ਡੇਰਾ ਸਾਧ ਨੇ ਫਿਰ 40 ਦਿਨ ਦੀ ਪੈਰੋਲ ਮੰਗੀ

ਸਿਰਸਾ : ਸਾਧਵੀ ਜਬਰ-ਜ਼ਨਾਹ ਤੇ ਪੱਤਰਕਾਰ ਰਾਮ ਚੰਦਰ ਛਤਰਪਤੀ ਤੇ ਰਣਜੀਤ ਦੇ ਕਤਲ ਦੇ ਮਾਮਲਿਆਂ ‘ਚ ਰੋਹਤਕ ਦੀ ਸੁਨਾਰੀਆ ਜੇਲ੍ਹ ‘ਚ ਕੈਦ ਭੁਗਤ ਰਹੇ ਡੇਰਾ ਸਿਰਸਾ ਮੁਖੀ ਗੁਰਮੀਤ ਰਾਮ ਰਹੀਮ ਸਿੰਘ ਨੇ 40 ਦਿਨਾਂ ਦੀ ਮੁੜ ਪੈਰੋਲ ਮੰਗੀ ਹੈ | ਹਰਿਆਣਾ ਦੇ ਜੇਲ੍ਹ ਮੰਤਰੀ ਰਣਜੀਤ ਸਿੰਘ ਨੇ ਇਸ ਦੀ ਪੁਸ਼ਟੀ ਕਰਦਿਆਂ ਦੱਸਿਆ ਕਿ ਉਸ ਦੇ ਬੇਨਤੀ ਪੱਤਰ ਨੂੰ ਸੰਬੰਧਤ ਅਧਿਕਾਰੀਆਂ ਨੂੰ ਭੇਜ ਦਿੱਤਾ ਗਿਆ ਹੈ | ਅਧਿਕਾਰੀ ਤੈਅ ਕਰਨਗੇ ਕਿ ਪੈਰੋਲ ਮਿਲਣੀ ਹੈ ਜਾਂ ਨਹੀਂ ਤੇ ਮਿਲਣੀ ਹੈ ਤਾਂ ਉਸ ਨੇ ਕਿਥੇ ਰਹਿਣਾ ਹੈ | ਡੇਰੇ ਵੱਲੋਂ 25 ਜਨਵਰੀ ਨੂੰ ਸ਼ਾਹ ਸਤਨਾਮ ਦਾ ਜਨਮ ਦਿਹਾੜਾ ਵੱਡੇ ਪੱਧਰ ‘ਤੇ ਮਨਾਇਆ ਜਾਂਦਾ ਹੈ, ਜਿਸ ਦੀ ਡੇਰੇ ਵੱਲੋਂ ਤਿਆਰੀ ਸ਼ੁਰੂ ਕਰ ਦਿੱਤੀ ਗਈ ਹੈ | ਕਿਆਸ ਲਾਏ ਜਾ ਰਹੇ ਹਨ ਕਿ ਪੈਰੋਲ ਮਿਲਣ ‘ਤੇ ਡੇਰਾ ਮੁਖੀ ਐਤਕੀਂ ਸਿਰਸਾ ‘ਚ 25 ਜਨਵਰੀ ਨੂੰ ਹੋਣ ਵਾਲੇ ਸਮਾਗਮ ‘ਚ ਸ਼ਿਰਕਤ ਕਰ ਸਕਦਾ ਹੈ |