ਸਰਹੱਦ ਨੇੜਿਓਾ ਛੇ ਏ ਕੇ ਰਾਈਫਲਾਂ ਬਰਾਮਦ

ਮਮਦੋਟ (ਜਸਬੀਰ ਸਿੰਘ ਕੰਬੋਜ)-ਜ਼ਿਲ੍ਹਾ ਫਿਰੋਜ਼ਪੁਰ ‘ਚ ਪਾਕਿਸਤਾਨ ਦੇ ਨਾਲ ਲੱਗਦੀ ਸਰਹੱਦ ਨੇੜੇ ਬੀ ਐੱਸ ਐੱਫ ਦੀ ਜਗਦੀਸ਼ ਚੌਕੀ ਕੋਲ ਖੇਤ ਵਿਚ ਮਿਲੇ ਬੈਗ ਵਿੱਚੋਂ ਤਿੰਨ ਏ ਕੇ 47 ਰਾਈਫਲਾਂ ਤੇ ਉਨ੍ਹਾਂ ਦੇ ਛੇ ਮੈਗਜ਼ੀਨ, ਤਿੰਨ ਮਿੰਨੀ ਏ ਕੇ 47 ਰਾਈਫਲਾਂ ਤੇ ਉਨ੍ਹਾਂ ਦੇ ਪੰਜ ਮੈਗਜ਼ੀਨ, ਤਿੰਨ ਪਿਸਤੌਲ ਤੇ ਉਨ੍ਹਾਂ ਦੇ 6 ਮੈਗਜ਼ੀਨ ਅਤੇ 200 ਕਾਰਤੂਸ ਬਰਾਮਦ ਹੋਏ ਹਨ | 136ਵੀਂ ਬਟਾਲੀਅਨ ਦੇ ਜਵਾਨਾਂ ਨੇ ਸ਼ੁੱਕਰਵਾਰ ਰਾਤ ਇਲਾਕੇ ਵਿਚ ਡਰੋਨ ਦੀ ਮੂਵਮੈਂਟ ਦੇਖੀ ਸੀ ਤੇ ਸਵੇਰੇ ਸਰਚ ਦੌਰਾਨ ਹਥਿਆਰ ਬਰਾਮਦ ਕੀਤੇ ਗਏ | ਬੈਗ ਦੇ ਉੱਪਰ ਡਰੋਨ ਨਾਲ ਲਟਕਾਏ ਜਾਣ ਵਾਲੀ ਹੁੱਕ ਵੀ ਲੱਗੀ ਹੋਈ ਸੀ | ਪਿਛਲੇ ਦਿਨੀਂ ਸਰਹੱਦੀ ਪਿੰਡ ਮੁੱਠਿਆਂ ਵਾਲਾ ਕੋਲ ਵੀ ਹਥਿਆਰਾਂ ਦੀ ਖੇਪ ਮਿਲੀ ਸੀ |