ਸਵਾਮੀਨਾਥਨ ਜਾਨਕੀਰਮਨ ਰਿਜ਼ਰਵ ਬੈਂਕ ਦੇ ਡਿਪਟੀ ਗਵਰਨਰ

ਨਵੀਂ ਦਿੱਲੀ : ਸਰਕਾਰ ਨੇ ਮੰਗਲਵਾਰ ਭਾਰਤੀ ਸਟੇਟ ਬੈਂਕ (ਐੱਸ ਬੀ ਆਈ) ਦੇ ਐੱਮ ਡੀ ਸਵਾਮੀਨਾਥਨ ਜਾਨਕੀਰਮਨ ਨੂੰ ਭਾਰਤੀ ਰਿਜ਼ਰਵ ਬੈਂਕ ਦਾ ਡਿਪਟੀ ਗਵਰਨਰ ਨਿਯੁਕਤ ਕੀਤਾ। ਡਿਪਟੀ ਗਵਰਨਰ ਵਜੋਂ ਉਨ੍ਹਾ ਦੀ ਨਿਯੁਕਤੀ ਉਨ੍ਹਾਂ ਦੇ ਚਾਰਜ ਸੰਭਾਲਣ ਦੀ ਮਿਤੀ ਤੋਂ ਜਾਂ ਅਗਲੇ ਹੁਕਮਾਂ ਤੱਕ ਤਿੰਨ ਸਾਲਾਂ ਲਈ ਹੈ। ਉਹ ਐੱਮ ਕੇ ਜੈਨ ਦੀ ਥਾਂ ਲੈਣਗੇ, ਜਿਨ੍ਹਾਂ ਦਾ ਵਧਾਇਆ ਕਾਰਜਕਾਲ ਮੰਗਲਵਾਰ ਖਤਮ ਹੋ ਗਿਆ। ਡਿਪਟੀ ਗਵਰਨਰ ਦਾ ਇੱਕ ਅਹੁਦਾ ਵਪਾਰਕ ਬੈਂਕਰ ਲਈ ਰਾਖਵਾਂ ਹੈ।