ਚੰਡੀਗੜ੍ਹ (ਗੁਰਜੀਤ ਬਿੱਲਾ)
‘ਆਪ’ ਪੰਜਾਬ ਦੇ ਮੀਡੀਆ ਇੰਚਾਰਜ ਬਲਤੇਜ ਪੰਨੂ ਨੇ ਵੀਰਵਾਰ ਇੱਕ ਵਾਰ ਫਿਰ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੀ ਕਾਰਜਪ੍ਰਣਾਲੀ ‘ਤੇ ਗੰਭੀਰ ਸਵਾਲ ਚੁੱਕੇ ਅਤੇ ਸ੍ਰੀ ਅਨੰਦਪੁਰ ਸਾਹਿਬ ਸਰਾਂ ਮਾਮਲੇ ‘ਤੇ ਐੱਸ ਜੀ ਪੀਸੀ ਪ੍ਰਧਾਨ ਹਰਜਿੰਦਰ ਸਿੰਘ ਧਾਮੀ ਅਤੇ ਇਸ ਦੇ “ਮੁੱਖ ਸਰਪ੍ਰਸਤ” ਸੁਖਬੀਰ ਸਿੰਘ ਬਾਦਲ ਤੋਂ ਜਵਾਬ ਮੰਗਿਆ¢ ਉਨ੍ਹਾ ਐੱਸ ਜੀ ਪੀਸੀ ਸਰਾਂ ਵਿੱਚ ਮਹਿਲਾ ਦੇ ਠਹਿਰਨ, 1 ਲੱਖ ਦੇ ਇਲਾਜ ਦੇ ਭੁਗਤਾਨ ਅਤੇ ਰਜਿਸਟਰ ਵਿੱਚ ਗੜਬੜੀਆਂ ਬਾਰੇ ਐੱਸ ਜੀ ਪੀ ਸੀ ਪ੍ਰਧਾਨ ਦੁਆਰਾ ਦਿੱਤੇ ਸਪੱਸ਼ਟੀਕਰਨਾਂ ‘ਤੇ ਸਵਾਲ ਚੁੱਕੇ¢
ਪ੍ਰੈੱਸ ਕਾਨਫਰੰਸ ਨੂੰ ਸੰਬੋਧਨ ਕਰਦਿਆਂ ਪੰਨੂ ਨੇ ਕਿਹਾ, “’ਮੁੱਖ ਮੰਤਰੀ ਭਗਵੰਤ ਸਿੰਘ ਮਾਨ ਨੇ ਸ੍ਰੀ ਅਨੰਦਪੁਰ ਸਾਹਿਬ ਦੇ ਪੂਰੇ ਘਟਨਾਕ੍ਰਮ ਦੀ ਜਾਂਚ ਲਈ ਤਿੰਨ ਮੈਂਬਰੀ ਐੱਸ ਆਈ ਟੀ ਦਾ ਗਠਨ ਕੀਤਾ ਹੈ¢ਐੱਸ ਆਈ ਟੀ ਦੀ ਅਗਵਾਈ ਪੰਜਾਬ ਪੁਲਸ ਅਧਿਕਾਰੀ ਗੁਰਬੰਸ ਸਿੰਘ ਬੈਂਸ ਕਰ ਰਹੇ ਹਨ, ਜਦੋਂ ਕਿ ਸਿਮਰਨਜੀਤ ਸਿੰਘ ਲੰਗ ਅਤੇ ਕਰਨ ਸਿੰਘ ਸੰਧੂ ਇਸ ਦੇ ਮੈਂਬਰ ਹਨ | ਇਹ ਜਾਂਚ ਉਨ੍ਹਾਂ ਬਹੁਤ ਸਾਰੇ ਸਵਾਲਾਂ ਦਾ ਹੱਲ ਕਰੇਗੀ, ਜੋ ਹੁਣ ਤੱਕ ਅਣਸੁਲਝੇ ਰਹੇ ਹਨ |’” ਉਨ੍ਹਾ ਕਿਹਾ, “’ਜਾਂਚ ਵਿੱਚ ਇਹ ਜਵਾਬ ਮਿਲੇਗਾ ਕਿ ਮਹਿਲਾ ਬਹਿਰੀਨ ਤੋਂ ਕਿਵੇਂ ਆਈ, ਸ੍ਰੀ ਅਨੰਦਪੁਰ ਸਾਹਿਬ ਦੀ ਐੱਸ ਜੀ ਪੀ ਸੀ ਸਰਾਂ ਵਿੱਚ ਉਸ ਦੇ ਆਉਣ ਅਤੇ ਠਹਿਰਨ ਦਾ ਪ੍ਰਬੰਧ ਕਿਸ ਨੇ ਕੀਤਾ, ਉਸ ਨੂੰ ਕੀ-ਕੀ ਇੰਤਜ਼ਾਮ ਅਤੇ ਸਹੂਲਤਾਂ ਦਿੱਤੀਆਂ ਗਈਆਂ, ਇਹ ਸਹੂਲਤਾਂ ਕਿਸ ਨੇ ਮਨਜ਼ੂਰ ਕੀਤੀਆਂ ਅਤੇ ਉਸ ਨੂੰ ਮਹੀਨਿਆਂਬੱਧੀ ਉੱਥੇ ਰਹਿਣ ਦੀ ਇਜਾਜ਼ਤ ਕਿਵੇਂ ਦਿੱਤੀ ਗਈ |’ ਆਪ ਪੰਜਾਬ ਦੇ ਮੀਡੀਆ ਇੰਚਾਰਜ ਨੇ ਦਾਅਵਾ ਕੀਤਾ ਕਿ “ਭਗਵੰਤ ਮਾਨ ਸਰਕਾਰ ਨੇ ਹੁਣ ਇਸ ਪੂਰੇ ਮਾਮਲੇ ਦੀ ਜਾਂਚ ਦੇ ਹੁਕਮ ਦਿੱਤੇ ਹਨ, ਜੋ ਉਨ੍ਹਾਂ ਬਹੁਤ ਸਾਰੇ ਸਵਾਲਾਂ ਦਾ ਜਵਾਬ ਦੇਵੇਗੀ, ਜੋ ਹੁਣ ਤੱਕ ਅਣਸੁਲਝੇ ਸਨ¢
ਧਾਮੀ ਦੀ ਪ੍ਰੈੱਸ ਕਾਨਫਰੰਸ ਦਾ ਹਵਾਲਾ ਦਿੰਦਿਆਂ ਬਲਤੇਜ ਪੰਨੂ ਨੇ ਕਿਹਾ—ਐੱਸ ਜੀ ਪੀ ਸੀ ਪ੍ਰਧਾਨ ਦੁਆਰਾ ਖੁਦ ਦਿਖਾਇਆ ਗਿਆ ਰਜਿਸਟਰ ਹੋਰ ਸਵਾਲ ਖੜ੍ਹੇ ਕਰਦਾ ਹੈ¢ ਜੇਕਰ ਤੁਸੀਂ ਰਜਿਸਟਰ ਨੂੰ ਜ਼ੂਮ ਕਰਕੇ ਦੇਖੋ, ਤਾਂ ਕਮਰੇ ‘ਤੇ ਸਪੱਸ਼ਟ ਤÏਰ ‘ਤੇ ‘ਅਮਰਜੀਤ ਸਿੰਘ ਚਾਵਲਾ ਦੁਆਰਾ ਸਿਫਾਰਸ਼ੀ’ ਅਤੇ ‘ਫ੍ਰੀ’ ਲਿਖਿਆ ਹੋਇਆ ਹੈ¢ ਫਿਰ ਉਹ ਇਹ ਦਾਅਵਾ ਕਿਵੇਂ ਕਰ ਸਕਦੇ ਹਨ ਕਿ ਕਮਰਾ 1,000 ਦੇ ਕੇ ਬੁੱਕ ਕੀਤਾ ਗਿਆ ਸੀ?” ਪੰਨੂ ਨੇ ਕਿਹਾ ਕਿ ਧਾਮੀ ਨੇ ਪਹਿਲਾਂ ਮਹਿਲਾ ਨੂੰ 1 ਲੱਖ ਦਿੱਤੇ ਜਾਣ ਤੋਂ ਇਨਕਾਰ ਕੀਤਾ ਸੀ, ਪਰ ਬਾਅਦ ਵਿੱਚ ਆਪਣੀ ਪ੍ਰੈੱਸ ਕਾਨਫਰੰਸ ਵਿੱਚ ਕਬੂਲ ਕੀਤਾ ਕਿ ਇਹ ਰਕਮ ਧਰਮ ਅਰਥ ਕਮੇਟੀ ਦੁਆਰਾ ਦਿੱਤੀ ਗਈ ਸੀ¢ ਐੱਸ ਜੀ ਪੀ ਸੀ ਨੂੰ ਇਹ ਖੁਲਾਸਾ ਕਰਨਾ ਚਾਹੀਦਾ ਹੈ ਕਿ ਧਾਮੀ ਦੇ ਕਾਰਜਕਾਲ ਦÏਰਾਨ ਕਿੰਨੇ ਮਾਨਸਿਕ ਰੋਗੀਆਂ ਨੂੰ ਇਲਾਜ ਲਈ 1-1 ਲੱਖ ਦਿੱਤੇ ਗਏ ਹਨ ਅਤੇ ਇਹ ਭੁਗਤਾਨ ਕਿਸ ਦੀਆਂ ਸਿਫਾਰਸ਼ਾਂ ‘ਤੇ ਕੀਤੇ ਗਏ ਸਨ | ਉਨ੍ਹਾ ਉਸ ਅਰਜ਼ੀ ‘ਤੇ ਵੀ ਸਵਾਲ ਚੁੱਕੇ, ਜਿਸ ਦੇ ਆਧਾਰ ‘ਤੇ 1 ਲੱਖ ਮਨਜ਼ੂਰ ਕੀਤੇ ਗਏ ਸਨ¢ ਬਲਤੇਜ ਸਿੰਘ ਪੰਨੂ ਨੇ ਪੁੱਛਿਆ—ਅਰਜ਼ੀ ਵਿੱਚ ਖੁਦ ਲਿਖਿਆ ਹੈ ਕਿ ਮਹਿਲਾ ਕਈ ਮਹੀਨਿਆਂ ਤੋਂ ਸ੍ਰੀ ਅਨੰਦਪੁਰ ਸਾਹਿਬ ਦੀ ਸਰਾਂ ਵਿੱਚ ਰਹਿ ਰਹੀ ਸੀ¢ ਕੀ ਕਿਸੇ ਨੇ ਇਹ ਧਿਆਨ ਨਹੀਂ ਦਿੱਤਾ ਕਿ ਉਹ ਮਹੀਨਿਆਂ ਤੋਂ ਉੱਥੇ ਰਹਿ ਰਹੀ ਸੀ? ਇੱਕ ਵਾਰ ਜਦੋਂ ਕੋਈ ਝੂਠ ਬੋਲਦਾ ਹੈ, ਤਾਂ ਉਸ ਨੂੰ ਝੂਠ ਨੂੰ ਛੁਪਾਉਣ ਲਈ ਬਾਰ-ਬਾਰ ਝੂਠ ਬੋਲਣਾ ਪੈਂਦਾ ਹੈ | ”ਬਲਤੇਜ ਪੰਨੂ ਨੇ ਸਵਾਲ ਕੀਤਾ, “ਮਾਨਸਿਕ ਤÏਰ ‘ਤੇ ਬਿਮਾਰ ਦੱਸੀ ਗਈ ਅÏਰਤ ਨੂੰ ਸਰਾਂ ‘ਚ ਰੱਖਣ ਅਤੇ ਉਸ ਨੂੰ ਇਲਾਜ ਲਈ 1 ਲੱਖ ਦੇਣ ਦਾ ਕੀ ਤਰਕ ਹੈ? ਚੈੱਕ ਸ੍ਰੀ ਅਨੰਦਪੁਰ ਸਾਹਿਬ ਦੀ ਬਜਾਏ ਅੰਮਿ੍ਤਸਰ ‘ਚ ਕਿਉਂ ਭੁਗਤਾਇਆ ਗਿਆ? ਇਲਾਜ ਕਿੱਥੇ ਚੱਲ ਰਿਹਾ ਸੀ ਅਤੇ ਕਿਹੜੇ ਡਾਕਟਰਾਂ ਨੇ ਇਸ ਦੀ ਸਿਫਾਰਸ਼ ਕੀਤੀ ਸੀ?” ‘ਆਪ’ ਪੰਜਾਬ ਦੇ ਮੀਡੀਆ ਇੰਚਾਰਜ ਨੇ ਅੱਗੇ ਪੁੱਛਿਆ, “ਰਜਿਸਟਰ ਨਾਲ ਕੀਤੀ ਗਈ ਕਥਿਤ ਛੇੜਛਾੜ ਦਾ ਪਤਾ ਅਸਲ ਵਿੱਚ ਕਦੋਂ ਲੱਗਿਆ? ਕੀ ਛੇੜਛਾੜ ਦਾ ਪਤਾ ਐੱਫ ਆਈ ਆਰ ਦਰਜ ਹੋਣ ਤੋਂ ਬਾਅਦ ਲੱਗਿਆ ਜਾਂ ਐੱਸ ਜੀ ਪੀ ਸੀ ਕਮੇਟੀ ਦੇ ਗਠਨ ਸਮੇਂ? ਜੇਕਰ ਇਹ ਪਹਿਲਾਂ ਤੋਂ ਹੀ ਪਤਾ ਸੀ, ਤਾਂ ਇਸ ਨੂੰ ਐੱਸ ਜੀ ਪੀ ਸੀ ਦੀ ਨਿਯਮਤ ਕਾਰਵਾਈ ਵਿੱਚ ਕਿਉਂ ਨਹੀਂ ਲਿਆਂਦਾ ਗਿਆ?””ਉਨ੍ਹਾ ਡਰਾਈਵਰ ਮੋਹਨ ਸਿੰਘ ਦੀ ਮੁਅੱਤਲੀ ‘ਤੇ ਵੀ ਸਵਾਲ ਚੁੱਕੇ¢ ਪੰਨੂ ਨੇ ਪੁੱਛਿਆ, ਜੇਕਰ ਐੱਸ ਜੀ ਪੀ ਸੀ ਪ੍ਰਧਾਨ ਦੇ ਕਹਿਣ ਮੁਤਾਬਕ ਮਹਿਲਾ ਨੂੰ ਕੋਈ ਗੱਡੀ ਨਹੀਂ ਦਿੱਤੀ ਗਈ ਸੀ, ਤਾਂ ਡਰਾਈਵਰ ਨੂੰ ਮੁਅੱਤਲ ਕਿਉਂ ਕੀਤਾ ਗਿਆ? ਜੇਕਰ ਉਹ ਡਰਾਈਵਰ ਸੀ ਤਾਂ ਉਹ ਕਿਸ ਦੀ ਗੱਡੀ ਚਲਾ ਰਿਹਾ ਸੀ?” ਪੰਨੂ ਨੇ ਕਿਹਾ—ਐੱਫ ਆਈ ਆਰ ਵਿੱਚ ਨਾਮਜ਼ਦ ਵਿਅਕਤੀਆਂ ਅਤੇ ਮਾਮਲੇ ਨਾਲ ਜੁੜੇ ਹੋਰ ਲੋਕਾਂ ਦੇ ਬਿਆਨਾਂ ਨੇ ਹੋਰ ਸਵਾਲ ਖੜ੍ਹੇ ਕਰ ਦਿੱਤੇ ਹਨ¢ ਅਮਰਜੀਤ ਸਿੰਘ ਚਾਵਲਾ ਨੇ ਆਪਣੇ ਇੰਟਰਵਿਊ ਵਿੱਚ ਦੱਸਿਆ ਸੀ ਕਿ ਵਿਰਸਾ ਸਿੰਘ ਵਲਟੋਹਾ ਨੇ ਮਹਿਲਾ ਨੂੰ ਸਰਾਂ ਵਿੱਚ ਠਹਿਰਾਉਣ ਲਈ ਕਿਹਾ ਸੀ¢ ਜੇਕਰ ਅਜਿਹਾ ਹੈ, ਤਾਂ ਉਹ ਏਨੇ ਸਮੇਂ ਤੋਂ ਇਸ ਗੱਲ ਤੋਂ ਕਿਵੇਂ ਇਨਕਾਰ ਕਰ ਰਹੇ ਸਨ ਕਿ ਉਹ ਮਹੀਨਿਆਂ ਤੱਕ ਉੱਥੇ ਰਹੀ ਸੀ?
