ਮੋਗਾ : ਮਿਹਨਤਕਸ਼ ਲੋਕਾਂ ਦੇ ਉੱਘੇ ਅਤੇ ਹਰਮਨਪਿਆਰੇ ਆਗੂ ਕਾਮਰੇਡ ਰਣਧੀਰ ਗਿੱਲ ਨੂੰ ਅੱਜ ਸੈਂਕੜੇ ਲੋਕਾਂ ਨੇ ਨਮ ਅੱਖਾਂ ਨਾਲ ਅੰਤਮ ਵਿਦਾਇਗੀ ਦਿੱਤੀ | ਉਹਨਾਂ ਦਾ ਸਤਾਸੀ ਵਰਿ੍ਹਆਂ ਦੀ ਉਮਰ ਵਿੱਚ 1 ਨਵੰਬਰ ਨੂੰ ਦੇਹਾਂਤ ਹੋ ਗਿਆ ਸੀ | ਉਹਨਾਂ ਦੀ ਮਿ੍ਤਕ ਦੇਹ ਨੂੰ ਸ਼ਹੀਦ ਭਗਤ ਸਿੰਘ ਨਗਰ ਮੋਗਾ ਦੇ ਘਰ ਤੋਂ ਉਹਨਾਂ ਦੇ ਜੱਦੀ ਪਿੰਡ ਬਹੋਨਾ ਵੱਲ ਨੂੰ ਮੋਟਰਸਾਈਕਲਾਂ ਅਤੇ ਕਾਰਾਂ ਦੇ ਵੱਡੇ ਕਾਫ਼ਲੇ ਨਾਲ ਵੀ ਲਿਜਾਇਆ ਗਿਆ | ਇਸ ਮੌਕੇ ਇਨਕਲਾਬੀ ਨਾਅਰਿਆਂ ਨਾਲ ਉਹਨਾਂ ਨੂੰ ਸਲਾਮੀ ਦਿੱਤੀ ਗਈ | ਉਹਨਾਂ ਦੇ ਮੋਗਾ ਵਿਚਲੇ ਘਰ ਇਕੱਠੇ ਹੋਏ ਵੱਖ ਵੱਖ ਰਾਜਨੀਤਕ ਦਲਾਂ ਅਤੇ ਜਨਤਕ ਜਥੇਬੰਦੀਆਂ ਦੇ ਆਗੂਆਂ, ਸਮਾਜ ਸੇਵੀਆਂ ਅਤੇ ਆਮ ਲੋਕਾਂ ਨੇ ਉਹਨਾਂ ਦੀ ਦੇਹ ਉੱਪਰ ਫੁੱਲ ਮਾਲਾਵਾਂ ਭੇਟ ਕੀਤੀਆਂ |
ਕਾਮਰੇਡ ਰਣਧੀਰ ਗਿੱਲ ਨੇ ਵਿਦਿਆਰਥੀ ਜੀਵਨ ਵੇਲੇ ਆਲ ਇੰਡੀਆ ਸਟੂਡੈਂਟਸ ਫੈਡਰੇਸ਼ਨ ਵਿੱਚ ਸ਼ਾਮਲ ਹੋ ਕੇ ਵਿਦਿਆਰਥੀ ਹਿੱਤਾਂ ਲਈ ਸਰਗਰਮੀ ਕੀਤੀ | ਉਹਨਾਂ ਅਧਿਆਪਨ ਦੇ ਕਿੱਤੇ ਵਿੱਚ ਆਉਣ ਤੋਂ ਬਾਅਦ ਜਿੱਥੇ ਵਿਦਿਆਰਥੀਆਂ ਨੂੰ ਮਿਸਾਲੀ ਢੰਗ ਨਾਲ ਪੜ੍ਹਾਇਆ, ਉਥੇ ਅਧਿਆਪਕ ਅਤੇ ਮੁਲਾਜ਼ਮ ਵਰਗ ਦੀ ਲਹਿਰ ਦੇ ਪ੍ਰਮੁੱਖ ਆਗੂ ਵਜੋਂ ਕੰਮ ਕੀਤਾ | ਆਪਣੀ ਰਿਟਾਇਰਮੈਂਟ ਤੋਂ ਬਾਅਦ ਉਹਨਾਂ ਪੂਰਾ ਸਮਾਂ ਭਾਰਤੀ ਕਮਿਊਨਿਸਟ ਪਾਰਟੀ ਦੇ ਆਗੂ ਦੇ ਤੌਰ ‘ਤੇ ਸਮੁੱਚੇ ਮਿਹਨਤਕਸ਼ ਵਰਗ ਦੀਆਂ ਮੰਗਾਂ ਲਈ ਉਹਨਾਂ ਨੂੰ ਲਾਮਬੰਦ ਕੀਤਾ | ਕਾਮਰੇਡ ਰਣਧੀਰ ਗਿੱਲ ਦਾ ਪਰਿਵਾਰਕ ਪਿਛੋਕੜ ਵੀ ਕਿਰਤੀ ਲੋਕਾਂ ਦੀ ਲਹਿਰ ਨੂੰ ਪ੍ਰਣਾਇਆ ਹੋਇਆ ਸੀ | ਉਹਨਾਂ ਦੇ ਪਿਤਾ ਸ਼ੇਰ ਸਿੰਘ ਵੀ ਕਮਿਊਨਿਸਟ ਲਹਿਰ ਵਿੱਚ ਕੰਮ ਕਰਦੇ ਰਹੇ | ਹੁਣ ਉਹਨਾਂ ਦੀ ਅਗਲੀ ਪੀੜ੍ਹੀ ਵੀ ਉਹਨਾਂ ਦੀ ਵਿਰਾਸਤ ਨੂੰ ਅੱਗੇ ਵਧਾ ਰਹੀ ਹੈ | ਕਾਮਰੇਡ ਗਿੱਲ ਦੀ ਚਿਖਾ ਨੂੰ ਅਗਨੀ ਉਹਨਾਂ ਦੇ ਬੇਟੇ ਡਾਕਟਰ ਇੰਦਰਵੀਰ ਗਿੱਲ ਅਤੇ ਹਰਿੰਦਰਵੀਰ ਗਿੱਲ ਨੇ ਦਿੱਤੀ | ਉਹਨਾਂ ਦੀ ਅੰਤਮ ਵਿਦਾਇਗੀ ਵੇਲੇ ਭਾਰਤੀ ਕਮਿਊਨਿਸਟ ਪਾਰਟੀ ਦੇ ਸੂਬਾ ਸਕੱਤਰ ਕਾਮਰੇਡ ਬੰਤ ਬਰਾੜ, ਕੌਮੀ ਕੌਂਸਲ ਮੈਂਬਰ ਕਾਮਰੇਡ ਜਗਰੂਪ, ਪਾਰਟੀ ਦੇ ਜ਼ਿਲ੍ਹਾ ਸਕੱਤਰ ਕੁਲਦੀਪ ਭੋਲਾ, ਸੂਬਾ ਕੌਂਸਲ ਮੈਂਬਰ ਕਾਮਰੇਡ ਜਗਜੀਤ, ਪੰਜਾਬ ਗੌਰਮਿੰਟ ਟਰਾਂਸਪੋਰਟ ਵਰਕਰਜ਼ ਯੂਨੀਅਨ ਦੇ ਸਰਪ੍ਰਸਤ ਸਾਥੀ ਗੁਰਦੀਪ ਮੋਤੀ, ਜਨਰਲ ਸਕੱਤਰ ਜਗਦੀਸ਼ ਸਿੰਘ ਚਾਹਲ, ਕਿਰਤੀ ਕਿਸਾਨ ਯੂਨੀਅਨ ਦੇ ਪ੍ਰਧਾਨ ਨਿਰਭੈ ਸਿੰਘ ਢੁੱਡੀਕੇ, ਪ੍ਰਗਟ ਸਿੰਘ ਸਾਫੂਵਾਲਾ, ਭਾਰਤੀ ਕਿਸਾਨ ਯੂਨੀਅਨ ਕ੍ਰਾਂਤੀਕਾਰੀ ਵੱਲੋਂ ਤਾਰਾ ਸਿੰਘ ਮੋਗਾ, ਸੁਰਿੰਦਰ ਕੌਰ ਢੁੱਡੀਕੇ, ਆਲ ਇੰਡੀਆ ਸਟੂਡੈਂਟਸ ਫੈਡਰੇਸ਼ਨ ਦੇ ਜਨਰਲ ਸਕੱਤਰ ਵਿੱਕੀ ਮਹੇਸਰੀ, ਕਰਮਵੀਰ ਕੌਰ ਬੱਧਣੀ, ਕਿਸਾਨ ਸਭਾ ਦੇ ਸੂਰਤ ਸਿੰਘ ਧਰਮਕੋਟ, ਗੁਰਚਰਨ ਸਿੰਘ ਦਾਤੇਵਾਲ, ਹਰਦਿਆਲ ਸਿੰਘ ਘਾਲੀ, ਮੇਜਰ ਸਿੰਘ ਜਲਾਲਾਬਾਦ, ਬਿਜਲੀ ਬੋਰਡ ਦੇ ਆਗੂ ਅਮਰੀਕ ਸਿੰਘ ਮਸੀਤਾਂ, ਗੁਰਮੇਲ ਸਿੰਘ ਨਾਹਰ, ਮਾਸਟਰ ਬਲਵੀਰ ਸਿੰਘ ਰਾਮੂੰਵਾਲਾ, ਭੁਪਿੰਦਰ ਸਿੰਘ ਸੇਖੋਂ, ਬੂਟਾ ਸਿੰਘ ਭੱਟੀ, ਬਚਿੱਤਰ ਸਿੰਘ ਧੋਥੜ, ਭਰਪੂਰ ਸਿੰਘ ਸਵੱਦੀ, ਵੱਖ ਵੱਖ ਰਾਜਨੀਤਕ ਪਾਰਟੀਆਂ ਵੱਲੋਂ ਡਾ. ਮਾਲਤੀ ਥਾਪਰ, ਡਾ. ਪਵਨ ਥਾਪਰ, ਅਮਰਜੀਤ ਸਿੰਘ ਲੰਢੇਕੇ, ਨਿਧੜਕ ਸਿੰਘ ਬਰਾੜ, ਵੱਖ ਵੱਖ ਸ਼ਖਸੀਅਤਾਂ ਡਾਕਟਰ ਸਤਿੰਦਰਪਾਲ ਸਿੰਘ ਸਿਵਲ ਸਰਜਨ ਮੋਗਾ, ਡਾਕਟਰ ਅਰਵਿੰਦਰਪਾਲ ਸਿੰਘ ਗਿੱਲ, ਸਿੱਧੂ ਹਸਪਤਾਲ ਵਾਲੇ ਡਾਕਟਰ ਦਵਿੰਦਰ ਸਿੱਧੂ, ਡਾਕਟਰ ਅਸ਼ੋਕ ਸਿੰਗਲਾ, ਡਾਕਟਰ ਗਗਨਦੀਪ ਸਿੰਘ, ਡਾਕਟਰ ਸੰਜੀਵ ਜੈਨ, ਡਾਕਟਰ ਕਮਲਪ੍ਰੀਤ ਬਾਜਵਾ, ਡਾਕਟਰ ਨਵਰਾਜ, ਡਾਕਟਰ ਰਜਿੰਦਰ ਸਿੱਧੂ, ਡਾਕਟਰ ਇੰਦਰਦੀਪ ਸਰਾ, ਸਮਾਜਸੇਵੀ ਮਹਿੰਦਰਪਾਲ ਲੂੰਬਾ, ਕੁਲਬੀਰ ਢਿੱਲੋਂ, ਗੁਰਜੰਟ ਮਾਹਲਾ, ਡਾਕਟਰ ਹਰਜਿੰਦਰ ਸਿੱਧੂ, ਰਾਜ ਕੁਮਾਰ, ਕਾਮਰੇਡ ਕਸ਼ਮੀਰ ਸਿੰਘ ਗਦਾਈਆ, ਐਡਵੋਕੇਟ ਹਰਚੰਦ ਬਾਠ, ਐਡਵੋਕੇਟ ਜੋਗਿੰਦਰ ਸ਼ਰਮਾ, ਕਾਮਰੇਡ ਜਸਪਾਲ ਦੱਪਰ ਮੁਹਾਲੀ, ਐਡਵੋਕੇਟ ਰਾਜਿੰਦਰ ਮੰਡ ਜਲੰਧਰ, ਕਰਮਵੀਰ ਕੌਰ ਬੱਧਣੀ, ਮੁਲਾਜ਼ਮ ਆਗੂ ਨੀਲ ਮਨੀ, ਗੁਰਮੀਤ ਸਿੰਘ ਧਾਲੀਵਾਲ, ਜਸਪ੍ਰੀਤ ਕੌਰ ਬੱਧਣੀ, ਹਰਭਜਨ ਬਹੋਨਾ, ਵੀਰਪਾਲ ਕੌਰ ਗਿੱਲ, ਜਗਵਿੰਦਰ ਕਾਕਾ, ਗੁਰਦਿੱਤਾ ਦੀਨਾ, ਇੰਦਰਜੀਤ ਦੀਨਾ, ਕਾਮਰੇਡ ਸ਼ੇਰ ਸਿੰਘ ਦੌਲਤਪੁਰਾ, ਮਹਿੰਦਰ ਸਿੰਘ ਧੂੜਕੋਟ, ਕਰਮਜੀਤ ਮਾਣੂੰਕੇ, ਪੂਰਨ ਸਿੰਘ ਪਿ੍ੰਸੀਪਲ, ਐਡਵੋਕੇਟ ਹਰਪਾਲ ਬਰਾੜ, ਸਬਰਾਜ ਢੁੱਡੀਕੇ, ਇਕਬਾਲ ਤਖਾਣਵੱਧ, ਗੁਰਜੰਟ ਕੋਕਰੀ, ਰਾਜੇਸ਼ ਥਾਪਾ ਜਲੰਧਰ, ਪੋਹਲਾ ਸਿੰਘ ਬਰਾੜ, ਸਾਥੀ ਸਾਗਰ ਬਾਲਮੀਕੀ, ਗੁਰਚਰਨ ਕੌਰ ਆਂਗਣਵਾੜੀ ਵਰਕਰ, ਸੁਖਦੇਵ ਭੋਲਾ, ਜਗਸੀਰ ਸਿੰਘ ਖੋਸਾ, ਸਾਥੀ ਜਸਪਾਲ ਸਿੰਘ ਘਾਰੂ ਰਿਕਸ਼ਾ ਯੂਨੀਅਨ, ਮਾਸਟਰ ਬਲਵਿੰਦਰ ਸਿੰਘ ਬੁੱਧ ਸਿੰਘ ਵਾਲਾ, ਰਵੀਕਾਂਤ ਸ਼ੁਕਲਾ, ਸੰਤੋਖ ਸਿੰਘ ਨੈਸਲੇ, ਪਰਮਜੀਤ ਸਿੰਘ ਪੰਮਾ, ਮੰਗਤ ਸਿੰਘ ਬੁੱਟਰ, ਅਜੈਬ ਸਿੰਘ, ਅਤੇ ਸੁਖਜਿੰਦਰ ਮਹੇਸਰੀ ਨੇ ਫੁੱਲ ਮਾਲਾਵਾਂ ਭੇਟ ਕੀਤੀਆਂ |
ਇਸ ਮੌਕੇ ਵੱਡੀ ਗਿਣਤੀ ਵਿੱਚ ਸਿਹਤ ਵਿਭਾਗ ਦੇ ਮੁਲਾਜ਼ਮ, ਕਿਸਾਨ ਮਜ਼ਦੂਰ ਆਗੂ, ਮੋਗਾ ਸ਼ਹਿਰ ਦੇ ਪਤਵੰਤੇ ਅਤੇ ਪਿੰਡ ਬਹੋਨਾ ਦੇ ਪੰਚ, ਸਰਪੰਚ ਅਤੇ ਪ੍ਰਮੁੱਖ ਸ਼ਖਸੀਅਤਾਂ ਹਾਜ਼ਰ ਸਨ |
