ਮਾਲਦਾ : ਦੇਸ਼ ਨੂੰ ਪਹਿਲੀ ਵੰਦੇ ਮਾਤਰਮ ਸਲੀਪਰ ਰੇਲ ਗੱਡੀ ਮਿਲ ਗਈ ਹੈ, ਜਿਸ ਨੂੰ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਸ਼ਨੀਵਾਰ ਝੰਡੀ ਦਿਖਾਈ। ਇਹ ਰੇਲ ਗੱਡੀ 180 ਕਿਲੋਮੀਟਰ ਪ੍ਰਤੀ ਘੰਟਾ ਦੀ ਰਫਤਾਰ ਨਾਲ ਸਫਰ ਤੈਅ ਕਰੇਗੀ। ਇਹ ਰੇਲ ਗੱਡੀ ਪੱਛਮੀ ਬੰਗਾਲ ਦੇ ਹਾਵੜਾ ਤੋਂ ਗੁਹਾਟੀ ਦੇ ਕਾਮਾਖਿਆ ਵਿਚਲੀ 958 ਕਿਲੋਮੀਟਰ ਦੀ ਦੂਰੀ 14 ਘੰਟਿਆਂ ਵਿਚ ਤੈਅ ਕਰੇਗੀ। ਰੇਲ ਗੱਡੀ ਵਿਚ 1128 ਯਾਤਰੀ ਯਾਤਰਾ ਕਰ ਸਕਦੇ ਹਨ। ਰੇਲ ਗੱਡੀ ਦੇ 16 ਡੱਬੇ ਹਨ, ਜਿਨ੍ਹਾਂ ਵਿਚੋਂ 11 ਏ ਸੀ, 3 ਟੀਅਰ, ਚਾਰ ਏ ਸੀ 2 ਟੀਅਰ ਤੇ ਇਕ ਫਸਟ ਏ ਸੀ ਡੱਬਾ ਹੋਵੇਗਾ। ਇਸ ਸਲੀਪਰ ਰੇਲ ਗੱਡੀ ਦਾ ਥਰਡ ਏ ਸੀ ਦਾ ਕਿਰਾਇਆ 2300 ਰੁਪਏ ਰੱਖਿਆ ਗਿਆ ਹੈ। ਸੈਕਿੰਡ ਏ ਸੀ ਦਾ ਕਿਰਾਇਆ 3000 ਤੇ ਫਸਟ ਏ ਸੀ ਦਾ ਕਿਰਾਇਆ 3600 ਰੁਪਏ ਹੋਵੇਗਾ। ਇਸ ਰੇਲ ਗੱਡੀ ਵਿਚ ਐਡਵਾਂਸਡ ਸੇਫਟੀ ਫੀਚਰਜ਼ ਹੋਣਗੇ।
ਇਸ ਮੌਕੇ ਰੇਲ ਮੰਤਰੀ ਨੇ ਦੱਸਿਆ ਕਿ ਗੁਹਾਟੀ-ਹਾਵੜਾ ਰੂਟ ‘ਤੇ ਹਵਾਈ ਕਿਰਾਇਆ ਆਮ ਤੌਰ ‘ਤੇ ਛੇ ਤੋਂ ਅੱਠ ਹਜ਼ਾਰ ਦੇ ਦਰਮਿਆਨ ਹੁੰਦਾ ਹੈ, ਪਰ ਵੰਦੇ ਮਾਤਰਮ ਸਲੀਪਰ ਵਿਚ ਯਾਤਰੀ ਸਿਰਫ 2300 ਰੁਪਏ ਵਿਚ ਸਫਰ ਤੈਅ ਕਰ ਕੇ ਆਪਣੀ ਮੰਜ਼ਲ ‘ਤੇ ਪੁੱਜ ਸਕਣਗੇ।
