ਸਿਡਨੀ ਸਟੇਡੀਅਮ ਗੁਲਾਬੀ ਰੰਗ ’ਚ ਰੰਗਿਆ ਗਿਆ

ਸਿਡਨੀ : ਸ਼ੁੱਕਰਵਾਰ ਇੱਥੇ ਆਸਟਰੇਲੀਆਈ ਤੇ ਭਾਰਤੀ ਟੀਮ ਵਿਚਾਲੇ ਕਿ੍ਰਕਟ ਮੈਚ ਦੌਰਾਨ ਵੱਖਰਾ ਨਜ਼ਾਰਾ ਦੇਖਣ ਨੂੰ ਮਿਲਿਆ, ਜਦ ਦਰਸ਼ਕ ਗੁਲਾਬੀ ਰੰਗ ’ਚ ਰੰਗੇ ਨਜ਼ਰ ਆਏ। ਸਿਡਨੀ ਸ਼ਹਿਰ, ਖਾਸ ਕਰਕੇ ਕਿ੍ਰਕਟ ਸਟੇਡੀਅਮ ਪੂਰੀ ਤਰ੍ਹਾਂ ਨਾਲ ਗੁਲਾਬੀ ਰੰਗ ’ਚ ਰੰਗਿਆ ਹੋਇਆ ਸੀ। ਦਰਸ਼ਕਾਂ ਨੇ ਗੁਲਾਬੀ ਟੀ ਸ਼ਰਟਾਂ, ਟੋਪੀਆਂ, ਦਸਤਾਰਾਂ, ਕਮੀਜ਼ਾਂ ਪਾ ਕੇ ਛਾਤੀ ਦੇ ਕੈਂਸਰ ਤੋਂ ਪੀੜਤ ਔਰਤਾਂ ਲਈ ਇੱਕਮੁਠਤਾ ਪ੍ਰਗਟ ਕੀਤੀ। ਪੀੜਤਾਂ ਦੇ ਇਲਾਜ ਲਈ ਫੰਡ ਜੁਟਾਉਣ ਦੇ ਮਨੋਰਥ ਨਾਲ ਸਟੇਡੀਅਮ ’ਚ ਗੁਲਾਬੀ ਝੰਡੇ ਵੀ ਲਹਿਰਾਏ ਗਏ। ਇਸ ਨੂੰ ਸਿਡਨੀ ਪਿੰਕ ਟੈਸਟ ਦੇ ਤੌਰ ’ਤੇ ਜਾਣਿਆ ਜਾਂਦਾ ਹੈ। ਪਿੰਕ ਟੈਸਟ ਮੈਚ ਕਰਵਾਉਣ ਦੇ ਪਿੱਛੇ ਮੁੱਖ ਉਦੇਸ਼ ਛਾਤੀ ਦੇ ਕੈਂਸਰ ਬਾਰੇ ਜਾਗਰੂਕਤਾ ਫੈਲਾਉਣਾ ਹੈ। ਆਸਟਰੇਲੀਆ ਦੇ ਸਾਬਕਾ ਕਿ੍ਰਕਟ ਖਿਡਾਰੀ ਗਲੈਨ ਮੈਕਗ੍ਰਾ ਦੀ ਪਤਨੀ ਜੇਨ (42) ਕੈਂਸਰ ਦੀ ਬਿਮਾਰੀ ਤੋਂ ਪੀੜਤ ਸੀ ਤੇ ਉਸ ਦੀ ਮੌਤ ਹੋ ਗਈ ਸੀ। ਗਲੈਨ ਨੇ 2005 ’ਚ ਪਤਨੀ ਨੂੰ ਛਾਤੀ ਦੇ ਕੈਂਸਰ ਦਾ ਪਤਾ ਲੱਗਣ ਤੋਂ ਬਾਅਦ ਮੈਕਗ੍ਰਾ ਫਾਊਂਡੇਸ਼ਨ ਦੀ ਸ਼ੁਰੂਆਤ ਕੀਤੀ ਅਤੇ ਇਸ ਕਾਰਜ ਲਈ ਫੰਡ ਜੁਟਾਉਣ ਲਈ ਕਿ੍ਰਕਟ ਮੈਚ ਸ਼ੁਰੂ ਕੀਤੇ।