ਪੇਸ਼ਾਵਰ : ਪਾਕਿਸਤਾਨ ਦੇ ਗੜਬੜਜ਼ਦਾ ਖੈਬਰ-ਪਖਤੂਨਖਵਾ ਸੂਬੇ ‘ਚ ਅੱਤਵਾਦੀਆਂ ਨਾਲ ਹੋਏ ਮੁਕਾਬਲੇ ‘ਚ ਘੱਟੋ ਘੱਟ ਤਿੰਨ ਪਾਕਿਸਤਾਨੀ ਫੌਜੀ ਮਾਰੇ ਗਏ |
ਇਹ ਜਾਣਕਾਰੀ ਫੌਜ ਦੇ ਇੱਕ ਬਿਆਨ ‘ਚ ਦਿੱਤੀ ਗਈ ਹੈ | ਪਾਕਿਸਤਾਨ ਫੌਜ ਦੀ ਮੀਡੀਆ ਬਰਾਂਚ ਇੰਟਰ-ਸਰਵਿਸਿਜ਼ ਪਬਲਿਕ ਰਿਲੇਸ਼ਨਜ ਮੁਤਾਬਕ ਸੂਬੇ ਦੇ ਕੁੱਰਮ ਜ਼ਿਲ੍ਹੇ ‘ਚ ਪਾਕਿਸਤਾਨੀ ਫੌਜੀਆਂ ਅਤੇ ਅੱਤਵਾਦੀਆਂ ਵਿਚਾਲੇ ਹੋਏ ਮੁਕਾਬਲੇ ‘ਚ ਦੋ ਅਤਿਵਾਦੀ ਵੀ ਮਾਰੇ ਗਏ | ਮਿ੍ਤਕ ਫੌਜੀਆਂ ਦੀ ਪਛਾਣ ਸੂਬੇਦਾਰ ਸ਼ੁਜਾ ਮੁਹੰਮਦ (43), ਖੁਜਦਾਰ ਨਾਈਕ ਮੁਹੰਮਦ ਰਮਜ਼ਾਨ (32) ਅਤੇ ਸਿਪਾਹੀ ਅਬਦੁਲ ਰਹਿਮਾਨ (30) ਵਜੋਂ ਹੋਈ ਹੈ | ਬਿਆਨ ‘ਚ ਕਿਹਾ ਗਿਆ ਹੈ ਕਿ ਮੁਕਾਬਲਾ ਉਸ ਸਮੇਂ ਹੋਇਆ ਜਦੋਂ ਫੌਜੀਆਂ ਨੇ ਅਫਗਾਨ ਸਰਹੱਦ ਨੇੜੇ ਅੱਤਵਾਦੀਆਂ ਦੇ ਪੁਰਾਣੇ ਗੜ੍ਹ ‘ਚ ਇੱਕ ਟਿਕਾਣੇ ‘ਤੇ ਛਾਪਾ ਮਾਰਿਆ | ਬਿਆਨ ‘ਚ ਕਿਹਾ ਗਿਆ ਹੈ ਕਿ ਇਲਾਕੇ ਵਿੱਚੋਂ ਅੱਤਵਾਦੀਆਂ ਨੂੰ ਖਤਮ ਕਰਨ ਲਈ ਛਾਪੇ ਮਾਰੇ ਜਾ ਰਹੇ ਹਨ |
ਅੱਤਵਾਦੀਆਂ ਨਾਲ ਮੁਕਾਬਲੇ ‘ਚ 3 ਪਾਕਿ ਫੌਜੀ ਮਰੇ
