ਭਾਰਤ ਨਾਲ ਵਪਾਰ ਸਮਝੌਤਾ ਬਹੁਤ ਨੇੜੇ : ਰੂਬੀਓ

ਵਾਸ਼ਿੰਗਟਨ : ਅਮਰੀਕੀ ਵਿਦੇਸ਼ ਮੰਤਰੀ ਮਾਰਕੋ ਰੂਬੀਓ ਨੇ ਭਾਰਤ ਨੂੰ ਅਮਰੀਕਾ ਦਾ ਇਕ ਮਹੱਤਵਪੂਰਨ ਰਣਨੀਤਕ ਸਹਿਯੋਗੀ ਦੱਸਿਆ ਅਤੇ ਕਿਹਾ ਕਿ ਦੋਵਾਂ ਦੇਸ਼ਾਂ ਵਿਚਕਾਰ ਵਪਾਰਕ ਗੱਲਬਾਤ ਪੂਰੀ ਹੋਣ ਦੇ ਨੇੜੇ ਹੈ। ਉਨ੍ਹਾ ਇਹ ਟਿੱਪਣੀ ਹਾਊਸ ਫਾਰੇਨ ਅਫੇਅਰਜ਼ ਕਮੇਟੀ ਵਿਚ ਗਵਾਹੀ ਦਿੰਦੇ ਹੋਏ ਕੀਤੀ।
ਜਦੋਂ ਪ੍ਰਤੀਨਿਧੀ ਬਿੱਲ ਹੁਈਜ਼ੇਂਗਾ ਦੁਆਰਾ ਉਨ੍ਹਾ ਦੀ ਹਾਲੀਆ ਭਾਰਤ ਫੇਰੀ ਦੇ ਨਤੀਜਿਆਂ ਬਾਰੇ ਪੁੱਛਿਆ ਗਿਆ ਕਿ ਟਰੰਪ ਪ੍ਰਸ਼ਾਸਨ ਕਿਵੇਂ ਸਾਂਝੇਦਾਰੀ ਨੂੰ ਮਜ਼ਬੂਤ ਕਰ ਰਿਹਾ ਹੈ ਅਤੇ ਨਾਲ ਹੀ ਬਾਜ਼ਾਰ ਪਹੁੰਚ ‘ਤੇ ਵੀ ਚਰਚਾ ਕਰ ਰਿਹਾ ਹੈ, ਤਾਂ ਰੂਬੀਓ ਨੇ ਭਾਰਤ ਨੂੰ ‘ਮਹੱਤਵਪੂਰਨ ਰਣਨੀਤਕ ਸਹਿਯੋਗੀ’ ਕਿਹਾ। ਉਨ੍ਹਾ ਕਿਹਾ, ‘ਭਾਰਤ ਸੰਯੁਕਤ ਰਾਜ ਅਮਰੀਕਾ ਦਾ ਇਕ ਮਹੱਤਵਪੂਰਨ ਰਣਨੀਤਕ ਸਹਿਯੋਗੀ ਹੈ। ਅਸੀਂ ਇਕੱਠੇ ਬਹੁਤ ਸਾਰੀਆਂ ਚੀਜ਼ਾਂ ਕਰਦੇ ਹਾਂ ਅਤੇ ਹੋਰ ਵੀ ਕਰਨ ਦੇ ਬਹੁਤ ਮੌਕੇ ਹਨ।’