ਨੰਗ ਹੋ ਗਏ ਬਰਤਾਨਵੀ

ਲੰਡਨ : ਬਰਤਾਨੀਆ ’ਚ ਪੈਸੇ ਦੀ ਕਿੱਲਤ ਨਾਲ ਜੂਝ ਰਹੇ ਲੋਕਾਂ ਦੀ ਗਿਣਤੀ ਰਿਕਾਰਡ ਪੱਧਰ ’ਤੇ ਪੁੱਜ ਗਈ ਹੈ। ਵਿੱਤੀ ਦਾਨ ਦੇਣ ਵਾਲਿਆਂ ਦਾ ਕਹਿਣਾ ਹੈ ਕਿ ਲੋਕ ਕਰਜ਼ੇ, ਬਿੱਲਾਂ ਦਾ ਭੁਗਤਾਨ ਅਤੇ ਦੀਵਾਲੀਆਪਨ ’ਚ ਮਦਦ ਲਈ ਉਨ੍ਹਾਂ ਨਾਲ ਸੰਪਰਕ ਕਰ ਰਹੇ ਹਨ। ਡੈਬਟ ਜਸਟਿਸ ਸਮੂਹ ਨੇ ਸਰਵੇਖਣ ’ਚ ਦੇਖਿਆ ਕਿ 18 ਤੋਂ 24 ਸਾਲ ਦੇ 29 ਫੀਸਦ ਅਤੇ 25 ਤੋਂ 34 ਸਾਲ ਦੀ ਉਮਰ ਦੇ 25 ਫੀਸਦ ਪਿਛਲੇ ਛੇ ਮਹੀਨਿਆਂ ’ਚ ਤਿੰਨ ਜਾਂ ਵੱਧ ਬਿੱਲਾਂ ਦਾ ਭੁਗਤਾਨ ਕਰਨ ’ਚ ਅਸਫਲ ਰਹੇ ਹਨ। ਬਹੁਤੇ (65 ਫੀਸਦ) ਲੋਕ ਇਹ ਸੋਚਦੇ ਹਨ ਕਿ ਕੀ ਉਹ ਪੈਸੇ ਉਧਾਰ ਲਏ ਬਿਨਾਂ ਆਪਣੀ ਬੱਚਤ ਨਾਲ ਤਿੰਨ ਮਹੀਨਿਆਂ ਤੱਕ ਜ਼ਿੰਦਾ ਵੀ ਰਹਿ ਸਕਦੇ ਹਨ। ਯੂ ਕੇ ਫਾਈਨੈਂਸ਼ੀਅਲ ਮਾਰਕੀਟਸ ਰੈਗੂਲੇਟਰ ਦੇ ਅੰਕੜੇ ਦੱਸਦੇ ਹਨ ਕਿ ਯੂ ਕੇ ਦੇ ਇੱਕ-ਤਿਹਾਈ ਤੋਂ ਵੱਧ ਬਾਲਗਾਂ ਕੋਲ ਬੱਚਤ ਦੇ ਨਾਂਅ ’ਤੇ ਸਿਰਫ 1,000 ਪੌਂਡ ਤੋਂ ਘੱਟ ਹਨ ਅਤੇ ਮਨੀ. ਯੂਕੇ.ਕੋ ਵੱਲੋਂ ਕੀਤੇ ਸਰਵੇਖਣ ਮੁਤਾਬਕ 25-64 ਸਾਲ ਦੀ ਉਮਰ ਦੇ 30 ਫੀਸਦ ਬਰਤਾਨਵੀ ਸੇਵਾਮੁਕਤ ਲੋਕ ਬਿਲਕੁਲ ਬੱਚਤ ਨਹੀਂ ਕਰਦੇ।