ਬਾਹਰਲਿਆਂ ਨੇ ਪੈਸੇ ਕਢਾ ਕੇ ਬਾਜ਼ਾਰ ਡੋਬਿਆ

ਨਵੀਂ ਦਿੱਲੀ : ਵਿਦੇਸ਼ੀ ਸੰਸਥਾਗਤ ਨਿਵੇਸ਼ਕਾਂ ਨੇ ਇਸ ਹਫਤੇ ਇਕੱਲੇ ਭਾਰਤੀ ਇਕੁਇਟੀ ਤੋਂ 20,024 ਕਰੋੜ ਰੁਪਏ ਕੱਢ ਲਏ, ਜਿਸ ਦੇ ਨਤੀਜੇ ਵਜੋਂ ਮੁੱਖ ਸਟਾਕ ਸੂਚਕ ਅੰਕਾਂ ਨਿਫਟੀ ਅਤੇ ਸੈਂਸੇਕਸ ’ਚ ਲੱਗਭੱਗ 2.5 ਪ੍ਰਤੀਸ਼ਤ ਦੀ ਗਿਰਾਵਟ ਆਈ ਹੈ। ਨੈਸ਼ਨਲ ਸਟਾਕ ਐਕਸਚੇਂਜ ਦੇ ਅੰਕੜੇ ਦਰਸਾਉਂਦੇ ਹਨ ਕਿ ਵਿਦੇਸ਼ੀ ਸੰਸਥਾਗਤ ਨਿਵੇਸ਼ਕ ਭਾਰਤੀ ਬਾਜ਼ਾਰਾਂ ’ਚ ਆਪਣੇ ਐਕਸਪੋਜ਼ਰ ਨੂੰ ਕਾਫੀ ਘਟਾ ਰਹੇ ਹਨ, ਅਕਤੂਬਰ ਦਾ ਇਹ ਰੁਝਾਨ ਹਾਲ ਹੀ ਦੇ ਸਾਲਾਂ ’ਚ ਸਭ ਤੋਂ ਵੱਧ ਬਿਕਵਾਲੀ ਵਾਲੇ ਰੁਝਾਨਾਂ ਵਿੱਚੋਂ ਇੱਕ ਹੈ।
ਅਕਤੂਬਰ 21 ਤੋਂ 25 ਅਕਤੂਬਰ ਤੱਕ ਵਿਦੇਸ਼ੀ ਨਿਵੇਸ਼ਕਾਂ ਨੇ 20,024 ਕਰੋੜ ਰੁਪਏ ਦੀਆਂ ਇਕੁਇਟੀ ਵੇਚੀਆਂ, ਜਿਸ ਨਾਲ ਅਕਤੂਬਰ ਦੌਰਾਨ ਦੇਖੇ ਗਏ ਤਿੱਖੇ ਆਊਟਫਲੋ ਰੁਝਾਨ ’ਚ ਵਾਧਾ ਹੋਇਆ।