ਧਰਮਪੁਰ ਨੇੜੇ ਫਗਵਾੜੇ ਦੇ ਬੰਦੇ ਦੀ ਮੌਤ

ਸੋਲਨ : ਚੰਡੀਗੜ੍ਹ-ਸ਼ਿਮਲਾ ਸੜਕ ’ਤੇ ਧਰਮਪੁਰ ਕੋਲ ਦਤਿਆਰ ਵਿਖੇ ਬੋਲੈਰੋ ’ਤੇ ਸੋਮਵਾਰ ਤੜਕੇ ਵੱਡੇ ਪੱਥਰ ਡਿੱਗਣ ਕਾਰਨ ਫਗਵਾੜਾ ਵਾਸੀ ਦੀ ਮੌਤ ਹੋ ਗਈ ਤੇ ਤਿੰਨ ਜ਼ਖਮੀ ਹੋ ਗਏ। ਬੋਲੈਰੋ ਜਲੰਧਰ ਤੋਂ ਅਖਬਾਰ ਦੀ ਸਪਲਾਈ ਦੇਣ ਸ਼ਿਮਲਾ ਜਾ ਰਹੀ ਸੀ ਕਿ ਢਿੱਗਾਂ ਤੇ ਪੱਥਰ ਉਸ ’ਤੇ ਆਣ ਵੱਜੇ। ਇਸ ਦੌਰਾਨ ਫਗਵਾੜਾ ਦੇ ਦੇਵ ਰਾਜ (40) ਦੀ ਮੌਕੇ ’ਤੇ ਮੌਤ ਹੋ ਗਈ ਅਤੇ ਗੜ੍ਹਸ਼ੰਕਰ ਦਾ ਕੁਲਦੀਪ ਸਿੰਘ (43) ਅਤੇ ਜਲੰਧਰ ਦੀ ਵੰਦਨਾ ਸੋਂਧੀ (43) ਤੇ ਉਸ ਦਾ ਬੇਟਾ ਭਾਵੁਕ (23) ਜ਼ਖਮੀ ਹੋ ਗਏ।