ਐਬਟਸਫੋਰਡ : ਕੈਨੇਡਾ ਦੀ ਐਬਟਸਫੋਰਡ ਪੁਲਸ ਨੇ ਇਲਾਕੇ ‘ਚ ਬਜ਼ੁਰਗ ਜੋੜੇ ਦੇ ਕਤਲ ਸੰਬੰਧੀ ਤਿੰਨ ਪੰਜਾਬੀ ਨੌਜਵਾਨ ਗਿ੍ਫ਼ਤਾਰ ਕੀਤੇ ਗਏ ਹਨ | ਮਈ ਵਿੱਚ ਕਥਿਤ ਤੌਰ ‘ਤੇ ਜੋੜੇ ਦੀ ਹੱਤਿਆ ਕਰ ਦਿੱਤੀ ਗਈ ਸੀ | ਜਾਂਚ ਟੀਮ ਨੇ ਕਿਹਾ ਕਿ ਤਿੰਨ ਵਿਅਕਤੀਆਂ ਉੱਤੇ ਐਬਟਸਫੋਰਡ ਵਿੱਚ ਮਈ 2022 ਵਿੱਚ 77 ਸਾਲ ਦੇ ਅਰਨੋਲਡ ਅਤੇ 76 ਸਾਲ ਦੀ ਉਸ ਦੀ ਪਤਨੀ ਜੋਆਨ ਡੀ ਜੋਂਗ ਦੇ ਕਤਲ ਦੇ ਦੋਸ਼ ਹਨ | ਮੁਲਜ਼ਮ 20 ਸਾਲਾ ਗੁਰਕਰਨ ਸਿੰਘ, 22 ਸਾਲਾ ਅਭਿਜੀਤ ਸਿੰਘ ਅਤੇ 22 ਸਾਲਾ ਖੁਸ਼ਵੀਰ ਤੂਰ ਸ਼ਾਮਲ ਹਨ ਤੇ ਇਨ੍ਹਾਂ ਖਿਲਾਫ ਫਰਸਟ ਡਿਗਰੀ ਕਤਲ ਦੇ ਦੋ ਦੋਸ਼ ਲਾਏ ਗਏ ਹਨ | ਇਹ ਤਿੰਨੋਂ ਸਰੀ ਦੇ ਰਹਿਣ ਵਾਲੇ ਹਨ |
