ਕਠਮੰਡੂ : ਨੇਪਾਲ ਵਿੱਚ ਆਏ ਹੜ੍ਹਾਂ ਦੇ 11ਵੇਂ ਦਿਨ, ਨੁਵਾਕੋਟ ਤੋਂ ਇੱਕ 60 ਸਾਲਾ ਔਰਤ ਨੂੰ ਬਚਾਇਆ ਗਿਆ। ਬਚਾਅਕਾਰੀਆਂ ਨੂੰ ਚੰਡਿਕਾ ਸ੍ਰੇਸ਼ਠ ਤਬਾਹ ਹੋਏ ਪਿੰਡ ਵਿੱਚ ਚਾਰ ਮੰਜ਼ਲਾ ਇਮਾਰਤ ਦੀ ਉੱਪਰਲੀ ਮੰਜ਼ਿਲ ‘ਤੇ ਮਿਲੀ, ਜਿੱਥੇ ਉਹ ਆਪਣੇ ਪਤੀ ਆਨੰਦ ਨਾਲ ਰਹਿੰਦੀ ਸੀ, ਜੋ ਅਜੇ ਵੀ ਲਾਪਤਾ ਹੈ। ਕਠਮੰਡੂ ਰਹਿੰਦੇ ਸ੍ਰੇਸ਼ਠ ਦੇ ਪੁੱਤਰ ਤੇ ਧੀ, ਭੈਣ ਨੂੰ ਵਿਸ਼ਵਾਸ ਹੋ ਗਿਆ ਸੀ ਕਿ ਮਾਤਾ-ਪਿਤਾ ਨਹੀਂ ਰਹੇ। ਨੁਕਸਾਨ ਏਨਾ ਵੱਡਾ ਸੀ ਕਿ ਪੁੱਤਰ ਨੇ ਆਪਣੇ ਮਾਪਿਆਂ ਦੇ ਘਰ ਨੂੰ ਪੁੱਟਣ ‘ਤੇ ਜ਼ੋਰ ਨਹੀਂ ਦਿੱਤਾ। ਪਰਵਾਰ ਉਸ ਦੇ ਅੰਤਮ ਸੰਸਕਾਰ ਦੀ ਤਿਆਰੀ ਕਰ ਰਿਹਾ ਸੀ। ਇਸੇ ਦੌਰਾਨ ਇੱਕ ਚੀਨੀ ਵਿਅਕਤੀ ਨੂੰ ਪਣ-ਬਿਜਲੀ ਪਲਾਂਟ ਦੀ ਸੁਰੰਗ ਵਿੱਚੋਂ 10 ਦਿਨਾਂ ਬਾਅਦ ਜ਼ਿੰਦਾ ਕੱਢਿਆ ਗਿਆ। ਲੂ ਹੈਤਾਓ ਨੇ ਕਿਹਾ ਕਿ ਜਦੋਂ ਵੀ ਉਹ ਕਿਸੇ ਬਚਾਅਕਾਰੀ ਦੀ ਰੌਸ਼ਨੀ ਦਾ ਨਿਸ਼ਾਨ ਦੇਖਦਾ ਸੀ, ਉਹ ਮਦਦ ਲਈ ਬੇਚੈਨ ਹੋ ਕੇ ਚੀਕਾਂ ਮਾਰਦਾ ਸੀ।
