ਨਵੀਂ ਦਿੱਲੀ (ਨ ਜ਼ ਸ)
ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਸ਼ੁੱਕਰਵਾਰ ਰਾਤ ਜਨਰਲ ਜ਼ੈੱਡ ਨੂੰ ਲੁਭਾਉਣ ਲਈ ‘ਭਜਨ ਕਲੱਬਿੰਗ’ ਦਾ ਤਰੀਕਾ ਵਰਤਿਆ, ਪਰ ਉਨ੍ਹਾਂ ਦੇ ਆਲੋਚਕਾਂ ਨੇ ਉਨ੍ਹਾ ਨੂੰ ਟ੍ਰੋਲ ਕਰਨਾ ਸ਼ੁਰੂ ਕਰ ਦਿੱਤਾ।
ਪ੍ਰਧਾਨ ਮੰਤਰੀ ਭਾਰਤੀ ਜਨਸੰਘ ਦੇ ਨੇਤਾ ਦੀ 110ਵੀਂ ਜਯੰਤੀ ਮਨਾਉਣ ਲਈ ਦਿੱਲੀ ਦੇ ਦੀਨ ਦਿਆਲ ਉਪਾਧਿਆਏ ਪਾਰਕ ਵਿਖੇ ਭਜਨ ਕਲੱਬਿੰਗ ਪ੍ਰੋਗਰਾਮ ਵਿੱਚ ਸ਼ਾਮਲ ਹੋਏ। ਵੀਡੀਓਜ਼ ਵਿੱਚ ਮੋਦੀ ਨੂੰ ਤਾੜੀਆਂ ਵਜਾਉਂਦੇ, ਡਫਲੀ ਵਜਾਉਂਦੇ ਹੋਏ ਦਿਖਾਇਆ ਗਿਆ ਹੈ, ਜਦੋਂ ਕਿ ਨੌਜਵਾਨ ਭਜਨ ਗਾਉਂਦੇ ਅਤੇ ਨੱਚਦੇ ਹਨ।
ਪ੍ਰਧਾਨ ਮੰਤਰੀ ਮੋਦੀ ਨੇ ਸ਼ਨੀਵਾਰ ਨੂੰ ਵੱਖ-ਵੱਖ ਕੋਣਾਂ ਤੋਂ ਦੋ ਹੋਰ ਵੀਡੀਓ ਸਾਂਝੇ ਕੀਤੇ, ਜਿਸ ਵਿੱਚ ਭਗਵੇਂ ਕੱਪੜੇ ਪਹਿਨੇ ਨੌਜਵਾਨ ਕਲਾਕਾਰਾਂ ਨਾਲ ਉਨ੍ਹਾ ਦਾ ਸਪੱਸ਼ਟ ਤਾਲਮੇਲ ਦਿਖਾਇਆ ਗਿਆ। ਪ੍ਰਧਾਨ ਮੰਤਰੀ ਦੇ ਇੰਸਟਾਗ੍ਰਾਮ ’ਤੇ ਇੱਕ ਕੈਪਸ਼ਨ ਲਿਖਿਆ : ਕੀ ਤੁਸੀਂ ਇਹ ਦੇਖਦੇ ਹੋਏ ਆਪਣੇ ਪੈਰਾਂ ਨੂੰ ਥਿਰਕਾਏ? ਭਾਜਪਾ ਨੇ ਇਸ ਫਾਰਮੈਟ ਨੂੰ ‘ਸੱਭਿਆਚਾਰ, ਸ਼ਰਧਾ ਅਤੇ ਇੱਕ ਪੂਰੀ ਨਵੀਂ ਊਰਜਾ’ ਦੇ ਨਵੀਨਤਮ ਮਿਲਣ ਬਿੰਦੂ ਵਜੋਂ ਵੇਚਣ ਲਈ ਕਿਹਾ ਕਿ ਮੋਦੀ ਦੇ ਸ਼ਾਮਲ ਹੋਣ ਨਾਲ ਸ਼ਾਮ ‘ਹੋਰ ਵੀ ਠੰਢੀ’ ਹੋ ਗਈ।
ਸੀ ਜੇ ਪੀ ਦੇ ਬਾਨੀ ਅਭਿਜੀਤ ਦੀਪਕੇ ਨੇ ਮੋਦੀ ਦੀ ਪੋਸਟ ਦਾ ਜਵਾਬ ਪ੍ਰਾਇਓਰਿਟੀਜ਼ (ਤਰਜੀਹਾਂ) ਦੇ ਇੱਕ ਸ਼ਬਦ ਨਾਲ ਦਿੱਤਾ, ਜਿਸ ਵਿੱਚ ਦੱਖਣੀ ਦਿੱਲੀ ਦੇ ਇੱਕ ਪਾਰਕ ਵਿੱਚ ਇੱਕ ਕੁੜੀ ਨਾਲ ਹੋਏ ਸਮੂਹਕ ਬਲਾਤਕਾਰ ਬਾਰੇ ਇੱਕ ਰਿਪੋਰਟ ਦਾ ਸਕਰੀਨ ਸ਼ਾਟ ਸਾਂਝਾ ਕੀਤਾ। ਉਸ ਦੀ ਟਿੱਪਣੀ ਨੂੰ 11,000 ਤੋਂ ਵੱਧ ਲਾਈਕਸ ਮਿਲੇ।
