ਭਿਆਨਕ ਹਾਦਸੇ ‘ਚ ਚਾਰ ਵਿਦਿਆਰਥੀਆਂ ਦੀ ਮੌਤ

ਭੋਗਪੁਰ (ਗੁਰਪ੍ਰੀਤ ਸਿੰਘ ਭੋਗਲ)
ਐਤਵਾਰ ਸਵੇਰੇ ਜਲੰਧਰ-ਪਠਾਨਕੋਟ ਮਾਰਗ ‘ਤੇ ਬਿਆਸ ਪਿੰਡ ਨੇੜੇ ਓਵਰਟੇਕ ਕਰਦੀ ਕਾਰ ਡਿਵਾਈਡਰ ਨੂੰ ਟੱਪ ਕੇ ਦੂਜੇ ਵਾਹਨ ਵਿੱਚ ਵੱਜਣ ਕਾਰਨ ਚਾਰ ਵਿਦਿਆਰਥੀਆਂ ਦੀ ਮੌਤ ਹੋ ਗਈ |
ਲੁਧਿਆਣਾ ਦਾ ਕਾਰ ਡਰਾਈਵਰ ਪਠਾਨਕੋਟ ਆਪਣੀ ਪਤਨੀ ਨੂੰ ਛੱਡ ਕੇ ਪਰਤ ਰਿਹਾ ਸੀ ਕਿ ਰਾਮਪੁਰਾ ਫੂਲ ਵੈਟਰਨਰੀ ਕਾਲਜ ਦੇ ਵਿਦਿਆਰਥੀਆਂ ਨੇ ਉਸ ਦੀ ਕਾਰ ‘ਚ ਲਿਫਟ ਲੈ ਲਈ | ਮਿ੍ਤਕਾਂ ਦੀ ਪਹਿਚਾਣ ਵਿਦਿਆਰਥਣ ਡੌਲੀ ਗੁਲੇਰੀਆ, ਲੋਕੇਸ਼, ਸਿਮਰਨ ਤੇ ਰੋਹਿਨ ਵਜੋਂ ਹੋਈ ਹੈ | ਡਰਾਈਵਰ ਗੰਭੀਰ ਜ਼ਖ਼ਮੀ ਸੀ |