। ਪੋਸਟਮਾਰਟਮ ਚੱਲ ਰਿਹਾ ਹੈ। ਇਸ ਮਾਰਗ ’ਤੇ ਰਾਤ ਨੂੰ ਤੇਜ਼ ਰਫ਼ਤਾਰ ਵਾਹਨਾਂ ਦਾ ਹੋਣਾ ਯਕੀਨੀ ਤੌਰ ’ਤੇ ਚਿੰਤਾ ਦਾ ਵਿਸ਼ਾ ਹੈ।’ ਗੁਰੂਗ੍ਰਾਮ-ਫਰੀਦਾਬਾਦ ਸੜਕ ਉੱਤਰ ਵੱਲ ਅਸੋਲਾ ਭੱਟੀ ਵਾਈਲਡ ਲਾਈਫ ਸੈਂਚੁਰੀ ਅਤੇ ਦੱਖਣ ਵੱਲ ਅਰਾਵਲੀ ਨਦੀ ਦੇ ਨਾਲ-ਨਾਲ ਚੱਲਦੀ ਹੈ। ਅਧਿਕਾਰੀਆਂ ਨੇ ਦੱਸਿਆ ਕਿ ਇਨ੍ਹਾਂ ਦੋਵਾਂ ਖੇਤਰਾਂ ਵਿਚਕਾਰ ਜਾਂਦੇ ਸਮੇਂ ਤੇਂਦੂਏ ਅਕਸਰ ਇਸ ਸੜਕ ਨੂੰ ਪਾਰ ਕਰਦੇ ਹਨ, ਜਿਸ ਨਾਲ ਹਾਦਸਿਆਂ ਦਾ ਖਤਰਾ ਵਧ ਜਾਂਦਾ ਹੈ।
ਅੰਦਾਜ਼ੇ ਅਨੁਸਾਰ ਗੁਰੂਗ੍ਰਾਮ ਦੇ ਅਰਾਵਲੀ ਖੇਤਰ ਵਿੱਚ ਲਗਭਗ 50 ਤੇਂਦੂਏ ਰਹਿੰਦੇ ਹਨ ਅਤੇ ਹਾਲ ਹੀ ਦੇ ਸਾਲਾਂ ਵਿੱਚ ਇਨ੍ਹਾਂ ਦੇ ਦੇਖੇ ਜਾਣ ਦੀ ਗਿਣਤੀ ਵਧ ਗਈ ਹੈ। 2019 ਵਿੱਚ ਇਸੇ ਖੇਤਰ ਵਿੱਚ ਇੱਕ ਸੜਕ ਹਾਦਸੇ ਵਿੱਚ ਇੱਕ ਤੇਂਦੂਏ ਦੀ ਮੌਤ ਹੋ ਗਈ ਸੀ।