ਆਪ ਨੇ ਦਿੱਲੀ ’ਚ 11 ਉਮੀਦਵਾਰ ਐਲਾਨੇ

ਨਵੀਂ ਦਿੱਲੀ : ਆਪ ਦੇ ਕਨਵੀਨਰ ਅਰਵਿੰਦ ਕੇਜਰੀਵਾਲ ਦੀ ਰਿਹਾਇਸ਼ ’ਤੇ ਪਾਰਟੀ ਦੀ ਸਿਆਸੀ ਮਾਮਲਿਆਂ ਬਾਰੇ ਕਮੇਟੀ ਦੀ ਬੁੱਧਵਾਰ ਹੋਈ ਮੀਟਿੰਗ ਤੋਂ ਬਾਅਦ ਪਾਰਟੀ ਨੇ ਦਿੱਲੀ ਵਿਧਾਨ ਸਭਾ ਚੋਣਾਂ ਲਈ ਆਪਣੇ 11 ਉਮੀਦਵਾਰਾਂ ਦੀ ਪਹਿਲੀ ਸੂਚੀ ਜਾਰੀ ਕਰ ਦਿੱਤੀ। ਇਨ੍ਹਾਂ ਵਿੱਚ 6 ਉਮੀਦਵਾਰ ਭਾਜਪਾ ਅਤੇ ਕਾਂਗਰਸ ਪਾਰਟੀ ਛੱਡ ਕੇ ਆਏ ਹਨ। ਬ੍ਰਹਮਾ ਸਿੰਘ ਤੰਵਰ ਨੂੰ ਹਲਕਾ ਛਤਰਪੁਰ, ਅਨਿਲ ਝਾਅ ਨੂੰ ਕਿਰਾੜੀ, ਦੀਪਕ ਸਿੰਗਲਾ ਨੂੰ ਵਿਸ਼ਵਾਸ ਨਗਰ, ਸਰਿਤਾ ਸਿੰਘ ਨੂੰ ਰੋਹਤਾਸ ਨਗਰ, ਬੀ ਬੀ ਤਿਆਗੀ ਨੂੰ ਲਕਸ਼ਮੀ ਨਗਰ, ਰਾਮ ਸਿੰਘ ਨੇਤਾ ਜੀ ਨੂੰ ਬਦਰਪੁਰ, ਜੁਬੈਰ ਚੌਧਰੀ ਨੂੰ ਸੀਲਮਪੁਰ, ਵੀਰ ਸਿੰਘ ਧੀਂਗਾਨ ਨੂੰ ਸੀਮਾਪੁਰੀ, ਗੌਰਵ ਸ਼ਰਮਾ ਨੂੰ ਘੋਂਡਾ, ਮਨੋਜ ਤਿਆਗੀ ਨੂੰ ਕਰਾਵਲ ਨਗਰ ਅਤੇ ਸੋਮੇਸ਼ ਸ਼ੌਕੀਨ ਨੂੰ ਮਟਿਆਲਾ ਤੋਂ ਉਮੀਦਵਾਰ ਬਣਾਇਆ ਗਿਆ ਹੈ।