ਸ਼ਾਹ ਦੇ ਮਾਓਵਾਦੀ ਵਿਚਾਰਧਾਰਾ ਦੇ ਹਾਮੀਆਂ ਖਿਲਾਫ ਜੰਗ ਦੇ ਐਲਾਨ ਦੀ ਦੇਸ਼ ਭਗਤਾਂ ਵੱਲੋਂ ਕਰੜੀ ਨਿੰਦਾ

ਜਲੰਧਰ : ਆਜ਼ਾਦੀ ਦੀ ਜੱਦੋ-ਜਹਿਦ ਨਾਲ ਜੁੜੀਆਂ ਅਣਗÏਲੀਆਂ ਕੀਤੀਆਂ ਜਾ ਰਹੀਆਂ ਰÏਸ਼ਨ ਮਿਸਾਲ ਲਹਿਰਾਂ ਕੂਕਾ ਲਹਿਰ, ਗ਼ਦਰ ਲਹਿਰ, ਬੱਬਰ ਅਕਾਲੀ ਲਹਿਰ, ਕਿਰਤੀ ਲਹਿਰ, ਆਜ਼ਾਦ ਹਿੰਦ ਫÏਜ ਅਤੇ ਨÏਜਵਾਨ ਭਾਰਤ ਸਭਾ ਲਹਿਰ ਦੀ ਵਾਰਸ, ਅਮੁੱਲੀ ਇਤਿਹਾਸਕ ਵਿਰਾਸਤ ਦੀ ਲੋਅ ਜਗਦੀ ਰੱਖ ਰਹੇ ਦੇਸ਼ ਭਗਤ ਯਾਦਗਾਰ ਹਾਲ ਦੀ ਵਿਰਾਸਤੀ ਕਮੇਟੀ ਦੇਸ਼ ਭਗਤ ਯਾਦਗਾਰ ਕਮੇਟੀ ਨੇ ਲਿਖਤੀ ਬਿਆਨ ‘ਚ ਕਿਹਾ ਕਿ ਆਪਣੇ ਆਪ ਨੂੰ ਵਿਸ਼ਵ ਗੁਰੂ, ਅਮਨ ਦੇ ਪੁਜਾਰੀ ਅਤੇ ਹਿੰਸਾ ਵਿਰੋਧੀ ਕਹਾਉਣ ਦੀ ਦਾਅਵੇਦਾਰ ਭਾਜਪਾ ਹਕੂਮਤ ਦੇ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਦੇ ਮੂੰਹੋਂ ਇਹ ਨਿਸੰਗ ਐਲਾਨ ਸ਼ੋਭਾ ਨਹੀਂ ਦਿੰਦਾ ਕਿ ‘ਮਾਰਚ 2026 ਤੋਂ ਪਹਿਲਾਂ-ਪਹਿਲਾਂ ਭਾਰਤ ਨੂੰ ਮਾਓਵਾਦ ਤੋਂ ਮੁਕਤ ਕੀਤਾ ਜਾਏਗਾ ਤੇ ਇਸ ਵਿਚਾਰਧਾਰਾ ਦੇ ਹਮਾਇਤੀਆਂ ਖ਼ਿਲਾਫ਼ ਵੀ ਜੰਗ ਲੜਨੀ ਪਵੇਗੀ |’
ਦੇਸ਼ ਭਗਤ ਯਾਦਗਾਰ ਕਮੇਟੀ ਦੇ ਪ੍ਰਧਾਨ ਅਜਮੇਰ ਸਿੰਘ, ਜਨਰਲ ਸਕੱਤਰ ਪਿ੍ਥੀਪਾਲ ਸਿੰਘ ਮਾੜੀਮੇਘਾ, ਮੀਤ ਪ੍ਰਧਾਨ ਕੁਲਵੰਤ ਸਿੰਘ ਸੰਧੂ, ਸਹਾਇਕ ਸਕੱਤਰ ਚਰੰਜੀ ਲਾਲ ਕੰਗਣੀਵਾਲ, ਵਿੱਤ ਸਕੱਤਰ ਸੀਤਲ ਸਿੰਘ ਸੰਘਾ ਅਤੇ ਸੱਭਿਆਚਾਰਕ ਵਿੰਗ ਦੇ ਕਨਵੀਨਰ ਅਮੋਲਕ ਸਿੰਘ ਨੇ ਕਿਹਾ ਕਿ ਦੁਨੀਆ ਦਾ ਇਤਿਹਾਸ ਗਵਾਹ ਹੈ ਕਿ ਹਕੂਮਤ ਸਿਰ ਵਡੇਰੀ ਜ਼ਿੰਮੇਵਾਰੀ ਹੁੰਦੀ ਹੈ ਕਿ ਉਹ ਰਾਜ ਦੇ ਕਿਸੇ ਵੀ ਤਬਕੇ ਜਾਂ ਖਿੱਤੇ ਅੰਦਰ ਅਸੰਤੋਸ਼ ਫੈਲਣ ਦੇ ਆਰਥਕ, ਰਾਜਨੀਤਕ, ਸਮਾਜਕ ਅਤੇ ਸੱਭਿਆਚਾਰਕ ਕਾਰਨਾਂ ਦੀ ਗਹਿਰਾਈ ‘ਚ ਜਾ ਕੇ ਖੋਜ-ਪੜਤਾਲ ਕਰੇ ਅਤੇ ਗੱਲਬਾਤ ਰਾਹੀਂ ਉਸ ਦਾ ਢੁਕਵਾਂ, ਜਚਣਹਾਰ ਅਤੇ ਜਮਹੂਰੀ ਵਿਧੀ ਰਾਹੀਂ ਹੱਲ ਕਰੇ, ਨਾ ਕਿ ਸਿਰ ਤੋਂ ਪੈਰਾਂ ਤੱਕ ਹਥਿਆਰਾਂ ਨਾਲ ਲੈਸ ਹਕੂਮਤ ਆਪਣੀ ਰਾਜਕੀ ਦਬਸ ਨਾਲ ਜਾਂ ‘ਸਫ਼ਾਇਆ ਕਰੋ ਮੁਹਿੰਮ’ ਨਾਲ ਉਸ ਦੀ ਆਵਾਜ਼ ਬੰਦ ਕਰਨ ਦੇ ਫੁਰਮਾਨ ਕਰੇ¢
ਕਮੇਟੀ ਦਾ ਵਿਚਾਰ ਹੈ ਕਿ ਦੇਸੀ-ਬਦੇਸ਼ੀ ਧਾੜਵੀ ਕੰਪਨੀਆਂ ਨੂੰ ਜੰਗਲ, ਜਲ, ਜ਼ਮੀਨ, ਕੁਦਰਤੀ ਅਨਮੋਲ ਖ਼ਜ਼ਾਨੇ ਆਦਿ ਦੀ ਅੰਨ੍ਹੀ ਲੁੱਟ ਅਤੇ ਆਦਿਵਾਸੀਆਂ ਦੀ ਜ਼ਿੰਦਗੀ ਨੂੰ ਸਹਿਮ ਦੇ ਛਾਏ ਅਤੇ ਬੰਦੂਕ ਦੀ ਨੋਕ ‘ਤੇ ਉਜਾੜਨ, ਜੇਲ੍ਹੀਂ ਡੱਕਣ ਅਤੇ ਜ਼ੁਲਮੋਂ ਸਿਤਮ ਦੇ ਝੱਖੜਾਂ ਮੂੰਹ ਧੱਕਣਾ ਬੰਦ ਕੀਤਾ ਜਾਏ ¢
ਕਮੇਟੀ ਨੇ ਕਿਹਾ ਕਿ ਹਥਿਆਰਬੰਦ ਲਸ਼ਕਰਾਂ ਦਾ ਕਹਿਰ ਬੰਦ ਕਰਨ ਦੀ ਬਜਾਏ ਸ਼ਾਂਤੀ ਵਾਰਤਾ ਦੇ ਸਾਰੇ ਦਰਵਾਜ਼ੇ ਮੁਕੰਮਲ ਬੰਦ ਕਰਕੇ ਸਿਰਫ਼ ਗੋਲੀ ਹੀ ਇੱਕੋ ਇਕ ਰਾਹ ਦੀ ਵਕਾਲਤ ਕਰਨਾ ਗੈਰ-ਸੰਵਿਧਾਨਕ, ਗੈਰ-ਜਮਹੂਰੀ ਅਤੇ ਗੈਰ-ਮਾਨਵੀ ਹੈ¢
