ਜਰਮਨੀ ਸਪੇਨ ਨਾਲ ਸਾਵਾਂ ਖੇਡ ਕੇ ਦੌੜ ‘ਚ ਬਰਕਰਾਰ

ਦੋਹਾ : ਜਰਮਨੀ ਨੇ ਐਤਵਾਰ ਸਪੇਨ ਨਾਲ 1-1 ਦੀ ਬਰਾਬਰੀ ਵਾਲਾ ਮੈਚ ਖੇਡ ਕੇ ਵਿਸ਼ਵ ਕੱਪ ਫੁੱਟਬਾਲ ‘ਚ ਅੱਗੇ ਵਧਣ ਦੀਆਂ ਉਮੀਦਾਂ ਬਰਕਰਾਰ ਰੱਖੀਆਂ | ਜਰਮਨੀ ਵੱਲੋਂ ਨਿਕਲਸ ਫਿਊਲਕਰੱਗ ਤੇ ਸਪੇਨ ਵੱਲੋਂ ਅਲਵਾਰੋ ਮੋਰਾਤਾ ਨੇ ਗੋਲ ਕੀਤੇ | ਇਸ ਮੈਚ ਤੋਂ ਬਾਅਦ ਗਰੁੱਪ-ਈ ਵਿਚ ਸਪੇਨ ਦੇ ਦੋ ਮੈਚਾਂ ‘ਚ ਇਕ ਜਿੱਤ ਤੇ ਇਕ ਬਰਾਬਰੀ ਨਾਲ ਚਾਰ ਅੰਕ ਹੋ ਗਏ ਹਨ | ਜਪਾਨ ਦੇ ਇਕ ਜਿੱਤ ਤੇ ਇਕ ਹਾਰ ਨਾਲ 3 ਅੰਕ ਹਨ | ਕੋਸਟਾਰੀਕਾ ਦੇ ਵੀ ਇਕ ਜਿੱਤ ਤੇ ਇਕ ਹਾਰ ਨਾਲ 3 ਅੰਕ ਹਨ, ਜਦਕਿ ਜਰਮਨੀ ਦਾ ਇਕ ਹਾਰ ਤੇ ਇਕ ਬਰਾਬਰੀ ਨਾਲ ਇੱਕ ਅੰਕ ਹੈ | ਜਰਮਨੀ ਪਹਿਲੇ ਮੈਚ ਵਿਚ ਜਪਾਨ ਤੋਂ ਹਾਰਿਆ ਸੀ ਤੇ ਉਸ ਨੂੰ ਅਗਲੇ ਦੌਰ ਵਿਚ ਪੁੱਜਣ ਲਈ ਕੋਸਟਾਰੀਕਾ ਨੂੰ ਕਾਫੀ ਫਰਕ ਨਾਲ ਹਰਾਉਣਾ ਪੈਣਾ |