ਦੂਜਿਆਂ ਨੂੰ ਭੰਡਣ ਵਾਲੀ ਭਾਜਪਾ ਦਾ ਪਰਵਾਰਵਾਦ

ਲਖਨਊ : ਸਮਾਜਵਾਦੀ ਪਾਰਟੀ ਦੇ ਪ੍ਰਧਾਨ ਅਖਿਲੇਸ਼ ਯਾਦਵ ਨੇ ਮੰਗਲਵਾਰ ਇਕ ਚਾਰਟ ਜਾਰੀ ਕਰਕੇ ਦੱਸਿਆ ਕਿ ਦੂਜੀਆਂ ਪਾਰਟੀਆਂ ਨੂੰ ਪਰਵਾਰਵਾਦ ਦੇ ਨਾਂਅ ‘ਤੇ ਭੰਡਣ ਵਾਲੀ ਭਾਜਪਾ ਦੀ ਹਾਲਤ ਕੀ ਹੈ | ਮੈਨਪੁਰੀ ਲੋਕ ਸਭਾ ਹਲਕੇ ਦੀ ਜ਼ਿਮਨੀ ਚੋਣ ਤੋਂ ਪਹਿਲਾਂ ਅਖਿਲੇਸ਼ ਵੱਲੋਂ ਜਾਰੀ ਚਾਰਟ ‘ਚ ਭਾਜਪਾ ਆਗੂਆਂ ਤੇ ਉਨ੍ਹਾਂ ਦੇ ਧੀਆਂ-ਪੁੱਤਾਂ ਦੀਆਂ ਤਸਵੀਰਾਂ ਹਨ, ਜਿਹੜੇ ਸਿਆਸਤ ਕਰ ਰਹੇ ਹਨ | ਮੁਲਾਇਮ ਸਿੰਘ ਯਾਦਵ ਦੀ ਮੌਤ ਕਾਰਨ ਖਾਲੀ ਹੋਈ ਮੈਨਪੁਰੀ ਸੀਟ ਤੋਂ ਅਖਿਲੇਸ਼ ਦੀ ਪਤਨੀ ਡਿੰਪਲ ਯਾਦਵ ਚੋਣ ਲੜ ਰਹੀ ਹੈ |