ਸਮਲਿੰਗੀ ਵਿਆਹ ਸ਼ਹਿਰੀ ਕੁਲੀਨ ਵਿਚਾਰ : ਕੇਂਦਰ

ਨਵੀਂ ਦਿੱਲੀ : ਕੇਂਦਰ ਨੇ ਸੁਪਰੀਮ ਕੋਰਟ ਨੂੰ ਕਿਹਾ ਹੈ ਕਿ ਸਮਲਿੰਗੀ ਵਿਆਹਾਂ ਨੂੰ ਮਾਨਤਾ ਦੇਣ ਦੀ ਮੰਗ ਕਰਨ ਵਾਲੀਆਂ ਪਟੀਸ਼ਨਾਂ ‘ਸ਼ਹਿਰੀ ਕੁਲੀਨ’ ਵਿਚਾਰਾਂ ਨੂੰ ਦਰਸਾਉਂਦੀਆਂ ਹਨ ਅਤੇ ਵਿਆਹ ਦੀ ਮਾਨਤਾ ਦੇਣਾ ਲਾਜ਼ਮੀ ਤੌਰ ’ਤੇ ਕਾਨੂੰਨੀ ਕੰਮ ਹੈ, ਜਿਸ ’ਤੇ ਅਦਾਲਤਾਂ ਨੂੰ ਫੈਸਲਾ ਕਰਨ ਤੋਂ ਬਚਣਾ ਚਾਹੀਦਾ ਹੈ।
ਕੇਂਦਰ ਨੇ ਪਟੀਸ਼ਨਾਂ ਵਿਚਾਰ ਅਧੀਨ ਹੋਣ ’ਤੇ ਸਵਾਲ ਉਠਾਉਂਦੇ ਹੋਏ ਕਿਹਾ ਕਿ ਸੁਪਰੀਮ ਕੋਰਟ ਸਾਹਮਣੇ ਜੋ ਪਟੀਸ਼ਨਾਂ ਰੱਖੀਆਂ ਗਈਆਂ ਹਨ, ਉਹ ਸਿਰਫ ਸ਼ਹਿਰੀ ਕੁਲੀਨ ਵਿਚਾਰ ਹੈ।
ਸਮਰਥ ਵਿਧਾਨ ਪਾਲਿਕਾ ਨੂੰ ਸਾਰੀਆਂ ਪੇਂਡੂ, ਅਰਧ-ਪੇਂਡੂ ਅਤੇ ਸ਼ਹਿਰੀ ਆਬਾਦੀ ਦੇ ਵਿਆਪਕ ਵਿਚਾਰਾਂ ਅਤੇ ਧਾਰਮਕ ਸੰਪਰਦਾਵਾਂ ਦੇ ਵਿਚਾਰਾਂ ਨੂੰ ਧਿਆਨ ’ਚ ਰੱਖਣਾ ਹੋਵੇਗਾ।