ਕੋਲੰਬੀਆ ‘ਚ ਜ਼ਬਰਦਸਤ ਭੂਚਾਲ, 132 ਮੌਤਾਂ

ਪੇਰੇਇਰਾ : ਮੀਡੀਆ ਦੇ ਹਵਾਲੇ ਨਾਲ ਕੋਲੰਬੀਆਈ ਐਸੋਸੀਏਸ਼ਨ ਆਫ਼ ਕੈਪੀਟਲ ਸਿਟੀਜ਼ ਨੇ ਦੱਸਿਆ ਕਿ ਕੋਲੰਬੀਆ ਵਿੱਚ 7.4 ਤੀਬਰਤਾ ਦਾ ਭੂਚਾਲ ਆਉਣ ਤੋਂ ਬਾਅਦ ਘੱਟੋ-ਘੱਟ 132 ਲੋਕਾਂ ਦੀ ਮੌਤ ਹੋ ਗਈ ਹੈ ਅਤੇ 570 ਜ਼ਖ਼ਮੀ ਹੋ ਗਏ ਹਨ। ਰਾਸ਼ਟਰਪਤੀ ਨਾਲ ਆਫ਼ਤ ਪ੍ਰਤੀਕਿਰਿਆ ਮੀਟਿੰਗ ਵਿੱਚ ਹਿੱਸਾ ਲੈਣ ਉਪਰੰਤ ਐਸੋਸੀਏਸ਼ਨ ਨੇ ਕਿਹਾ ਕਿ ਇਕੱਲੇ ਪੇਰੇਇਰਾ ਸ਼ਹਿਰ ਵਿੱਚ 60 ਮੌਤਾਂ ਦੀ ਰਿਪੋਰਟ ਹੈ। ਐਸੋਸੀਏਸ਼ਨ ਅਨੁਸਾਰ ਦੇਸ਼ ਭਰ ਵਿੱਚ ਪੰਜ ਰਾਜਧਾਨੀ ਸ਼ਹਿਰ ਰੈੱਡ ਅਲਰਟ ਹੇਠ ਹਨ ਅਤੇ 86 ਇਮਾਰਤਾਂ ਢਹਿ ਗਈਆਂ ਹਨ ਅਤੇ ਸੱਤ ਹਵਾਈ ਅੱਡਿਆਂ ‘ਤੇ ਸੰਚਾਲਨ ਮੁਅੱਤਲ ਕਰ ਦਿੱਤਾ ਗਿਆ ਹੈ।