ਦੇਸ਼ ਭਗਤ ਯਾਦਗਾਰ ਕਮੇਟੀ ਨੇ ਕਿਹਾ ਕਿ ਸੀ ਪੀ ਆਈ ਦੇ ਜਨਰਲ ਸਕੱਤਰ ਡੀ. ਰਾਜਾ ਨੇ ਭਾਰਤ ਸਰਕਾਰ ਨੂੰ ਆਦਿਵਾਸੀ ਖੇਤਰ ਦੀ ਸਮੱਸਿਆ ਦੇ ਹੱਲ ਲਈ ਵਾਰਤਾਲਾਪ ਸ਼ੁਰੂ ਕਰਨ ‘ਤੇ ਜ਼ੋਰ ਦੇਣ ਦੀ ਜ਼ੋਰਦਾਰ ਵਕਾਲਤ ਕੀਤੀ ਹੈ¢ ਉਹਨਾ ਕਿਹਾ ਕਿ ਡੀ. ਰਾਜਾ ਦੇ ਬਿਆਨ ਵਿੱਚ ਠੋਸ ਦਲੀਲ ਪੇਸ਼ ਕੀਤੀ ਗਈ ਹੈ ਕਿ ਭਾਜਪਾ ਹਕੂਮਤ ਗੱਲਬਾਤ ਦੇ ਰਾਹ ਤੋਂ ਭਲਾ ਮੁਨਕਰ ਕਿਉਂ ਹੋ ਰਹੀ ਹੈ | ਰਾਜਾ ਨੇ ਚੰਡੀਗੜ੍ਹ ਵਿੱਚ ਹੋਈ ਪਾਰਟੀ ਦੀ 25ਵੀਂ ਕੇਂਦਰੀ ਕਾਂਗਰਸ ਵਿੱਚ ਇਸ ਸੰਬੰਧੀ ਪਾਸ ਮਤੇ ਦਾ ਹਵਾਲਾ ਦਿੰਦਿਆਂ ਦਿੱਲੀ ਸਥਿਤ ਪਾਰਟੀ ਦੇ ਕੇਂਦਰੀ ਦਫ਼ਤਰ ਵਿੱਚ ਪ੍ਰੈੱਸ ਕਾਨਫਰੰਸ ਨੂੰ ਸੰਬੋਧਨ ਕਰਦਿਆਂ ਇਹ ਵੀ ਕਿਹਾ ਕਿ ਭਾਜਪਾ ਸਰਕਾਰ ਜੰਗਲ, ਜਲ, ਜ਼ਮੀਨ ਅਡਾਨੀ ਵਰਗੇ ਕਾਰਪੋਰੇਟ ਘਰਾਣਿਆਂ ਦੇ ਹਵਾਲੇ ਕਰਨ ਲਈ ਸਾਰੇ ਰਾਹ ਪੱਧਰੇ ਕਰਨ ਲਈ ਹਰ ਤਰ੍ਹਾਂ ਦੀ ਨਾਬਰ ਆਵਾਜ਼ ਤੇ ਪ੍ਰਤੀਰੋਧ ਦੀ ਸੰਘੀ ਨੱਪਣ ਦੇ ਰਾਹ ਪੈ ਰਹੀ ਹੈ¢ਦੇਸ਼ ਭਗਤ ਯਾਦਗਾਰ ਕਮੇਟੀ ਨੇ ਖ਼ਦਸ਼ਾ ਜ਼ਾਹਰ ਕੀਤਾ ਹੈ ਕਿ ਅੱਜ ‘ਮਾਓਵਾਦ ਮੁਕਤ ਭਾਰਤ ਦੀ ਗੱਲ’ ਭਲਕੇ ਕਿਸੇ ਕਿਸਮ ਦੇ ਵੀ ਭਾਜਪਾ, ਆਰ ਐੱਸ ਐੱਸ ਵਿਰੋਧੀ ਵਿਚਾਰ ਤੋਂ ਮੁਕਤ ਭਾਰਤ ਵਿੱਚ ਬਦਲ ਜਾਏਗੀ, ਪਰ ਉਦੋਂ ਬਹੁਤ ਦੇਰ ਹੋ ਚੁੱਕੀ ਹੋਏਗੀ | ਇਸ ਲਈ ਸਮੇਂ ਦੀ ਤੀਬਰ ਮੰਗ ਹੈ ਕਿ ਭਾਜਪਾ ਵੱਲੋਂ ਲੋਕਾਂ ਖ਼ਿਲਾਫ਼ ਛੇੜੀ ਅੰਨ੍ਹੀ ਜੰਗ ਦੇ ਦੂਰਰਸ ਗੰਭੀਰ ਨਤੀਜਿਆਂ ਨੂੰ ਸਮਝਦੇ ਹੋਏ ਇਸ ਖ਼ਿਲਾਫ਼ ਵਿਸ਼ਾਲ ਜਨਤਕ ਲਹਿਰ ਉਸਾਰਨ ਲਈ ਸਮੂਹ ਲੋਕ-ਪੱਖੀ, ਜਨਤਕ ਜਮਹੂਰੀ, ਵਿਗਿਆਨਕ ਸ਼ਕਤੀਆਂ ਨੂੰ ਮਿਲ਼ ਕੇ ਅੱਗੇ ਆਉਣ ਦੀ ਲੋੜ ਹੈ¢