ਗਰਭਵਤੀ ਕਰੋ ਦਾ ਇਸ਼ਤਿਹਾਰ ਪੜ੍ਹ ਕੇ ਲੁੱਟਿਆ ਗਿਆ

ਚੰਡੀਗੜ੍ਹ : ਤੁਸੀਂ ਅਕਸਰ ਸੋਸ਼ਲ ਮੀਡੀਆ ‘ਤੇ ਨੌਕਰੀ ਅਤੇ ਪੈਸੇ ਲਈ ਵੱਖੋ-ਵੱਖਰੇ ਇਸ਼ਤਿਹਾਰ ਅਤੇ ਜੌਬ ਆਫ਼ਰ ਦੇਖਦੇ ਹੋ | ਪਰ ਹਾਲ ਹੀ ਵਿੱਚ ‘ਆਲ ਇੰਡੀਆ ਪ੍ਰੈਗਨੈਂਟ ਜੌਬ ਸਰਵਿਸ’ ਦੇ ਨਾਂਅ ਹੇਠ ਅਜੀਬੋ-ਗਰੀਬ ਇਸ਼ਤਿਹਾਰ ਸਕੈਮ ਸਾਹਮਣੇ ਆਇਆ ਹੈ | ਵੇਰਵਿਆਂ ਅਨੁਸਾਰ ਇਸ ਸਕੈਮ ਤਹਿਤ ਭੋਲੇ-ਭਾਲੇ ਮਰਦਾਂ ਨੂੰ ਅਮੀਰ ਅÏਰਤਾਂ ਨੂੰ ਗਰਭਵਤੀ ਕਰਨ ਦੇ ਬਦਲੇ ਮੋਟੀ ਰਕਮ ਅਤੇ ਹੋਟਲ ਵਿੱਚ ਰਾਤ ਬਿਤਾਉਣ ਦਾ ਲਾਲਚ ਦੇ ਕੇ ਲੱਖਾਂ ਰੁਪਏ ਲੁੱਟੇ ਜਾ ਰਹੇ ਹਨ | ‘ਆਲ ਇੰਡੀਆ ਪ੍ਰੈਗਨੈਂਟ ਜੌਬ ਸਰਵਿਸ’ ਦਾ ਮਾਮਲਾ ਸਭ ਨੂੰ ਹੈਰਾਨ ਕਰਨ ਵਾਲਾ ਹੈ | ਪੁਲਸ ਅਨੁਸਾਰ, ਇਹ ਕੋਈ ਅਸਲ ਨੌਕਰੀ ਨਹੀਂ ਹੈ, ਸਗੋਂ ਮਰਦਾਂ ਨੂੰ ਪੈਸਿਆਂ ਅਤੇ ਸਰੀਰਕ ਸੰਬੰਧਾਂ ਦਾ ਲਾਲਚ ਦੇ ਕੇ ਲੁੱਟਣ ਦਾ ਇੱਕ ਸੰਗਠਿਤ ਜਾਲ ਹੈ | ਇਸ ਠੱਗੀ ਦੀ ਸ਼ੁਰੂਆਤ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਜਿਵੇਂ ਕਿ ਫੇਸਬੁੱਕ ਅਤੇ ਇੰਸਟਾਗ੍ਰਾਮ ‘ਤੇ ਦਿੱਤੇ ਗਏ ਇਸ਼ਤਿਹਾਰਾਂ ਜਾਂ ਵੀਡੀਓਜ਼ ਤੋਂ ਹੁੰਦੀ ਹੈ | ਇਨ੍ਹਾਂ ਵਿੱਚ ਦਾਅਵਾ ਕੀਤਾ ਜਾਂਦਾ ਹੈ ਕਿ ਇੱਕ ਨੌਕਰੀ ਉਪਲੱਬਧ ਹੈ ਜਿਸ ਵਿੱਚ ਬੱਚਾ ਪੈਦਾ ਕਰਨ ਵਿੱਚ ਅਸਮਰੱਥ ਅਮੀਰ ਅÏਰਤਾਂ ਦੀ ਮਦਦ ਕਰਨੀ ਹੈ | ਬੀ ਬੀ ਸੀ ਦੀ ਰਿਪੋਰਟ ਅਨੁਸਾਰ ਇੱਕ ਫੇਸਬੁੱਕ ਵੀਡੀਓ ਤੋਂ ਨੌਕਰੀ ਲਈ ਇਸ ਘੁਟਾਲੇ ਦਾ ਸ਼ਿਕਾਰ ਹੋਏ ਬਿਹਾਰ ਦੇ ਇਕ 33 ਸਾਲਾ ਵਿਅਕਤੀ ਨੇ ਦੱਸਿਆ ਕਿ ਉਸ ਨੇ ਫੇਸਬੁੱਕ ‘ਤੇ ਇਸ ਕਥਿਤ ਨੌਕਰੀ ਦਾ ਇਸ਼ਤਿਹਾਰ ਦੇਖਿਆ ਸੀ | ਇਹ ਵਿਅਕਤੀ ਜੋ ਵਿਆਹਾਂ ਵਿੱਚ ਸਜਾਵਟ ਦਾ ਕੰਮ ਕਰਕੇ ਮਹੀਨੇ ਦੇ ਸਿਰਫ਼ 15,000 ਰੁਪਏ ਕਮਾਉਂਦਾ ਹੈ, ਨੂੰ ਠੱਗਾਂ ਨੇ 5 ਲੱਖ ਰੁਪਏ ਸਿਰਫ਼ ਸਰੀਰਕ ਸੰਬੰਧ ਬਣਾਉਣ ਲਈ ਅਤੇ ਅÏਰਤ ਦੇ ਗਰਭਵਤੀ ਹੋਣ ‘ਤੇ 8 ਲੱਖ ਰੁਪਏ ਵਾਧੂ ਦੇਣ ਦਾ ਲਾਲਚ ਦਿੱਤਾ | ਮੰਗੇਸ਼ ਨੇ ਕਿਹਾ, ‘ਮੈਂ ਇੱਕ ਗਰੀਬ ਆਦਮੀ ਹਾਂ ਅਤੇ ਮੈਨੂੰ ਪੈਸਿਆਂ ਦੀ ਸਖ਼ਤ ਲੋੜ ਸੀ, ਇਸ ਲਈ ਮੈਂ ਉਨ੍ਹਾਂ ‘ਤੇ ਵਿਸ਼ਵਾਸ ਕਰ ਲਿਆ” |