ਨਵੀਂ ਦਿਲੀ : ਸਾਹਿਤ ਅਕਾਦਮੀ ਵ¾ਲੋਂ ਸੋਮਵਾਰ ਸਾਲ 2025 ਲਈ 24 ਭਾਰਤੀ ਭਾਸ਼ਾਵਾਂ ਦੀਆਂ ਕਿਰਤਾਂ ਦੇ ਪੁਰਸਕਾਰਾਂ ਦਾ ਐਲਾਨ ਕਰ ਦਿਤਾ ਗਿਆ| ਪੰਜਾਬੀ ਲਈ ਇਹ ਪੁਰਸਕਾਰ ਜਿੰਦਰ ਦੇ ਕਹਾਣੀ ਸੰਗ੍ਰਹਿ ‘ਸੇਫ਼ਟੀ ਕਿ¾ਟ’ ਨੂੰ ਮਿਲਿਆ þ| ਇਨ੍ਹਾਂ ਕਹਾਣੀਆਂ ’ਚ ਵਿਦੇਸ਼ਾਂ ਵਿੱਚ ਰਹਿੰਦੇ ਪੰਜਾਬੀਆਂ ਦੇ ਸੰਘਰਸ਼ਾਂ ਨੂੰ ਦਰਸਾਇਆ ਗਿਆ ਹੈ| ‘ਸਿਰਲੇਖ’ ਕਹਾਣੀ “ਜਸਪ੍ਰੀਤ” ਨਾਂਅ ਦੀ ਨੌਜਵਾਨ ਕੁੜੀ ਦੇ ਆਸ-ਪਾਸ ਘੁੰਮਦੀ ਹੈ, ਜੋ ਵਿਦੇਸ਼ ਵਿੱਚ ਡਰ ਤੇ ਸੁਰੱਖਿਆ ਦੇ ਵਿਚਕਾਰ ਆਪਣੀ ਜ਼ਿੰਦਗੀ ਨਾਲ ਜੂਝ ਰਹੀ ਹੈ।“‘ਸੇਫਟੀ ਕਿ¾ਟ’ ਵਿੱਚ ਸ਼ਾਮਲ ਸਾਰੀਆਂ ਕਹਾਣੀਆਂ ਵਿਸ਼ੇ ਦੀ ਦ੍ਰਿਸ਼ਟੀ ਨਾਲ ਕਾਫ਼ੀ ਵਿਭਿੰਨ ਹਨ, ਜਿਨ੍ਹਾਂ ਵਿੱਚ ਸਮਾਜਿਕ, ਆਰਥਿਕ, ਸੱਭਿਆਚਾਰਕ ਅਤੇ ਮਨੋਵਿਗਿਆਨਕ ਮੁੱਦੇ ਸ਼ਾਮਲ ਹਨ।“ਕਿਤਾਬ ਵਿੱਚ ਕਈ ਮਹਿਲਾ ਪਾਤਰ ਰਵਾਇਤੀ ਰੁਕਾਵਟਾਂ ਨੂੰ ਚੁਣੌਤੀ ਦਿੰਦੀਆਂ ਹਨ ਅਤੇ ਸਦੀਆਂ ਪੁਰਾਣੇ ਡਰ ਨੂੰ ਦੂਰ ਕਰਨ ਦੀ ਕੋਸ਼ਿਸ਼ ਕਰਦੀਆਂ ਹਨ। ਉਹ ਪ੍ਰੇਰਣਾਦਾਇਕ ਹਨ, ਕਿਉਂਕਿ ਉਹ ਹਿੰਮਤ ਨਾਲ ਜੀਵਨ ਜਿਊਣ ਲਈ ਅੰਦਰੂਨੀ ਤਾਕਤ ਪ੍ਰਾਪਤ ਕਰਦੀਆਂ ਹਨ| ਸਾਹਿਤ ਅਕਾਦਮੀ ਪੁਰਸਕਾਰ ’ਚ ਇੱਕ ਉੱਕਰੀ ਹੋਈ ਤਾਂਬੇ ਦੀ ਤਖ਼ਤੀ, ਇੱਕ ਸ਼ਾਲ ਅਤੇ 1 ਲੱਖ ਰੁਪਏ ਦੀ ਰਕਮ ਸ਼ਾਮਲ ਹੁੰਦੀ ਹੈ। ਪੁਰਸਕਾਰ ਜੇਤੂਆਂ ਨੂੰ 31 ਮਾਰਚ ਨੂੰ ਰਾਸ਼ਟਰੀ ਰਾਜਧਾਨੀ ਵਿੱਚ ਹੋਣ ਵਾਲੇ ਇਕ ਸਮਾਰੋਹ ਵਿੱਚ ਇਹ ਸਨਮਾਨ ਪ੍ਰਦਾਨ ਕੀਤਾ ਜਾਵੇਗਾ।
