ਬਾਇਡਨ ਨੂੰ ਮੋਦੀ ਚੇਤੇ ਨਹੀਂ ਰਹੇ

ਕੈਂਸਰ ਮੂਨਸ਼ੂਟ ਲਾਂਚ ਕਰਨ ਦੇ ਸਮਾਰੋਹ ਵਿਚ ਬਾਇਡਨ ਮੋਦੀ ਦਾ ਤੁਆਰਫ ਕਰਾਉਣਾ ਭੁੱਲ ਗਏ। ਆਪਣੀ ਤਕਰੀਰ ਤੋਂ ਬਾਅਦ ਉਹ ਇਹ ਕਹਿੰਦੇ ਸੁਣੇ ਗਏ ਕਿ ਉਨ੍ਹਾ ਅਗਲਾ ਨਾਂਅ ਕਿਸ ਦਾ ਲੈਣਾ? ਸਮਾਰੋਹ ਚਲਾਉਣ ਵਾਲੇ ਨੇ ਫਿਰ ਮੋਦੀ ਦਾ ਨਾਂਅ ਲਿਆ। ਬਾਇਡਨ ਇਸ ਤਰ੍ਹਾਂ ਦੇ ਟੱਪਲੇ ਪਹਿਲਾਂ ਵੀ ਖਾ ਚੁੱਕੇ ਹਨ ਤੇ ਡੈਮੋਕਰੇਟਿਕ ਪਾਰਟੀ ਨੂੰ ਇਸੇ ਕਰਕੇ ਉਨ੍ਹਾ ਨੂੰ ਅੱਧਵਾਟੇ ਹਟਾ ਕੇ ਕਮਲਾ ਹੈਰਿਸ ਨੂੰ ਰਾਸ਼ਟਰਪਤੀ ਦੇ ਅਹੁਦੇ ਲਈ ਉਮੀਦਵਾਰ ਬਣਾਉਣਾ ਪਿਆ। ਜੁਲਾਈ ਵਿਚ ਬਾਇਡਨ ਨੇ ਪੁਤਿਨ ਨੂੰ ਯੂਕਰੇਨ ਦਾ ਰਾਸ਼ਟਰਪਤੀ ਦੱਸ ਦਿੱਤਾ ਸੀ। ਵਾਸ਼ਿੰਗਟਨ ’ਚ ਨਾਟੋ ਦੀ ਤਿੰਨ ਦਿਨਾ ਮੀਟਿੰਗ ਤੋਂ ਬਾਅਦ ਵੋਲੋਦੀਮੀਰ ਜ਼ੇਲੈਂਸਕੀ ਵੱਲ ਮੁਖਾਤਬ ਹੁੰਦਿਆਂ ਉਨ੍ਹਾ ਕਿਹਾ ਸੀਲੇਡੀਜ਼ ਐਂਡ ਜੈਂਟਲਮੈਨ, ਪ੍ਰੈਜ਼ੀਡੈਂਟ ਪੁਤਿਨ।